انتقام صديقه 🖤 مع حب جنوبي ❤

🍁البارت الرابع والعشرين🍁

🥰 هذا البارت هديه الكم لأنو تأخرت بالتنزيل واني كلت اعوضكم.

استمتعوا 😉

..........................................................

كل فراق لابد ان يكون له بالنهايه سعادة بلقاء لافراق
بعده 🥰❤

...........................................................

مابك ياقلب لاتلتئم... والهموم والأوجاع بك فيحاء ،
افرح فقد اقترب موعد اللقاء 👨‍👩‍👧‍👦😍

..........................................................

لواء : وصلنه شباب الكل بأنتضركم .

هزار ... دگات گلبي احس الكل سمعهن .. متوتره
حييل ومع كلام لواء حسيت مغص بمعدتي ههه

شفت گدام بيت لا مو بيت قصر رائع الجمال ساحر
متوسط المكان وعلى يساره بيت كبير ويمينه نفس الشيء كان الاشجار يحيطن بكل مكان والمكان روعه

شفنه مجموعه زلم والكل لابس الزي العربي ومعگلين
وكلمن شايل سلاح بأيده صراحه الهم هيبه ورهبه

اجه نضري على روحي الي فقدته. على تاج راسي الي فارقته. ونضر عيني الي بشوفته رجعلي. على سندي بهالحياة.... باباتي ... شفته واگف بهيبته وقوه شخصيته
حسيت رجعتلي الحياة بشوفته. حسيت بألامان.
كان مبين عليه اللهفه والشوق لشوفت اولاده...
هنا دموعي غرقرت بعيوني وجسمي يرجف.. گلبي راد يطلع من مكانه يريد يرتمي بحضن الغالي ويدفي.

صحيت ع صوت يزن وهو يگول بغصه... هذا باباتي
هزار ريان واخيرا شفنه الغالي.

وگفت السياره وشتغل صوت السلاح الكل بقى يرمي
اني بطبيعتي ماخفت من صوت السلاح لأن متدربه عليه وتعودت لذلك كان عادي.عندي...

نزلو الشباب واني اريد انزل بسرعه ردت اوگع لزمني
ريان ويزن ودموعي هنا ماگدرت اخفيهن اكثر
سالن لوحدهن شفت بابا ابتسم ودموعه نزلت
فتح ايدي النه اريد اركض لكن ماگدر بسبب اصابتي
ويزن مو احسن مني دموعه مانشفت... نزلت الكمامه بقوه من وجهي.. بمعنى گطعته ووگعت من ايدي هيه والجنطه....
تركت ريان ويزن على غفله هم ما كانو منتهبين لأنو
كنه كلنه مركزين ع بابا... تركتهم وركضت بقوه
بأتجاه باباتي ماكملت خطواتي وصرخت بألم بأسم
بابا حسيت شاقت روحي ونگطع نفسي لان ضغطت
ع مكان الاصابه برجلي.... ركضولي ريان ويزن وبابا

هزار : باااااباااااتييييي. آآآآه .. آآآآه 😭😭😭

وگعت ع الارض واجه بابا ركض حضني بكل قوه ولهفه
كانت حالتنه حاله الكل بچى ودمعت عيونهم
اجه ريان ويزن حضنونه اني وبابا ودموعهم تسيل

اب هزار ببچي وغصه : آآه.. يااااروووح باباتج انتي وگلبه ولكم بابا ليششش هيج سويتو بيه ليششش هيج فرااااگكم اذاني... آه يااااربييي دخيلك گلبي ماتحمل بعد.. 💔