لن اتنازل عن خاطفي

لن اتنازل عن خاطفي الحلقه الاولي

القصه دي بناء علي طلب متابعه هنا فنزلتهالها يارب تكون شافتها

بعض الاشياء تحدث في ظاهرها السوء ولكن عند النظر اليها تكون الخير كله
لن اتنازل عن خاطفي
الحلقه الاولي
في حاره قديمه من حواري القاهره الكبري
.............................................
حاره المناويشي وتحديدا قهوه المناويشي
يجتمع ثلاث اصدقاء
احمد  ماجستير حقوق وبيقدم ع الدكتوراه
مجدي تجاره وعامل دبلومه
محمد سياحه وفنادق
يجتمعون دائما علي هذه القهوه يتناقشون في احوالهم واحوال البلد
احمد:يعني واحد زيي قرب ع ال30 ولا شغله ولا مشغله وبلقط رزقي ف مكاتب المحاماه عشان شويه ملاليم
مجدي:طب انت لاقي مكتب محامي يلمك حتي لو ملاليم امال انااعمل ايه الي باخد مصروفي من ابويا لحد دلوقت
محمد:ومين سمعك دا حتي محلات الفول والطعميه مش عاوزه تشغلني
احمد:طب انتو هنا مع اهاليكو انا من بلد تانيه وجيت هنااشق طريقي وساعات مش لاقي ادفع الايجار بتاع الشقه
محمد:هنعمل ايه شويه كلاب ماصيين دم البلد والاسم رجال اعمال
احمد:ياريتهم بمجهودهم كنا فرحنالهم لكن شفطنها ف كروشهم بالرشاوي  والعمولات

محمد:انا طقت ف دماغي فكره مجنونه ناخد حقنا منهم هي مش صح بس نعمل ايه المضطر يركب الصعب
احمد:ودي ايه يابلاص المفهوميه
محمد :من غير تريقه كلنا ف الهوا سوا
احنا نشوف كده بنت ملياردير كده ننشن عليها ونخطفها ونطلب 5 مليون ودي حاجه بسيطه بالنسبالهم مش هتفرق معاهم بس هتفرق معانا دول ملاليم بالنسبه لهم
وهو عشان له اسمه ف السوق هيخاف من الشوشره والفضيحه وهيدفع فورا
مجدي:ايه الدماغ العاليه دي ياد انت تقلت ف الصنف
محمد:مش عاوز تريقه انا فيا اللي مكفيني احنا لا هنعملها حاجه ولا بتاع هتفضل معززه مكرمه عندنا لحد ماناخد الفلوس ونبعتها لهم لا من شاف ولا من دري
احمد:لا ياعم اناراجل قانون ودي فيها اعدام اختطاف انثي وتتبلي علينا وابوها واصل
محمد:ماقولتلك دي ملاليم بالنسبه لهم ولا هتاثر ويخاف من الفضيحه

مجدي:شكلك فاهم يانصه وهنتقفش فين بقي
محمد:ياجدع بطل تهريج بقي
الفلوس دي هنشتري الارض ونعمل المطعم اللي بنحلم بيه والبليه هتلعب معانا ونبقي شركاء فيه
احمد ومجدي:طب سيبنا نفكر ونرد عليك ماهي خربانه خربانه بلد بنت تيت صحيح
....................
في احد القصور للمنصوري بيه
باكينام والدلع باكي تستيقظ  بعد العصر
باكي:دادا مامي فين
الداده: ف النادي ياحبيبتي مانتي عارفه
باكي :وطبعا بليل ف الحفلات لوش الصبح
ودادي ف الشغل اللي مابيرجعش منه او ف سفر
معرفش خلفوني ليه طالما مش فاضيين كده
ترتدي ثيابها وتذهب للنادي مع شلتها التي تكرهها لكنها مجبره عليها
.........................
في القهوه
محمد:فكرتو
احمد: انا خايف
مجدي:وانا كمان بس مش لو فلحت يبقي احسن من الارف الي احنا فيه
احمد:ياجماعه احنا ناس متعلمين
لما البلد توصل عقول ولادها للاجرام ده يبقي قول علينا كلنا يارحمن يارحيم
محمد:عندكو حل تاني
مجدي:طب احنا هنعرف البت دي ولا الراجل الغني ده منين
محمد:سيب الحكايه دي عليا ليا شيف صحبي ف نادي كبير في ناس تقيله هروحله اكني بسال علي شغل  واطقس ع البنات هم بيبقو عارفين اصل كل بنت وفصلها
مجدي واحمد:تمام وربنا يستر

.................
في النادي
تصل باكي:هاي ياشله زباله منكو لله ع اللي عملتوه فيا فين الهباب اللي بتجبوه
باسم:الجرعه بتاعتك اهي ياقمر
باكي:هات غور من وشي
يدخل محمد لحارس النادي
كنت بسال عن الشيف محسن كان وعدني يكلم المدير ليا علي شغل ووعدني اقابله
وهو يدور بناظريه علي البنات الموجوده ويلفت نظره باكي فهي المتالقه فيهم
فياتي له الحارس بالشيف محسن
محمد:عملتلي ايه فموضوعي
محسن:والله صعب يامحمد
محمد:هي مين الموزه دي ويشير الي باكي
محسن :لادي تشتريك ببلدك كلها دي بنت المنصوري الملياردير الشهير
محمد:ربنا يجعل كلامنا خفيف عليهم
.............. في القهوه
محمد:جبتلكو حتت بت ابوها ملياردير
هيلزمنا بس نرسم الخطه