صدفه انقذتنى

البارت الثالث عشر

يزيد ..... ميرال حبيبتى انتى فين
ميرال بصوت ممزوج بالعياط..... انا فوق
يزيد بيبص فوق أنصدم أنها طايره فى الاوضه
يزيد ..... انتى اذاى طلعتى فوق كده
ميرال وهى لسه بتعيط ..... مش عارفه
يزيد جاب كرسي ووقف عليه ومسك ايد ميرال ونزلها ولكن كان مفيش جازبيه فى الارض تثبتها
يزيد اخد ميرال فى حضنه وبيحاول بقدر الإمكان ميخليهاش تترفع لفوق تانى
يزيد ..... اهدى انا جنبك متخافيش
ميرال بعياط  .... حاضر
يزيد .... حبيبتى تعرفى تقوليلي ده حصل ازاى
ميرال وهى صوتها يكاد ينعدم اصلا  ..... لما انت دخلت تاخد شاور انا غيرت و واقعدت اتسرح وفجأه لقيت نفسي بترفع حسيت ان مفيش جازبيه
يزيد .... مش احنا بنثق فى ربنا
ميرال .... ايوا
يزيد .... يبقي ترضي بقضأؤه ربنا سبحانه وتعالى قال
"ياابن ادم أن رضيت بما قسمته لك ارحت قلبك وبدنك وان لم ترضي بما قسمته لك ف بعزتى و جلالى  لأسلطن عليك الدنيا تركض فيها ركض الوحوش فى البريه ولا يكون لك منها إلا ما قد كتبته لك "
يعنى يا حبيبتى أمر الله كده كده هيحصل فنرضي بيه عشان ربنا يحبنا
ميرال ...... حاضر
يزيد ..... ان شاء الله خير ربنا هيعديها على خير يا حبيبتى
ميرال ..... يارب يارب يزيد
يزيد ..... عيونه
ميرال ..... هو انت عرفت حاجه بخصوص اللى بيحصل ده
يزيد ..... بصي صراحه عرفت أن ده س*حر وحد عامله مش عاوزنا نبقي مع بعض بس هو مين لسه معرفوش بس صدقينى يا وردتى اول ما اعرف هو مين مش هر*حمه
ميرال ..... طب ليه بيكر*هولنا الخير اوى كده
يزيد ..... ربنا يهديهم ويبعدهم عننا
ميرال. .... يارب ويسيبونا فى حالنا
يزيد وهو بي*قبل جبينها .... يارب يا حبيبتى
ميرال ..... يزيد ممكن اقول حاجه
يزيد .... هفكر
ميرال .... كده طب مش هقولك
يزيد ..... بهزر معاك يا حبيبى
ميرال ..... انت جميل اوى انت نعمه كبيره اوى من ربنا عندك ايمان قوى وربنا يزيدك يارب وكل مشكله بنقع فيها بيكون عندك امل فى ربنا كبير ان كل ده هيعدى ودايما بتهون عليا بالرغم انى متاكده انك محتاج حد يهون عليك تعرف يا يزيد
يزيد بمزح ...... لا معرفش محدش قالى والله
ميرال ..... رخم نيهههه تعرف ان كل اللى حصل فى اليومين دول انا عرفت قد ايه انت بتحبنى وانى بحبك اكتر مما تتخيل
يزيد ..... ياروح قلب يزيد انا بعشقك مش بس بحبك
ميرال ..... لو اللى انا فيه ده منتهاش هتسيبنى ؟🥺💔
يزيد بحكمه ..... اولا ياست البنات لو اللى احنا فيه ده فضل وده ان شاء الله لا هفضل طول العمر جنبك وبحبك
ثانيا بقا عمرك شوفتى الشمس بس اللى طالعه طول اليوم او الليل هو اللى موجود طول اليوم بس
ميرال ..... لا لازم الشمس تظهر والنهار يطلع بعد سواد الليل
يزيد ..... انتى جاوبتى على نفسك مفيش حاجه بتفضل على حالها كل شئ بيتغير ومهما طال الليل مسير الفجر طالع
ميرال .... بجد انا بحسد نفسي عليك
يزيد بمزح ..... يعنى انتى اللى حسدانا ومبهدلانا كده
فضل يزيد وميرال يضحكوا ولا يعلموا بالعيون التى تراقبهم
/////////////
المجهول ..... الو يا باشا
الباشا ..... حصل ايه
المجهول ..... ميرال كانت بتطير وشكلها اتحولت بالليل مش عارفه مين عمل كده بس هو لصالحنا
الباشا ..... حلو انتى عملتى حاجه ولا لسه
المجهول ..... لسه ياباشا الموضوع صعب يزيد مبيسبهاش خالص ودايما معاها حتى نزلوا الصبح وهو شايلها وخرجوا ولما مشيت وراهم عرفت انهم راحوا المستشفى ورجعت قبلهم
الباشا ...... طب حاولى تنجزى فى المهمه دى والا انتى عارفه ايه اللى هيحصلك اعتقد مش صعبه عليكى لان يزيد بيحبك
المجهول ..... فاهمه حاضر
الباشا .....سلام واهتمى بشغلك كويس
المجهول ..... سلام
///////////
اجتمعت العائله على الفطار
الجده ..... روحى شوفى يزيد وميرال هيفطروا معانا ولا نطلعلهم الاكل فوق
الخادمه ..... حاضر يا هانم
طلعت الخادمه وخبطت على الباب
يزيد .... ادخل
الخادمه فتحت الباب ..... استاذ يزيد الهانم الكبيره بتقول لحضرتك هتنزلوا الفطار ولا نجيبه لحضرتك هنا
يزيد ..... تمام انزلى واحنا هننزل وراكى
الخادمه ..... تمام
ولسه هتمشي يزيد نده عليها
يزيد ..... ملاك استنى
ملاك .... نعم يا استاذ يزيد
يزيد .... مش قولنا اسمها السلام عليكم ورحمه الله وبركاته مش تمام عشان تاخدى ٣٠ حسنه
ملاك ..... حاضر يا استاذ يزيد حضرتكم محتاجين منى حاجه
يزيد ..... لا شكرا اتفضلي
ملاك ..... السلام عليكم ورحمه الله وبركاته
يزيد وميرال بإبتسامه ..... وعليكم السلام ورحمه الله وبركاته
يزيد ..... تحبي تفطرى هنا ولا تحت
ميرال .... عاوزه انزل تحت بس خايفه تحصل حاجه تانيه
يزيد .... طب انا مش عاوز انزل عاوز أفطر مع مراتي القمر
ميرال بخجل ..... بطل رخامه انت عارف انى بتكثف
يزيد ..... هروح اجيب الفطار واجى عشان العيال اصحابى زمانهم جايين وهيرخموا علينا للصبح
ميرال بابتسامه  .... ربنا يديمهم فى حياتك ويحفظك ليا
يزيد لسه بيفتح باب الاوضه أنصدم ***

