انتقام صديقه 🖤 مع حب جنوبي ❤

🍂البارت الخامس عشر 🍂

راح اعرض عيوني اليوم للبيع  😊

وابيع بنص سعر لليشتريها   $👌🏻

بعد فركاك ما احتاج العيون 👀

عين الماتشوفك شلي بيها  💔

~~~~~~~~~~~~~~~~~~~~~~~~~~

بسم الله.....

. . . . . . . . . . . . . . . . .

هزار  :  غيرت ملابسي وطلعت لكيت سرى تسشور شعرها وريماس كاعده على السرير وبيدها التليفون

رحت كعدت يمهن

سرى  :  هزار  خير شبيج صاير شيء
احسج مو على بعضج

ريماس  كامت كعدت يم هزار  :  حبيبتي شبيج
يأذيج شيء  اصيح للولد يشوفوج

هزار  :  هههه هاي شبيجن..  لاتخافن مابيه شيء

بس مشتاقه لماما وبابا  😞 وكملت بصوت ناصي
ومخنوك  ولياان
اتمنين يكونون يمي بهذا اليوم 😔😢     

سرى  :  هزاااار كلبي حبيبتي لاتبجين ياروحي انتي
كلنه يمج واهلج راح ترجعيلهم خلصتي
مابقى شيء
اما بخصوص ليان فهي بمكان احسن من الدنيا
هي عند ربها...  واكيد فرحانه بيج  لتحقيق هدفج
وحلمج...  هي وياج بكل لحظه وتشوفج
واذا شافت حالتج هذي اكيد راح تزعل

يلا حبيبتي مسحي دموعج...  واتذكري هي كانت دائما تكول  اريدجن قويات وماتنزلن راسجن بيوم
شنو نسيتي هذا الكلام هممم يلا روحي اهدي شوي

ريماس  :  اي حبيبتي كلام سغى صح
مايصيغ تبجين بهيج يوم تمام
وهسه كومن خلي نحضغ للحفله يلاااا 😃😃

هزار  :  هههه تمام يلا كومن

سرى تعالي اني عندي ملابس بس كلهن اسود
😓 ماعرف اذا يناسبنج للحفلات

وريماس نفس الحاله بس اسود عندي
تعالن شوفن سنو يناسبجن

سرى  :  اني جايبه وياي ملابس وبعدين
اني اسمن منج مراح يصيرن على قياسي  ههههه

ريماس  :  اني عندي ملابس بس ماعرف شنو اختار محتاره 😣

هههههههه  تعالن خلي نشوف الملابس

اوك

هزار....  دخلنه لغرفه الملابس واختارينه
الملابس والاكسسوارات والاحذيه (حشا القارئ)

دك دك دك ( صوت الباب غلسو ههههههه  )

هزار  :  منو

حنين.:  اني

هزار  :  هههه وينج تأخرتي الظاهر ياسر كان
عنده شغل وياج 😉🤭

حنين  :  هزاااارر  😳 صايره منحرفه
اتأدبي يابنت

بعدين  تأخرت بسبب همس...  حممتها. وغيرتلها
ملابسها  ...  مو مثلج فاضيه

البنات  :  ههههههه يلا فوتي فوتي