من انا ؟

🖤البارت الثاني🖤

فلنبدأ البارت بالصلاه علي النبي

بعد ما دخل تيلا وخالد البلكونه

خالد: بصي بقا بصراحه أنا بحب بنت أوي متعلق بيها لدرجه كبيره وهيا كمان بتحبني وعايز أتقدم لها بس خايف من بابا أعمل إيه؟

ترتيل: اممممم كلمتها قبل كده ولا معرفه سطحيه وعرفتها إزاي وعمرها اد إيه؟

خالد: أولا إسمها حور ثانيا عندها 17سنه أول مره شفتها وأنا خارج من المدرسه عجبتني وشدتني جدًا فضلت وقت كبير براقبها من بعيد هيا كمان شافتني كذا مره وصاحبتها قالتلي إنها مشدوده ليه قررت أكلمها ولأنها بنت محترمه مرديتش تكلمني وقالت بيت أهلي مفتوح بس كده.

ترتيل: مبدأيا كده غلط لما رحت كلمتها ثانيا عجبني ردها جدًا،  شوف يخلوده إنت لسه غير مؤهل إنك تفتح بيت لسه صغير والبنت قاصر يعني صعب شويه وإنك تروح تكلم واحده وإنت مش جاهز ده غلط حب عادي مفيش مشكله الحب مش حرام ولكن ف الحلال إشتغل وإعتمد علي نفسك علشان تكون قد المسؤليه وأنا ساعتها الي هقنع بابا بس أنا شايفه إنك غير مستعد للخطوه دي.

خالد: إنتي أحلي أخت في حياتي بجد وأنا هسمع كل كلمه قولتيها وإن شاء الله تكون ليا.

تيلا بفرح: إن شاء الله يخلوده،  كبرت يولا طب إستنا أختك الكبيره تتخطب الأول .
ضحك الأثنين كثيرا حضن خالد أخته شاكرًا علي وقفتها بجانبه دائما  

في قصر النشرتي يجلس براء وراشد والده لتناول وجبه العشاء في صمت ثم قطع راشد الصمت قائلا

راشد: عملت إيه أول يوم، وإتخصصت ف إيه؟
براء: الحمد الله اليوم كان ممتاز إتخصصت فاشون.

راشد بفرحه يخفيها: طب كويس مجال مضمون ف عالم البزنس

اومأ براء رأسه بالموافقه علي كلام والده فرغ من الطعام وذهب الي غرفته لينام

في صباح يوم جديد علي أبطلنا الحلوين تحديدًا فى قصر النشرتي فاق براء علي ضوء الشمس الخافت دلف الي غرفه الرياضه وبدأ في الملاكمه بعدها اخذ حمام وأبدل ملابسه وإتصل علي صديقه ايهاب ليتقابلا ولكن ايهاب قد ذهب مبكرا قبله ثم ذهب براء بتجاه الجامعه.

في الجامعه
الامن: يا أنسه أنا عايز البطاقه

ترتيل بجديه: أنا نستها بس معايه الكرنيه هو ده المهم