أولاً أعملوا فوت يا قمرات عشان محسش إن تعبى راح على الفاضى 🥺
ثانيًا رأيكوا يهمنى جدا جدا فى النهاية ♥️
**********************
"الجزء السادس والأخير من أخى ولكن"
إسراء بصدمة:إيه ،أنت أتجوزت ؟
رحيم:يا حرام اتصدمتِ يا روحى ،أه مش أنتِ،عايزة جينات أجنبية ،أنا بقا نفذت طلبك يا قمر ،تعالى سلمي على كريستين مراتى التانية
إسراء بغضب:أنتَ أتجننت ،أزاى تتجوز علىّ وبكل سهولة كدا
رحيم:عشان أنا عاقل عملت كدا مش أنا أخوكِ أشبعى بالأخ بس زوج لأ ،يلا يا كريستين
إسراء:يلا إيه على فين واخدها ورايح فين ،مش هتعقد فى البيت دا
*حسيت بإنهيار وصدمة بالسهولة دى رمانى كدا ولا كأنى حاجة ،دا رحيم الى أعترفلى بحبه من شوية،مش مصدقة الى عمله بجد ،حسيت بوجع فى قلبى بس مش وجع أنى أخسرته كأخ لأ،أنى خسرته كزوج!*
رحيم:مش هتبركولي ولا إيه
هبة:لا طبعًا يا حبيبي ألف ألف مبروك وما شاء الله قمر هتجيبوا إيه على كدا؟ أكيد حلويات
*حسيت بإنهيار عصبى بجد مبقتش قادرة حتى طنط هبة موافقة بصيت لماما تقول أى حاجة بس سكتت بالسهولة دى تسكت!
الأم بعتاب:أنتِ السبب يا إسراء ،عارفة ليه عشان أنانيتك الى عملت كدا كنتِ مفكرة هيفضل يجرى وراكِ فوقى بقا لنفسك وأنتِ أكتر حد عارف إن رحيم مش أخوكِ ،أنتِ الى رفضتى كدا وقولتى لأ ،أخويا وهيفضل أخويا ،فكرى وأحكمى بعقلك يا إسراء وأعرفى قيمة رحيم كويس رغم أنك ضيعتها ومش أول مرة رحيم يعترف بحبه ،فاكرة ولا أفكرك!
*فلاش باك*
كان عندى وقتها ١٧ سنة ورحيم ٢٣ سنة ،رحيم وقف وقالى عرفتِ أنى مش أخوكِ يبقى هتعرف لأنى مبقتش قادر أستحمل أنا "بحبك يا إسراء وبحب كل حاجة فيكِ ،البنت الوحيدة الى قدامى كانت أنتِ ربيتك وأهتميت بيكِ تعرفى ليه مش عشان مسؤليتى وبس عشان أنا بحبك ومن يوم ما حبيتك وأنا بحاول أبعد عنك عشان دلوقتى شايفك بعين راجل عاشق مش مجرد أخ وأخته عشان كدا حبينا نوضحلك الحقيقة ،عارف أنك ممكن متستوعبيش كلامى بس دى الحقيقة ومش منتظر حاجة منك غير تعاملينى بحدود وبس لحد لما تبقى حلالى عشان مغضبش ربنا أولاً وتفضلى ملاكى ثانيًا وهفضل مراقب تصرفاتك أنا ربيتك أه بس بنبهك تكلمى ولاد لأ طبعًا مش عشان الغيرة بس لأ عشان حرام وأنا واثق فى تربيتى ليكِ وواثق فيكِ ،ياريت نتعامل بحدود وبلاش تظهرى كتير قدامى ،لحد لما أحس أنك حبيتينى وقتها هتجوزك"
*باك*
أيوا كنت عارفة بس أنانيتى خلتنى أوهم نفسى أنه أخويا مش هيبقى جوزى عشان كنت حابة يفضل أخويا بإهتمامه وحنانه وخوفه علىّ حبيت الدور دا أكتر من كونه حبيب ،شريك حياة ،زوج ،فضلت نفسى على الكل وعلى مشاعرى ومشاعر رحيم بس مش قادرة أعترفله بحبى وكنت بتصرف بعشوائية وعلى أساس بحب أى حد معجب بيا بس الشخص الوحيد الى حبيته رحيم ،رحيم وبس!
