وَ أنتظرتَك
بيَن صَفنات الليالي
وجَرح دُخان الجگايَر
ولَچمتي وحَسرتي
وحِيرتي وگَسرة الخاطِر
وَ أنتظرتَك
هَلبت تمُر بِية طيَف
أيضَمضُم دُموعي أعلى باچر .
…………………………………
سلام عليكم حبايبي شلونكم 😍♥️
……………………………………
ميار:كاعده يم ام محمد بلمطبخ وهي تمشي وتحجي بقهر مادري علئ منو .. خاله شبيج
ام محمد: مابيه شي يمه
ميار: اكولج خاله .. ليش كرايب سائد هنا
ام محمد: بقهر .. مايرتاح منهم ابد. عم قناص توفه ماعندهم مكان يروحن بي جابهن هنا منا لمن يكمل البيت اليكعدن بي. بس ابد مامرتاحه لهن.
ميار: ليش خاله مامرتاح لهن شكو
ام محمد: ياا ولج انتي والله فاهيه ماشفتي شلون من سمعت بي متزوج شلون كمزت جنها قنفذ.
ميار: خاله مايهمني صدكيني. وانتي هم لاتعبين نفسج. وتحركين عصابج. .. بضحك .. خاله عندنه ليمون.
ام محمد: ههههه والله ضحكتيني. يي يمه عندنه. بس موزين تاكلين. علئ معده فارغه. اكلي. وبعدين اكلي ليمون
ميار: وهي توكف وتروح تفتح الثلاجه وطلعت اليمون ..خاله شتهيت عادي. بعدين اكل .
ام محمد: افف منج صدك لوكال قناص خشمج يابس محد يكدرج
ميار: وهي ترفع حجبها .. هيج كال عني الاستاذ. يصير خير. …… بقيت جوه ماصعدت الغرفه ضجت منها مختنكه. ام محمد تسولف وتشتغل واني يمها اساعدها.
كملت غداء وراحت تصيحهن. هو مايجي عنده شغل. نزلت
ام محمد: هسه يجن. كعدي انتي.
ميار: كعدت شويه نزلن
ام بتول: تعباج عيني
ام محمد: ماكو تعب خيه تفضلن
بتول: بتكبر .. شغلها ماما علئ شنو تعبت
ميار: برود.. خاله ام محمد وحده من اهل البيت. يعني ماتشتغل هنا لا هي ام البيت.
بتول: تباوع صفح ماعجبها. .. لعد سائد وين ليش ماجه يتغده
ميار: بس هي تحجي امها ساكته ..استغفرالله نفس مغثه مال ابن عمه يمكن وراثه .. بروده .. عنده شغل مهم مافاضي
ام بتول: بتول كافي كلام اكلي وخلي البنيه تاكل
ام محمد: وهي تحط كدام ميار اكل .. اكلي قناص كال خلتغده زين
بتول: بغيض .. قابل هي طفله وماتاكل بوحدها.
ام محمد: لاعيني بس هو يوميه متعود يكعد وياهه وياكلون ويحب يهتم بمرته وام ابنه
بتول: ام ابنه شنو يعني انتي حامل
ميار: هسه احط راسها بلماعون شكد تحجي يالله .. يي حبيبتي. نهايه شهر3. .. شفت بعيونها القهر. كملن اكل وهي صعدت بساع. وامها بقت شويه كاعده. وبعدين كامت. ساعدت ام محمد. وكملنه وهي راحت ترتاح. بقيت اني كاعده عجبني اطلع بحديقه. خليت شال طويل عليه. لان بره اكو حرس ومالي خلك غير ملابسي مابيهن شي
تذكرت. قبل من جنت انزل الحديقه كدام بيتنه. وماعندي هم ولا شي افكر بي. هسه هموم الدنيا كلها بيه. ظهري صار يوجعني. كمت دخلت وصعدت الغرفه سبحت وغيرت ملابسي شغلت التلفزيون ومددت علئ السرير. ……… مر اسبوع. بت عمه وامها راحن. صراحه فرحت من راحن. هاي الاسمها بتول ماتنبلع. عرفت من ام محمد هي مريضه. خلصت 3 شويه تعبت منا الحمل يعني اكثر وقتي نوم. امي ماكدر بعد اخابرها لان ماجاي اشوفه اكثر وقت هو طلع ماموجود وام محمد ماعندها تلفون. ... الصبح الجو حلو مو بارد دافي يعني ينطلع بي. كعدت بلحديقه مادري بي هو موجود لو لا وام محمد راحت السوق. حسيت الكرسي الصفي انجر.
