زمن والانتضار
٩
مساء الخير
.......
لزمني هو يكلي زمن شنو تسوين هنا
هو حمكان وعيونه ناطه
يمه ظليت كلي ارجف شنو اكله
جبح حظي
شنو احجي وهو لزمني بلبكان
ها مو بحدي انه وصديقتي ،
اعرف شنو تسوين هنا
سكتت ماعندي جواب .
زبر بيه شعندج هناااا
ردت انتصار
خويه اجت وياي
انه حبتها اهنا
هناك وتاشر على بيت جنهاكوخ
باخر الكلع
بيت فقرا ودينالهم شغلات مثل الصدقه
ملابس واكل
هي تحجي وانه بس اهز براسي
واي والولد الي طلع كدامكم
يمه صخام صخمتي زمن
هذا مراقبتي كلش شنو احجي
بعد شنو ينفع
ها ماشفناه والله ولااعرف
ردت انتصار اخاف ابنهم احنه شعلينه
كال يالله تعاي اصعوا اوصلكم
كالت انتصار لا انه اروح وحدي
،ماحجه وياها
وهي طكتها ركضه لبيتهم
اشرلي اصعد وياه
بس انه لو احد
يذبحني مايلكه بيه دم
متت خوف وانه اعرف
بشير وشكد.ذكي
صعدت كدام بس شنو كله جسمي يرجف
انه مو هيج ولاهاي حياتي
انه من بيت الصلاه
كل وكت بيتنا تقام
انه تربيه ابو الخصيب الي عدهم العادات وتقاليد الاصيله مو الظلم والتعسف
ولاصايعه والهياته
لا متربين عليها بس ماعرف شنو الي جاي صير وياي
حرك السياره وظل يحجي عليه صح بصوت عادي مو زبر
بس جان كلامه حاد وياي
شنو تسوين هنا زمن ؟؟
مو كتلتلك انتصار
عوفي كلام انتصار
مو عابلج انه غبي واصدك
بيها لو اله هيج صدك ليش شردت وما صعدت وياج
.هذا خير دليل على جذبها
زمن انتي بنيه مرتبه ومعدله لاتنجرفين وياه بنات تعبانات
ولج انتي شون هيج تسوين تجين هيج بكانات
مو كلتلي تعاي وياي
الي عدها اخت مثل لطييفه مو
لازم تصويله تسويلها تمثال
هى واخلاقها ورزانتاها
ابوالخصيب كله يحجي باخلاقها
بدل ماتقتديين بيها وتقلديها بكلشي وتصيرين مثلها
انتي تروحين تمشين
ويه هيج شكول شنو شفتي منها هاي وصاحبتيها
جنه عومه انه ضحكت
اسكتي كالها بعصليه
واني بس زبر سكتت ودنكت
هو ظل يحجي وينصح
، زمن انتي مو بس جيرانه
خلوق بشير ..
مايكول تشتقلون عدنا يكول جيرانه
انتي اختي والله معزتج من معزه رسوله
بس بشير انه ماسويت شي
كتلك اجيت ويه صاحبتي
وبس
بس هل المرا اجيتي ماكو مره ثانيه
وتراه هم اكضج يازمن فصيري حذرا وكولي بشير يشوفني
والله هاي المره عديتها مره ثانيه يازمن ماراحمج مو بس اكل
لابوج لاوالله اني اطكج بيدي
انه بس اهز براسي
والى ان وصلنا لبيتنا
اوووف يمه مو يوم مرعب
صح جان
حلو رومانسي
ماعرف شنو اوصفه
عاى اساس فرحت بكعدتي ويه صادق
يافرحه ماتمت اخذها القراب وطار
مادري اخذها بشير وطار
ولكيت اهلي بلكاع بس دخلت وسلمت كالت امي
بسرعه بدلي وتقدي
وتعاي اشتقلي .
ان شاء الله
كملت ورحت لكيتهم حتى رياض يشتقل وياهم يحشون بلخضرا
ويلكطون بلمخضر
شنو شعدكم يمه اليوم
اجه زلمه لابوج وعنده بيكم وتعامل وياه يشتري الخضرا كلها
يشتقل بلسوك العشار
وابوج اجه كال خلي نكمل
اي يمه على واه
اي والله يازمن
رزق واجانه ربج مايكطع منا
قبل جم يوم صرفت فلوسي كلها من رحت للعشار عليكم
وهاي ربج عوضني
بس بساع اشتقلي
