أنتقام

بارت 19

اما عند كريم وكامليا..وصلوا المكان بتاعهم والجارد بتوعها كانوا واقفين بره كلهم واتنين بس كانوا معاها جوه المكان.
اما جارد بيجاد كان واقف بعيد وطبعا كانوا بلغوا بيجاد عن وصول كريم وركوبها معاه من اول ما جه الڤيلا.
.........
كريم....المكان عجبك ولا اتغير
كامليا...بصاله بنظره هاديه...يمكن يكون اتغير كتير بس عادي ...هو ايه اللي مبيتغيرش..كل حاجه بتتغير مع الوقت.
كريم....عندك حق كل حاجه بتتغير... حتي انتي كمان يا كامليا اتغيرتي كتير اوي.
كامليا....وياتري التغيير ده حلو ولا وحش.
كريم...مش حكايه حلو او وحش..
كامليا...امال حكايه ايه.
كريم...يعني في حجات بتتغير حوالينا يا كامليا وبتعدي بيبقي تغييرها مش فارق او مش ملحوظ زي المكان اللي احنا فيه ده الوقت..انتي شوفتيه زي ماهو والتغييرات اللي حصلت فيه مفرقتش كتير ولا حتي التغيير ده كان  مبالغ فيه او يضايق. عادي شوفتيه عادي....و في تغييرات بتكون ملحوظه
لدرجه اننا مبنصدقش مثلا لو هنمشيها مثال عالمكان اللي احنا فيه ده لو التغيير ملحوظ اوي ممكن يشكك مثلا ان المكان ده هو هو المكان اللي كنتي بتيجي فيه زمان....وهتحسي انك كأنك روحتي مكان تاني.....
وفي بقي تغييير تاني خالص تغييير يضايق او متحبيهوش ...فهمتي حاجه
كامليا....انا اللي فهمته من كلامك انك رديت علي سؤالي برد تاني يعني انا سالتك التغيير اللي انا اتغيرته حلو ولا وحش رديت وقولت ان في تغيير مش ملحوظ وفي تغيير ملحوظ وفي تغيير يضايق... انا بقي انهي واحد فالتلاته ياكريم...
كريم.....اكيد مش الاول لان في فرق بين كامليا بتاعت زمان وبتاعت الوقت....انتي التاني يا كامليا تغييرك ملحوظ جداااا.....بس انتي عارفه ايه الغريب بقي...
كامليا...ايه.
كريم...ان التغيير ده مضايقنيش خالص بالعكس لو قولتلك اني منبهر بيه مش هتصدقيني صح..
كامليا....تقصد تقول ان كامليا بتاعت الوقت قادره تبهرك اكتر من بتاعت زمان..
كريم....بصي كامليا بتاعت زمان لما ارتبطت بيها انا وقتها اختارتها بمزاجي مش بس عشان كانت بتحبيني بس عشان وقتها برده كانت  مميزه في كل حاجه....اما كامليا بتاعت الوقت برده بالنسبالي مميزه بس بصوره تبهر اكتر...
يعني فالحالتين انتي مميزه ياكامليا.

كامليا....عايز مني ايه ياكريم ..زمان كامليا اللي كانت مميزه بالنسبالك كان سهل اوي تضحك عليها بحرف مش بس بكلمه.... اما كامليا اللي اعده ادامك صعب تصدق بسهوله..صعب تضحك عليها...
كريم....ومين قالك اني بضحك عليكي او بقول كلام وخلاص
كامليا....امال انت عايز ايه يا كريم
كريم....انا لسه بحبك ياكامليا...يمكن متصدقنيش ويمكن كل حاجه وحشه الوقت تخطر في بالك بس والله العظيم دي الحقيقه انا من يوم ما شوفتك ياكامليا وعرفت انك عايشه وانا مش مظبوط مش عارف اتعامل مع اي حد مش طايق حد مش قادر اركز في شغلي عايز اعمل اي حاجه عشان بس تقدري تسامحيني. انا بحبك ياكامليا ويمكن اكتر من زمان بكتير اوي انا زمان كنت اناني وفيا كل العيوب اللي فالدنيا ومقدرتش النعمه اللي كانت في ايدي وكان ممكن ادوس علي اي حد عشان مصلحتي بس صدقيني انا المرادي بكلمك من قلبي انا بحبك ياكامليا ونفسي تديني فرصه كامليا انا عايز اقولك ان مش الكل صافيلك ولسه فيهم كتير حابين يدمروكي تاني والمرادي عايزين مش يدمروكي دول عايزين حياتك كلها طبعا الكلام ده بعيد عن ناس بسيطه اوي زي سما وبيجاد اخويا هو ميعرفش اصلا اي حاجه زي حسن زي ساره وامي.....يمكن انا كنت معاهم حتي لما جتلك يا كامليا اول مره بس والله العظيم انا ماعارف انتي عملتي فيا ايه انا عمري ماكنت كده انا اول مره احس ان محتاج بجد احب...محتاج ابعد عن الفلوس والانتقام واني ادوس علي اي حد عشان مصلحتي...محتاجك معايا ياكامليا محتاج عالاقل الوقت تشوفيني بصوره تانيه غير اللي انتي رسمهالي