انتقام صديقه 🖤 مع حب جنوبي ❤

🦋بــــــــــــــــــــــارت 38🦋

.
.
.
.

الكل كانو كاعدين جوه لمن سمعو صوت هزار وبجيها صار اعلى اكثر خافو ورادو يكومون بس ياسر منعهم. يعرف ابوه وواثق منه شديسوي لذلك كلهم عوفوهم هسه تهدا ..

بعد فتره كانت هزار بحضن ابوها وبس دموعها تجري بدون صوت ولازمه ايد ابوها..
كان يلعب بشعرها وخلاها على راحتها لمن تعبت كلش...

اب هزار : كافي بابا يلا عوفي البجي وكومي غسلي واكلي شيء يلا حبيبتي لخاطري لو ماعندي خاطر يمج؟

هزار بصوت مبحوح من البجي : اسفه بابا اسفه لان تعبتكم وياي وعذبتكم و...

قاطعه ابوها وهو يخلي ايده على حلكها : اشش بابا شهالحجي هذا بنيتي افديج بروحي ودمي بابا عمري كله فدوه الج.. لتحجين هيج.. وهسه كومي نشوف امج تره ماتاكل وتعبانه على تعبج ..

مسحت دموعها وهزت راسها وكامت وي ابوها اخذها لحمامها غسل الها وجهه ولم شعرها ع جهه وحده..

شافها بالكوه تمشي ومتكدر توكف زين راد يشيله بس هي ماقبلت خافت عليه وهو اصر انو يشيلها. ف شالها ويمشي وهو يسولف وياها يحاول يلطف الجو.. شني ماتخليني اشيلج عود بابا انت صرت شايب بعد متكدر ها ولج ؟؟

شافها ابتسمت بتعب وقوة حضنتها عليه هزت راسها ب لا ..
ضحك ابوها وباسها براسها : اي عفيه بنيتي لاتخلين امج تكوم عليه ونوب تكولي صرت شايب وماريدك خليها ساتره عليه ..

بقت مبتسمه ع كلام ابوها.. نزل بيها جوه شافوه وكلهم كامو ..

ريان : يابه ليش ماصحتني اجي اشيله ليش تعب نفسك ..

كعد ابوها وخلاها بحضنه وامها يمها كاعده وهزار مالت بجسمها ع امها وحضنتها وامها تمسح ع شعرها ..

باوعله ابوه وعض شفته : ولك ريان شقصدج هاا اني شايب؟

ابتسمو اله وحجه يزن : ايي حجي شيبت بعد متفيد. شوف الوالده بعدهي شابه ع بالك اختنه وانت صرت شايب.. التفت ل امه وكلها.. موصدك يوم ؟

حجت ام هزار وهي تباوع ع بنته ... يزن عوف هالحجي الماصخ انت الشايب ابوك شاب بعده..

اب هزار ابتسملها.. يبا اروح فدوه هالوجه .

يزن... هلا هلا شوف شون تدافع ع الحبيب .

كلهم ضحكو حته هزار ابتسمت وفرحو من شافوها تتجاوب وياهم .. وخلصت هيج ليلتهم.. خلو هزار تاكل شوي وحاولو يغيرون جو الها لحته تنسه ونامت بين امها وابوها مثل ماكانت صغيره كانو اهلها يباوعون عليها ومدمعين ..

مرت الايام وتعدت فتره تحسنت هزار وصارت تطلع وي اخوانها واهلها لحته تنسه الي صار.. بس هي متكدر تنسه شيء لكن كدامهم كانت تتجاوب وياهم وتسولف وتضحك حته متخليهم يقلقون عليها .. رجعو اهلها جابولها سياره تشبه سيارته القديمه واحلى بعد .. ماهتمو للناس ولا شون يفكرون بيهم لان كان عدهم اهم شيء هزار ...