صدفه انقذتنى

البارت الاول

كان راكب عربيته وبيتكلم فى التليفون ( يزيد   شاب وسيم وعيونه رصاصي ورياضي بعضلات ورجل أعمال مشهور وله مكانته فى البلد وجد جدا وملقب بالنسر فى شغله عنده ٢٨ سنه ) وفجاه لقي نفسه خبط بنت بالعربيه نزل من عربيته جرى

يزيد   ... استر يارب ومصيبه ايه دى كمان يا انسه

البنت .... اه يا رجلى كسرتلى رجلى يا حيوان
(البنت اسمها ميرال  عمرها عشرين سنه بنت بيضه وعيون خضر ولسانها عاوز قطعه ومرحه جدا وجدعه وبتخاف تقعد فى مكان لوحدها عشان بيظهر لها حاجات وهنعرف الحاجات دى بعدين  )

يزيد  .... هو مين ده اللى حيوان يابت انتى وبعدين ايه اللى رماكى قدام عربيتى

ميرال  ... ما اسميش بت وبعدين انت اللى مبتعرفش تشوف مش واخد بالك انك فى منطقه سكنيه يعنى تمشي بالراحه

يزيد   .... سكنيه مين ده مفيهاش غير بيت واحد بس

ميرال   ... ودول مش سكان ولا بتستقل بيهم
كل ده بيتكلموا وهم واقفين قدام البيت
تليفون ريتال  رن استنى ياض انت هرد على التليفون

ملحقش يرد عليها وهى ردت على التليفون وهو وقف يجز على سنانه من الغيظ وكان نفسه يرمى الفون من أيدها وسكت لما عرف انها بتكلم مامتها

ميرال   ...الو يا ماما

الام .... اعملى الاكل يا حبيبتى

ميرال ..... حاضر يا ماما نص ساعه وهقوم اعمله وهاتى كاتشب وانتى جايه ومتتأخريش عشان انتى عارفه انى بخاف

الام .... حاضر انتى فين

ميرال   .... قاعده فى قدام البيت  متتأخريش سلام

الام .... حاضر يا روحى مش هتاخر سلام

يزيد  .... مفيش مكالمه كمان ما انا ناقص عطله اوعى كده عشان امشي وبعدين واحده شاحطه زايك ولسانها مترين وبتخاف

ميرال  ... ماتهدى على نفسك ياعم اجبلك ميه تروق دمك بدل العصبيه دى

يزيد ببرود ...... ده  لو عندك وياريت تكون ساقعه

ميرال   ... بتتشرط كمان ده بارد اوى  دقيقه واحده هجيبلك

يزيد بسخريه  .... ايه ده هو انتى بتعملى خير ؟

ميرال  بمشاكسه وهى بتجرى على جوه .... اللى سقي كل*ب دخل الجنه مبالك باللى سقي ط*ور

يزيد  بغضب .... انا طو*ر ومن شويه حيوان شكلى هقتلك

دخلت ميرال جرى وجابت ميه ساقعه وادتهاله

ميرال   .... خد اشرب وروق دمك متخافش ميه نضيفه

يزيد  ... مش ضامنك بس للاسف انا عطشان ومفيش ميه فى المنطقه الغريبه دى اللى حتى مفيهاش سوبر ماركت