نجاح من وسط الوجع

بارت الثالث

قصة نجاح من وسط الوجع ..

الجزء الثالث ..

احسبهن مرة مرتين ثلاثة نفس الرقم ٣ ملايين و ٢٠٠ الف بالضبط اول مرة الزم هيج مبلغ بايدي ..

صفنت و لزمتهم و طكيتها بركضة لبيت سعدون ..

ادك الباب بكل قوتي بحيث الي يمر يرزلني بس ما مهتم

_اييي اييي سترك ربي طبولنا

ذبيت كل حيلي على الباب و من فتحها وكعت بنص الطرمة

_دخيلك ربي دخيلك يالعباس

طلعلي ابنة محمد ..

_و لك هاا شبيك وكعت كلبي منو حايدك

_ابوك وين

_بالتواليت وين يعني

_صيحة الي كاعد انتضرة

مشة هو و يدردم

_احس جايبلنه مصيبة سترك يا الله

طلعلي سعدون ، حجيت كلمة و اكطع هلكد ما تعبت بالركض ..

حجيتلة السالفة باوع بوجهي ، جان يلزمني من ياختي

_باوع ولك احمد كلت يتيم اتكفلة بس مال تبوك ما ارضاها

_و روح امي و ابوية هاي جمعتهم جنت اصرف من شغل العمالة و شغل الكافتريا اضمة و الله

_عمالة ! شو ما ادري شوكت اشتغلت عمالة

_ من اول يوم اجرتلي بي البيت اشتغلت عمالة لذالك ردت شفت ليلي ما رضيت اكعد و انت دافع بدالي ..

حضني و ربت على كتفي ..

_و الله بطل الف رحمة على البطن النكلتك ،شكد الفلوس ؟

_٣ ملايين

نحجي و احنا بعدنا واكفين بالباب طببني و اثنينة شربنا مي لان انهبط من طب علية محمد للتواليت..

_احمد لازم نستغل الفرصة و ما نفوتها لازم تستثمر هاي الفلوس بمشروع باب رزق الك

_بس ها ما تجيب الي شي

_ليش تجيب الك احسن شي ، انتَ شنو تهوى محل لو ستوتة لو سيارة تكسي صغيرة تشتغل بيها ؟

_ما تجيب سيارة تكسي ،بس اهوى المحل

_راح اساعدك بالمحل هاي بس ٣ ملايين و اشوفلك فكرة و مكان ..

_فضلك ما انساه طوول عمري

_دنجب انجب ، اروح اشوف محمد هالجلب هذا دفر باب التواليت و طب علية

شبعت ضحك علية ..

و رحت لبيتي ..

افكر فرحان تاليها نمت بدون ما احس على نفسي و حلمت بامي و ابوية كاعدين بحديقة و يمهم اطفال اثنين و حمامتين من ذهب ..