انتقام صديقه 🖤 مع حب جنوبي ❤

🦋بــــــــــــــــارت 39🦋

.

🎀.... بہسہمہهہ تہعہآلى ... 🎀

.
.
.
.
.

لواء : ليش ماتقبلين بالزواج ..؟

هزار ... بقيت جامده ابد ماتوقعت منه هيج سؤال
ماعرف شجاوب عليه بقيت صافنه بوجه ..

هزار حاولت اتهرب منه كتله وكان مبين التوتر والرجفه عليه : اني اتاخرت هسه اهلي قلقانين عليه حروح.. وشكرا الك مره ثانيه.. عن اذنك..

كنت دايره وجهي دامشي وفجاه لزم ايدي فعليا هنا تصنمت وصدمني بحركته.. وكف كدامي ويباوع عليه بضياع كنت اشوف هالشيء بعيونه وواضح...

لواء... ماعرف شون هيج سويت بس فاض الصبر بيه ماجاي اسوي شيء اخاف تضيع مني خصوصا واني اسمع تنخطبت جنت احترك بناري بس الي خفف عليه هي ماموافقه.. وهذه الشي هم مخوفني بنفس الوكت.. اخاف من رفضها الي اكدر اخذها غصب بس ماراح احصل شيء وراح نتعب ثنينه اريدها تحبني مثل ما احبها اني ...

لواء تركت ايدها وحجيت بهدوء عكس المعركه الي بكلبي : هزار.. مو كافي هيج؟

هزار بتوتر : كافي شنو شبيك

لواء صفنت بعيونهه ماعرف شحجي بس تعبت واعرف هيه ماراح تفكر ترتبط واني ماعندي صبر اكثر ولو تبقى عليها ماحصل شيء : يعني تردين تقنعيني انج ماملاحظه شيء .

هزار سكتت وماعرف شنو ارد عليه الموضوع كله فاجئني ابد ماكنت متوقعه يفتح وياي هيج سالفه..

لواء : ليش تستكتين احجي شيء..

هزار برجفه : شحجي ؟

لواء مسح وجهه واردف : سؤال هو واريد جوابه..
باوعتله بتوتر شافت نضرات الخوف بعيونه واضح هالشيء ..

اردف من بعد ماطال سكوتهه : اذا اتقدملج توافقين..؟

فتحت عيونهه بتوسع وتوتر : شدتحجي انت لواء .

لواء : شوفي هزار ماريد الف وادور عليج بالحجي.. راح انطيج وقت حته تفكرين بي ... رادت تقاطعه بس سكتها.: قبل ماتقاطعيني بشيء انه اعرف كلشي بس اريد فرصه منج.المهم فكري زين انتي تره مو الكل نفس الشيء .. يلا دخلي للبيت انتي وانتبهي على نفسج...

هزار .. عافني ببساطه وراح واني لسه ممستوعبه شيء ولامصدكه الي صار.. دخلت للبيت واني متلخطبه بافكاري.. ومملاحظه شيء من الي حواليني .. فزيت ع صرخه يزن .

يزن : يمعوووده الووو

هزار : ها شبيك تصرخ طرشتني شكو .

يزن : صار ساعه نحاجيج وانتي صافنه وتمشين لوحدج مثل المخبله .

هزار : ايي واذا يعني شصار هسه؟

يزن : اخخخ يابرودج.. وين رحتي من الصبح ولج جنج دوده تفترين متكعدين بمكان وتثبتين .. خبلتي العالم وياج.