قبل چم سنه عَدت مو بعيده
و مثل هالليله هم چانت رعيده
اول مَره بيها افتر بالفروع
چني الشايب وضيع وحيده
و اول مره بيها الزملي باكيت
و ادخن و انه چنت الما اريده
ذيچ الصدمة هزت ثقتي بالناس
و گمت ما اثق بالوجوه الجديده
ما اگدر اسولف و الحچي هواي
مو انه اليضم حجيه بجريده
مشكلتي العلاقة احفظها اسرار
مثل ما يحفظ الساعي بريده
چنت ما تدري ادري وما اهتميت
و ما گتلك ولا بيه انت حسيت
ما بين عليه انسان معيوف ؟
ما ركزت وجهي شلون مخطوف ؟
ولو شتركز وما يوم مريت
.......................................
هيلو شلونكم شخباركم ❤️
ناي: اني ناي يتيمه لاب. عندي اخ واحد وتوفه. هو بابا بنفجار بمنطقه(....) بقيت بس اني. وامي صرت اشتغل بلبيت اطبخ وابيع علمود علاج امي. اكثر شي جاي ياذيني مرض امي اموت بليوم الف موته من اشوفها تتوجع. واني مابيدي شي اسوي. لان مرضها متقدم حيل
كل مره تخربط بيها احس روحي تطلع خاف اخسرها....
مثل كل مره. اكعد الصبح. اسويلها ريوك ونطيها علاج. ورجعت كملت شغل البيت. وخابرت زبونه عندها عزيمه تريدني اسويله معجنات. شفت ماعندي غراض الفطاير. اخذت الفلوس وبدلت جانت الساعه ب11. .. ماما رايحه لسوق اشتري كم شغله. ماطول تريدين شي
ام ناي: لا يمه ماريد شي سلامتج دريبالج علئ نفسج.
ناي: صار يلا رايحه هسه اشوف ام عثمان خليها تجي يمج ... طلعت. ومريت علئ ام عثمان جوارينه خوش مره حبابه دائما تجي يم امي ويبقن سوه كاعدات. دكيت الباب. طلع حفيدها.. هلا سلومي بيبي موجوده
سلام : هلا نونه يي موجوده. دخلي
ناي: لاحبيبي مستعجله بس كول البيبي تروح يم امي ريد روح السوق ماطول بساع اجي
سلام: صار هسه كولها لابيقه بالج
ناي: فدوه لكلبك حبيبي يلا رايحه اني. ... صعدت سياره. وصلت لسوق اشتريت الحتاجه علمود مارجع مره ثانيه. كملت وطلعت من السوق ماحبيت اصعد سياره كالت اتمشه شويه منطقه امنه. وصلت قريب علئ البيت صار واحد يمشي ورايه ويذب كلام قذر مثله. خفت صرت امشي بساع اول مره يصير ويايه هيج ريد بس اوصل لان صار هواي يتجاوز بكلام. شفت واحد واكف يم سياره بساع راحت يمه. ..عفيه ساعدني هذا جاي يلحكني عفيه ساعدني ابوس يدك. ... تركني وراح يمه هذا الحكني. شبعه ضرب. موته من الضرب كالت هذا مات بيده يلا عافه. بساع كام بلكوه وهرب. هذا الساعدني رجع يمي بقه صافن بوجهي ماعرف شبي. .. احمم شكررا
ضياء: بعصبيه...انتِ ليش طالعه بوحدج اهلج وين مايخافون عليج هسه طلعه بهل الظهريه وهذوله الحثاله يتحارشون بيج
ناي:ضوجني هو منو وهيج يحجي عليه وعلئ اهلي
انته.ليش تعيط عليه انتَ شعليك كيفي اطلع الظهر لو بليل لو الصبح كيفي مو يعني ساعدتني. يعني تاخذ عين
عفته ورجعت البيت واني جسمي يرجف من هل الموقف الحقير الصار ويايه. نزلت دمعتي لو ابويه لو اخويه موجودين ماقلبو اطلع ولاهذا يتحارش بيه بس هاي الماعنده سند هيج يصير بيها. مسحت عيوني علمود امي ماريدها تشوفني بهل الحاله وتنقهر. رسمت بتسامه علئ وجهي ودخلت البيت شفته كل عاده هي وام عثمان حاطات الجاي ويسولفن. ... سلام عليكم
