صدفه انقذتنى

البارت التاسع

يزيد خرج من عند ميرال وراح أوضته اتوضي وراح للمكان اللى بيرتاح فيه
يزيد لبس وخرج وكان طول الطريق بيدعى يلاقي الشيخ جمال لانه بيرتاح جدا من الكلام معاه وهو ماشي فى الطريق حدث مالم يتوقعه يزيد وقف العربيه بسرعه و نزل من عربيته و مقدرش يتحرك من كميه الدم اللى على ازاز العربيه وكان الدنيا كانت بتمطر دم

يزيد ..... لا اله الا الله يارب ايه ده واذاى جه فجاه كده
يزيد لنفسه ..... اهدى بس ان شاء الله خير

يزيد وهو مش قادر يتمالك أعصابه وبيحاول يهدى نفسه بدأ يمسح العربيه
يزيد استغرب ان عربيته بس اللى كده وكمان مفيش حد سأله ايه ده او حد وقفله كل الناس ماشيين وكأنه اصلا مش موجود

يزيد كان عقله هيطير هو مش فاهم ايه اللى بيحصل وبيحصل كده ليه وياترى فى سر ورا السبب ده

احيانا الواحد بتحصله حاجات كتير هو مش فاهمها بس بيحاول يبين للناس أنه طبيعى وأن دى اوهام بالرغم انه متأكد منها بس مفيش حل غير انه يقول انها اوهام عشان يقدر يكمل

يزيد مسح العربيه ولسه بيركب لقي كوتش العربيه نايم على الأرض يزيد بدأ يتعصب وبدأ يقرأ قرآن وبالأخص الآيه  اللى بيهدى لما بيقرأها أو بيسمعها
" وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ" [البقرة:102]

( بعيدا عن الروايه بس انا بالفعل بحب الايه دى جدا وبرتاح اوى لما بقرأها حتى لو كان فيا ايه )

يزيد بعد ما قرأ الايه افتكر ان معاه استبن فى العربيه راح جابه وغير فرده الكوتش
وشغل سوره البقره فى العربيه وراح عند الشيخ جمال فى المسجد

يزيد وصل امام المسجد نزل من العربيه وقفلها
وهو داخل من باب المسجد وقع وكان حد زقه من ضهره ولحسن حظه أن الشيخ جمال هو اللى لحقه

الشيخ جمال.... مالك يا ابنى مش تاخد بالك

يزيد ..... مش عارف حصل كده اذاى

الشيخ جمال ..... مش مهم حصل خير جيت متاخر على الصلاه ليه

يزيد ..... حصلت معايا مشكله فى الطريق