لن اتنازل عن خاطفي

لن اتنازل عن خاطفي السابعه

لن اتنازل عن خاطفي
الحلقه السابعه
يستيقظ احمد ف الصباح ليجد باكي ترتدي ثيابها بنطال ضيق جدا وتوب حمالات
احمد:انتي راحه فين
باكي:السوق
احمد :انهو سوق السوق بتاعتنا بتاع الخضار
باكي :انا مابعرفش اطبخ بس كنت بنزل ف المطبخ مع داده وااعمل شوربه خضار دي اللي بعرف اعملها وبحبها وبتطلع تحفه
وتتجه الي الباب
احمد:تعالي ياماما هنا ايه اللبس اللي انتي مش لبساه ده انتي عاوزه تروحي كده السوق بتاعنا
دا يكلوكي انتي هتلمي عليكي امه لا اله الا الله دا ممكن يقطعوكي واروح المك انقاض
روحي حبيبتي البسيلك حاجه
ولا اتصل بمجدي يجيب من اخته عبايه يقولها مرات صاحبي دولابها اتحرق وقاعده بلبوص
باكي:لا انا مالبس هدوم حد
طب ممكن البس اسدال الصلاه
احمد:انتي بتصلي
باكي:طبعا انا اتقطعت بس فتره المخدرات ورجعت لما خفيت
احمد: طب وريني كده
ترتدي باكي الاسدال
احمد:ايه القمر ده ايوه كده
دا انا حبيت الصلاه بالاسدال
باكي:ماتكسفنيش بقي ياحمد
احمد:خدي فلوس من البنطالون بتاعي
باكي :انا معايا ومعايا الفيزا كارت
احمد:انتي عارفه اني ماحبش حد يصرف عليا
والفيزا كارت دي لو طلعتيها ف السوق
هيكلو الكارت ويدوكي فيزا خروج بلا عوده
باكي:حاضر
وتنزل تتسوق وتاتي بالخضار وفرخه وكتاب بيدها
باكي:ادي الباقي بتاعك اهو اما الكتاب ده اشتريته من مكتبه بالفيزا
احمد:ودا ايه بقي
باكي:فن الطهي
احمد :معايا الشيف حسن اصلي
باكي:لاااا دا انت  هتدوق شربه خضار ولا الشيف الشربيني ف زمانه
احمد :ودا بكام بقي
باكي:ب400 جنيه بس
احمد: يانهاااار طب انا هكله بالورق بتاعه بقي ايه رايك
باكي:هههههههه
احمد:يابنت الحلال ماكنا ضربنا اتنين كشري بدل مايجلنا تسمم يبقي جبس وتسمم
باكي:ماتخافش ثق فيا
احمد:ربنا يستر
طب اتصل بالاسعاف تجهز ولا ايه
ابقي خلي بالك من العيال ياباتعه
ترجع له:ف عونيا اتكل انت علي الله ولا يهمك
احمد:دا جاكي نوياها نوياها
عاوزه تخلصي مني
يعني مش فارق معاكي
تقترب منه حتي يكادا يصبحان شخص واحد
باكي:بعد الشر عليك يابيبي
دا انا اموووووووت بعدك
يحس احمد بنار ودخان يخرخ من صدره وقد اصبح لا يحتمل اقترابها منه
فكلما اقتربت منه تصبح لديه رغبه جامحه لا يخمدها غير مقاومته ولكن الي متي ستستمر هذه المقاومه
احمد:احم احم طب مش هنتعمل الاكل ولا ايه حتي نحلل فلوس كتاب ابله نظيره ده
باكي:حالا يابيبي لو عوزت حاجه ناديني
ادخلك الحمام قبل مابدا
احمد :ماشي ويستند عليها
باكي :ادخل معاك
احمد:لااااا انا هتصرف جوه روحي انتي
ثم تعود به الي سريره
وكل فتره احمد ينادي عليها مره حمام مره يخرج للصاله مره يعود
باكي تنتهي وتخرج له
باكي:انت فيك ايه كل شويه باكي باكي
احمد:زهقتي مني من اول يوم
باكي:لا طبعا بس انا شيفاك قلقان مالك
احمد:مابحبش اقعد لوحدي ومابطقش قعدت البيت
باكي:خلاص انا جيت اهو علي ماالاكل يستوي
احمد:عاوز اسالك سؤال
باكي:اسال
احمد:انتي ليه حبتيني
باكي:من غير ليه الحب ده بتحب حبيك باكدج واحده
ااحمد:باكدج ماشاء الله وكان عليا عرض بقي خد واحد والتاني مجانا
باكي:يعني باسلوب الناس البيئه لوكشه واحده
احمد:ولوكشه كمان
طبعا التضاد يبرز المعني ويوضحه
باكي:افهم بقي بلاش تريقه
يعني الي بيحب حد بيحب كل حاجه فيه عيوبه مميزاته كل حاجه ومابيشوفش قدامه غيره مهما كانت عيوبه واضحه لناس تانيه
احمد:وفيلسوفه كمان
باكي:انت ناسي اني درست سيكولوجي واقدر اتعرف علي سيكلوجيه الي قدامي
عشان كده انا ساعدتكم
وحسيت بنظره ف عنيك ليا غير اي حد
أنك عاوزني بس بتقاوم عشان الفرق بينا ودا مايهمنيش
احمد:بس يهمني انا
باكي :اما اجبلك بقي التحفه بتاعتي
احمد:ربنا يستر
باكي:بس انت خبي صوابعك
وتاتي له بطبق شوربه الخضاروتاكله بيدها
احمد: وكمان بايدك هاتي وانا احاول بالشمال
باكي:كمان عاوز تاكل الشيطان معاك من اكلي
احمد:وكمان عارفه ان الشيطان بياكل بالشمال
باكي:هو انا مش مسلمه ولا ايه
انت ليه مفكر اني بنت دلوعه وماعرفش اي حاجه ف الدنيا
احمد:ماهو شكلك بلبسك ده ياباكي يخلي اي حد يشوفك يقول كده
وانا الصراحه استحاله اجوز واحده لبسها كده
باكي :هتغير عشانك
احمد ياربي انتي مش بتياسي ابدا
باكي:لاااا وراك وراك لحد ماتسلم وتعترف