///////////////عند عدى

محمد ..... انت كده هتضطر تنزل مصر وترجع تانى
عدى .... ومين قالك كده
محمد ..... امال هتجيبه اذاى بخططتك دى
عدى ..... صبرا بس انا هبعت حد وهو اللى هينفذ كل ده
محمد .... المواضيع دى يا عدى مينفعش تثق فى اى حد فيها
عدى ..... ما انا مبثقش فى اى حد
محمد ..... طب وانت هتقعد هنا تعمل ايه لما تبعت حد ينزل مصر بدالك
عدى ..... لازم افضل هنا عشان مارك وچو اللى لو حد عملهم اللى عاوزينه هيخلى الصفقه تبعهم ودى حاجه مستحيل اقبلها
محمد .... طب وانا؟
عدى .... هو ده بقي اللى عاوزك فيه
محمد ..... شكلك ميطمنش فى ايه
عدى .... انت عارف انى مش بثق فى حد غيرك وكمان المهمه دى صعبه عشان كده قررت ان انت اللى هتروح مصر تخلص الشغل هناك
محمد وقد حلت عليه الصدمه ..... لا بتهزر صح
عدى .... لا مبهزرش مفيش حد اثق فيه ذايك عشان كده ملقتش انسب منك
محمد ..... والسفر امته بقا
عدى ...... بعد بكره 
محمد ..... تمام ويلا قوم روح الجناح بتاعك عاوز انام
عدى ..... انت ايه ياض غيبوبه ما انت لسه صاحى "محمد فى النوم بيفكرنى بواحده صاحبتى مسمياتها غيبوبه 😂😂"
محمد ..... يا اسطا النوم ده عظمه ويلا قوم بقا
عدى ..... مش قائم ومفيش نوم
وفى لحظه الباب خبط
محمد .... طب ثانيه جاى اهو
عدى .... انت ح*مار يا ابنى ده على اساس ان اللى واقف بره هيفهم انت بتقول ايه
سمعوا صوت جاى من ناحيه الباب وبيقول طبعا فاهم  كل اللى انتوا بتقولوه
عدى ومحمد بصوا لبعض وووو******

نكمل البارت بكره بقا
مين اللى كان بيتصنت على يزيد وميرال ومين اللى راح لعدى ومحمد كل دى أحداث نعرفها بكره باذن الله
بقلمى Rawda Gamal
#روايه_صدفه_انقذتنى
#كاتبه_المستقبل