لن اتنازل عن خاطفي

لن اتنازل عن خاطفى الحلقه الثالثه

لن اتنازل عن خاطفي
الحلقه الثالثه
في الفيلا
...........
وصل والدي باكي
ولاء هانم:بااااكي
ياداده باكي فين كل ماتصل موبايلها مقفول
وكل مااكلمك تقولي مش موجوده
الداده :بصراحه ياهانم مش عاوزه اقلقك بس بقالها اسبوعين مابتباتش ف الفيلا انا قلت يمكن عشان مسافرين راحت عند حد من اصحابها
ولاء:ازاي ده يحصل وماتقوليش حسابك معايا بعدين
تنادي علي زوجها رفعت المنصوري
الحق  يارفعت بنتك مابتباتش ف البيت من اسبوعين
في هذا الوقت ياتي اتصال لرفعت
احمد :بنتك ف الحفظ والصون عندنا تجيب 5 مليون هتستلمها وسلامه ف خير وخير ف سلامه هتعمل اي قلق انا ممضيها علي ورقتين عرفي وهبعتلك بتاعتها معاها يعني لو بلغت ماحدش بيخطف مراته ومش هينوبك غير الفضيحه والشوشره ولو البوليس عرف بالجوازه هيقولك دي مساله شخصيه بينكو مش هينوبك الا ان الصحافه تعرف وشوف بقي  الصحافه غسيل ومكوي ونشير كمان
رفعت :حاضر حاضر هنفذ اللي بتقول عليه
بس اسمع صوتها
باكي :ايوه يابابي ادفعلهم دول مضوني اني مرات واحد منهم يابابي  ارجوك هات المبلغ بسرعه
رفعت :حاضر حاضر  يتصل بيا بكره اكون جهزت المبلغ
ويغلق الخط
احمد:تمام كده بكره نتصل ونشوف هنستلمه ازاي
ويجهز رفعت المال وينتظر تليفونهم
وياتي الموعد ويتصل احمد من شريحه اخري:
انت هتروح المترو الساعه 3 وف عربيه 2 تحط الشنطه وتمشي
مش عاوزين تاخير دقيقه واحده
رفعت :حاضر بس البنت
احمد :اول مانتطمن ان المبلغ معانا بنتك هتوصلك ويغلق الخط
.............
وفي الساعه المحدده يتم الخطه بنجاح ويتسلم محمد النقود وياتي بها
باكي:الف مبروووك انا فرحنالكو اوي
ودا اقل من حقكو كفايه انكو خلصتوني من الادمان
احمد:بس انتي لسه اوعي تضعفي احنا حطناكي علي اول الطريق ولسه الطريق صعب
باكي: انا هقولهم ف البيت عشان يساعدوني واكمل اللي بداته عشان عاوزه لمااخف اكمل دراستي من بدايه السنه الجديده
مجدي:ان شاء الله نتمنالك كل توفيق
باكي :عاوزه رقمك يااحمد عشان لو احتجتلك اقصد احتجتلكو ف اي حاجه اكلمك
احمد:من عنيا احنا دايما ف خدمتك
واعطي لها الرقم واخذها ليوصلهاقرب فيلتها ومعها شنطتها وبها الورقه العرفي لكي تطلع والدها عليها
احمد:انتي عارفه الورقه دي لاتعني شيء انتي حره لو عاوزه تقطعيها هي معايا بس عشان الامان لحد مانطمن ان والدك مش هيبلغ عننا
باكي:انت انسان اخلاق اوي ياحمد  كفايه اني كنت حاسه بالامان ف وسطيكو ربنا يوفقكو
...................
