مرحبا
وين اگدرلك انت تقشمر الشيطآن
ماتنلام اذا تخدعنِي بالعشرة
مو تفآحة لو انت بمكان ابليِس
چا خليت آدم ياكل الشجّرة،
________
ميار: بهاي الساعه حسيت هذا الانسان مو امير لا شخص ثاني. سحلني لسياره ريد احجي افتهم منه شكو شنو الصار مايخليني. ... اااميرر شبيك فهمني وين ماخذني ام... قاطعني بضربه علئ وجهي. نضرب راسي باب السياره. نشك حاجبي.وخشمي كام ينزف دم
سائد: اشش ** انييي ضحكووون عليه وولج انننتي ** تعرفيين شنووو ** تررريدن تعرررفين وين ماخذججج ررراح رررجعج الاهلججج يغسلووون عااارهم
ميار: بخوف... ااميرر شش شنو. داتحجي انتننه شبيك انيي مياررر اميررر لييشش هيجج تحجي. اميررر داحجيييي وياااك جوبني. بلحضه وصلنه البيت اهلي نزل وفتح الباب وسحلني حيلل من يدي حسيت اعظام ايدي تكسرت بيده دك الباب حيلل. فتح الباب بابا. مصدوم من شكلي.
علي: بصدمه... شصاير بابا شبيج امير شكو
سائد: وهو يدفعها علئ ابوها... تفضل بنتك الدكتوره الشريفه العفيفه. شوفها ويامن جانت غسلوو عاركم. وعافهم وطلع
ميار: الكل جان موجود نظره عليه بعد الحجي الكاله. بابا باوعلي بنظره اول مره اشوفه ماكدر افسرها. امير عافني وراح. ماحسيت غير بضربه. علئ وجهي اقوه من ضربه امير . بابا. وكعت علئ كاع تمنيت بوكتها افقد الوعي يصير بيه شي بس ماتحقت امنيتي. غمضت عيني. صحني صوتهم وهم يصيحون بسم بابا. وهو فاقد. ردت اوكف ماكدرت حسيت رجليه راحت. شالو لولد وخذو المستشفئ واني علئ كعدتي. اجت ماما ولزمتني من شعري وتجر بي
امل: وهي تبجي... ولجج ليشش سودتيي وجهيي احجييي. ماتحجييي ولجج احجيي ويامن صخمتييي وجهنه. احجيي هاي تالييي تعبييي لوو الللله ماخذذني ولا شفتت هذا اليوووم
ميار:وهي تبجي... مامااا واللله العظيمم جذذاب لاتصدكو. والللله محدد لمسنيي مامااا جذذاب والله جذذاب.
امل: وهي تبجي.. اشش ماريدد اسمع صوتج. بنات اخذوها الغرفتها ماريدد اشوفها بعد
ميار: عافتني وراحت. اجن البنات ساعدني اوكف وصعدت الغرفتي. ونزل بقيت بوحدي ابجي بالي يم بابا نسيت نفسي و مصيبتي. كمت دخلت الحمام صارت المرايه كدامي شفت وجهي متشوه من وره الضرب الدم جامد. بجيت بحركه كلب. فتحت الدوش وطبيت بهدومي. بقيت ماعرف شكد جوه الدوش طلعت لبست محرم الصلاه. وفرشت السجاده وكعدت اصلاي. عرف ربي ماراح ينساني. سجدت وبقيت ابجي. ماحجيت ايشي بس. يارررب.
تذكرت دعاء ماما جانت تكول هذا الدعاء. دعاء الامام الحسين(ع) من واحد يوكع بمصيبه يحجي. رفعت ايدي واني ادعي. وابجي من كل كلبي
"اللهُمّ أنتَ ثِقتي في كُلِّ كربٍ، وأنتَ رجائي في كُلِّ شدّةٍ، وأنتَ لي في كُلِّ أمرٍ نزلَ بي ثقة وعدّة.. كم مِنْ همٍّ يضعفُ فيهِ الفؤاد، وتقلُّ فيهِ الحيلة، ويخذلُ فيهِ الصديق، ويشمتُ فيه العدوّ، أنزلتُه بكَ وشكوتُه إليك؛ رغبةً منّي إليك عمّن سواك، ففرّجتهُ عنّي وكشفته، فأنتَ وليُّ كُلّ نعمةٍ، وصاحب كُلّ حسنةٍ، ومُنتهىٰ كلّ رغبة"
خلصت. نزعت حرم الصلاه وطلعت ريد عرف خبر عن بابا. وكفت علئ الدرج ماكو صوت بس صوت ماما وهي تبجي. رجعت الغرفه ماردت انزل دخلت وسديت الباب
رحت كعدت بزاويه الغرفه وحضنت نفسي. ماعرف شسوي. ااااخ ربي رحمتك. بقيت علئ كعدتي صافنه
طلع الصبح وماكو خبر عن بابا. ماحسيت غير ندفر الباب ودخل ابن عمي كرار. وبيده حزام. دخل وقفل الباب. تقرب مني. خفت ريد اكف رجليه خدرانه ماحست غير وهو يضربني برجله بقوه اجت الضربه بخاصرتي. صرخت بصوت عالي الوجع ااااااااااه. وصار يضربني بلحزام حسيت روحي راح تطلع. جان يضرب بكل قوته. عبالك مجرم بين يديه ويريد يخلي يعترف. تعب شمر الحزام وكعد
