"الجزء الخامس من أخى ولكن"
"إسراء بدهشة:يعنى إيه جوزى ؟ ،بتهزر صح!
رحيم بجدية:لأ، دى الحقيقة ،أنا جوزك يا هانم وبعد كدا كل حاجة هتعمليها تقوليلى قبلها فاهمة!
*أنا حسيته بيهزر وعايز يقنعنى أنه شاطر فى التمثيل أكيد إلى قاله هزار ،قولت بهزار "جوز مين يا عديم الجوز أنتَ"
رحيم بغضب:نعم!! قولتى إيه؟
أتجننتِ يا إسراء ،أنا جوزك من زمان وسايبك بمزاجى ،بس لو أستفزتينى أكتر ،هتصرف معاكِ تَصرفُ مش هيعجبك ،بلاش تختبرى صبري ،يلا يا ست إسراء خلينا نمشي من هنا
*كنت مذهولة أتجوزته أمتى دا فى الحلم؟ قولت بجدية:فهمنى يا رحيم أتجوزتك أمتى؟ فى الحلم ولا فى المشمش؟*
رحيم بهدوء:لأ فى البيت يا مراتى العزيزة ،تصدقى كنت مستنى من زمان أقولك مراتى بإستمتاع كدا
إسراء بدهشة:من زمان ؟ ليه متجوزين بقالنا كام سنة وأزاى أتجوزنا وليه وكمان فهمونى ليه أنك أخويا ؟
رحيم:إيه بالعة راديو ،أصبرى لما نوصل يا مراتى العزيزة
*حسيته بيستفزنى مراتى إيه ،هو أتجنن أستحلى الكلمة ولا إيه حسيت دماغى هتتفجر ،أزاى رحيم مش أخويا ،جوزى ،فى اللحظة دى حسيت الضحك كان لازم يدخل لأن الحكاية تضحك صراحة فضلت أضحك ...*
رحيم بغضب:أنتِ أتجننتِ بتضحكى بصوت عالى فى الشارع وبعدين أنا بضحكك ولا إيه؟ شيفانى مهرج؟ أقفلى بوك عشان مولعش فيكِ وبطلى ضحك ولما نوصل هوريكِ هعمل فيكِ إيه!
إسراء بإستفزاز وبنرة سخرية:هوريكِ هعمل فيكِ إيه ،هتعمل إيه هتقتلنى ،وبعدين أنتَ مفيش مواصفات فتى أحلامى خالص
رحيم بهدوء:اه عشان فتى أحلامك ،دا أنا مش لسه هيكون ليكِ فتى أحلام
*وصلنا الملاهى أستغربت ،نزلنا ورحيم مسكنى من إيدى وكالعادة حجز الملاهى كلها كنت مبسوطة جدًا ،دخلنا لعبة وطلعت بيت الرعب ،نهار لأ بيت الرعب قولتله بخوف "رحيم عشان خاطري طلعنا من هنا ،أنت عارف أنى بخاف من بيت الرعب"
رحيم بإستمتاع:اللعبة هتبدأ يا روحى ،أستعدى بقا
إسراء:لأ ،يلا نطلع
*فضلت ماسكة فيه طول اللعبة واترعب وأستخبى فى حضنه ،طلعنا ورحيم على وشه إبتسامة جذابة وفرحان
إسراء:فرحان فىّ بعد ما رعبتنى
رحيم بسعادة:لأ ،فرحان أنك كنتِ فى حضنى طول ما اللعبة شغالة وكأننا زى أى أتنين متجوزين
إسراء:بس أحنا مش متجوزين ،أتجوزنا أمتى؟
رحيم بهدوء:هتعرفى وبطلى نبرة أحنا مش متجوزين دى ،يلا
مسكنى من إيدى وطلعنا وهو فرحان فرحت لفرحته بس مش قادرة أستوعب كدا ،روحنا مطعم ونزل رحيم وفتح الباب ومسك إيدى ونزلنى من العربية ودخلنا ولقيت المطعم فاضى ومفيش غير طربيزة وحدة عرفت أنه حجز المطعم قعدنا
رحيم:دلوقتى ،مراتى القمر تحب تاكل إيه ؟
حسيت بصدمة ممزوجة بخجل مصمم برضو ولسه مفهمتش حاجة حسيت رحيم قرا أفكاى وقال
رحيم:عارف أنك ،عايزة تعرفى بس لما نخلص اليوم وأوعدك لما نروح كل حاجة هتعرفيها وكمل بغموض ونأكد على بعض الحاجات الى أنتِ عرفاها ،حسيت بتوتر لما قال كدا