باكي تدخل الفيلا
تجري امها وابوها عليها
ولاء:باكي حبيبتي عملو فيكي ايه الحيوانات دول
باكي:مامي انا كويسه والحيوان ده يبقي جوزي
رفعت:انتي بتقولي ايه انتي اجننتي اوعي اسمعك بتقولي كده
باكي:لا هقول انا كنت مدمنه وهو اللي ساعدني اتخلص منه ف الوقت اللي كل واحد منكو كان مش شايفني ولا حاسس بيا
رفعت :دا بن مين دا بقي اللي بتقولي جوزك تلاقيه واد صايع ضحك عليكي
باكي :بالعكس هو يمكن فقير لكن ماجستير حقوق
وانسان اخلاقه ماشوفتش زيها
رفعت :انتي اكيد اجننتي
باكي :لو شايف اني مجنونه وانه مش هيشرفك ارفعه لمستواك حتي لو الموضوع اتعرف الناس تقول دا مركز يعني عينه عندك مستشار قانوني
رفعت:انتي اكيد اجننتي واحد خطفك وتعينيه ف الشركه
باكي:هو معاه الورقه التانيه ولو استخدمها مش هيبقي  ف صالحك وفكر ف اللي بقوله
رفعت باقتناع:طب خليه يمر عليا ف الشركه
....................
باكي تتصل باحمد
احمد :ايه ده لحقت وحشتك ههههههه
باكي:اكيد
انا كلمت بابا يعينك مستشار قانوني ف الشركه
احمد:انتي مجنونه
ابقي خاطف بنته ويعيني ف شركته
باكي:انت ناسي انك جوز بنته
احمد:احنا هنكدب الكدبه ونصدقها
باكي: انا عارفه انك مش شغال والفلوس هتجيبو بيها الارض وتبنو المطعم وعلي مايحصل ده كله فيها سنه واكتر هتصرف منين
رحله بكره وربنا يسهل
احمد:انا متشكر اوي باكي
باكي:انا مهما عملت مش هقدر اوفيك حقك يااحمد
......................
تبدا باكي رحله العلاج ولكن ف الفيلا حرصا من والدها علي عدم انتشار خبر ادمانها لو راحت مصحه
ويشتغل احمد في الشركه
ويعجب بموظقه في الشركه
احمد:ممكن نتقابل بره
نور:اسفه جدا مابقابلش حد بره
احمد :طب ممكن اجي اشرب الشاي مع والدك
نور:تشرف هقول لبابا وابلغك
............
في بيت نور
احمد:انا اهلي ف البلد وانا واخد شقه ف حاره ايجار جديد ومرتبي كويس بس مافيش امكانيات حاليه في مشروع احتمال يتم خلال سنتين انا و اتنين شركا معايا
ابو نور:انت يابني امكانياتك ضعيفه جدا طب ماتسني لما المشروع يخلص وابقي تعالي
احمد:انا خفت تتخطب فقلت اقرا فاتحه علي ماربنا يسهل
ابو نور :طب يابني سيبني افكر
.......................
باكي تم شفاءها وانتظمت في كليتها
بعد المحاضره
المعيد: لو سمحتي يا انسه حصليني ع المكتب
في مكتب المعيد
طارق المعيد:ازيك ياباكي مش فكراني
انا كنت دفعتك واتخرجت السنه اللي فاتت اللي اعتذرتي فيها
ولو عاوزه اي حاجه تعالي فورا اشرحهالك
ومنتظرك  نبقي زمايل السنه الجايه
..................................
في الشركه باكي تعلم ان احمد يريد ان يخطب نور
فتصدم صدمه شديده وتذهب لنور لتريها ورقه الزواج العرفي
فتزهل نور وتذهب لاحمد في مكتبه
نور:وكمان مجوز عرفي وجاي تطلب ايدي
احمد:انتي مين قالك كده انتي فاهمه الموضوع غلط
ويقص لها القصه
نور :كمان كنت خاطف البنت
انا لو شوفت خلقتك تاني مش هيحصل كويس
يتصل احمد بباكي:انتي  ايه اللي هببتيه ده ازاي تقولي لنور اننا مجوزين عرفي
باكي:مش دي الحقيقه
احمد:حقيقه ايه انتي مجنونه اكيد ويغلق الخط
باكي تحدث نفسها مجنونه بيك