Blue dandelion ..💙[Completed]

Ep-1❄️

Uni 💙

••••••••

" ဆိုတော့ မင်းက Daddy ပြောတဲ့ဟာကြီးပေါ့"

ဂိုထောင်အဟောင်းကြီးထဲတွင် ဒေါင်လိုက်ထားရှိရာ အပြာရောင် အလုံပိတ် သေတ္တာကြီး
တစ်ခုအား ရိပေါ်က ခါးထောက်ရင်း
ပြောနေသည်။

ထို box ပေါ်တွင် ပေါ်နေသောစာတန်းလေးကား
" Leo 85 ."

ရိပေါ်တစ်ယောက် လက်ကိုင်အားကိုင်ရင်း
ဖွင့် ရမလား မဖွင့်ရဘူးလား ဒွိဟများနေသည်။

သားအမွှာမွေးပြီး
တစ်ယောက်မှာ ဆုံးပါးသွားသော
ကြောင့် ထိုစိတ်နဲ့ စိတ်ကျန်းမာရေး
မကောင်းရှာ‌ေသာမိခင်ဟာ
ရိပေါ်ပေါ်တွင်ပင်
မိခင်တာဝန်မကျေနိုင်ရှာ

သိပ္ပံပညာတို့အား တစ်ဖက်ကမ်းခတ်အောင်
တော်လွန်းလှတဲ့ဖခင်ဟာ
အခြားလူတွေ အမြင်မှာတော့အရူးသာသာ
မိန်းမဖြစ်သူ အတွက် ဆုံးပါးသွားတဲ့သားတစ်ယောက်အတွက် ထိုသားနဲ့ တစ်ပုံစံတည်းတူတဲ့လူသား စက်ရုပ်အား တီထွင်လိုက်သောအခါ

ယခုတော့ဖြင့်ဖခင်ဟာ ရိပေါ်ကို ဒီသေတ္တာကြီး တစ်ခုနဲ့ထားခဲ့ခါ တရားမဝင် တီထွင်မှုကြောင့် မိခင်နဲ့အတူ ထွက်ပြေးနေရှာတော့သည်။

" ဘုန်း !!! အ့"

တစ်ယောက်တည်း ဒေါသထွက်ပြီး
ကန်လိုက်ရာ ခိုက်မိသည်မှာလည်း သူ့ခြေထောက်သာ

ရိပေါ်စိတ်ရှုပ်စွာဘဲ သူ၏ ဆံပင်တို့အားထိုးဖွမိသည်။
အမဲရောင် ဆံပင်တို့ကြားတွင်
ငွေဘော်ရောင် ဆံပင်တို့ကြားညှပ်လို့
Lollipop လေးတစ်ချောင်းနဲ့ ရိပေါ်က
ဂျစ်ကန်ကန် လေး လူဆိုးပေါက်စလေးလိုလို

စိတ်ရောဂါဖြစ်နေသော မိခင်ကိုသာ အချိန်ပေးနေရတဲ့ ဖခင်ဟာ ရိပေါ် ကိုပေးဖို့
အချိန် တို့ပေါမနေခဲ့
တစ်ပတ်တစ်ခါ လာတွေ့တတ်သော ဖခင်ဟာ
ရက်အများကြီး ပြောက်နေအပြီးမှာ
ပေါ်လာတော့လည်း သားသူ့ကို စောင့်ရှောက်ပေးဟု ဆိုကာ သေတ္တာတစ်လုံးနဲ့ထားခဲ့ပြန်သည်။

" ဟူးးး"

လူသူ မရှိတဲ့ပတ်ဝန်းကျင်အား တစ်ချက်ကြည့်ကာ လေပူတို့ ထုတ်လိုက်ရင်း
ရိပေါ်က ဂိုထောင်ထဲ ပြန်ဝင်သွားသည်။