زمن والانتظار
١٥
مساء الخير
........
ظليت متعحبه على نفسي ليش هيج يصير وياي
وشنو هاي الحاله الي تجيني
بس طبعا ستكته ويامن احجي
وهم البيت كله مخبوص بنفس السالفه
وهذا علول مفضوح يوميه الصبح لازم البيت
كله يتجمع علينا
مرات الحك البس هدومي ومرات
الف نفسي بجرجف
هو يظل يعربد
وعمتي وياه على الواهس
.....
هاي كلها وصارلي 15 يوم من زواجي
كلته اريد اربد اروح لاهلي طبعا محد وصلني منهم
من عرست حتى ابوي
مااجاني
ولااخواتي
اشتاق لابو الخصيب للكاع للنخل اكثر مااشتاق الهم
كلت اروح اظل جم يوم
ارتاح من هم علول وامه
ومن قير الشقل مال للبيت الي كله بركبتي
وهن يردن كلشي على الحاضر
لايكولون اريد مسواك
لايوفرن شي بلبيت
ملتهيات بس يفترن
كتله وكال خوش باجر اخذج
انه كيفت سبحت وحضرت ملابسي
قبل يوم من كد مافرحانه
راح اطلع منهم
صدك ثاني يوم الصبح كلي
بدلي وانه راح اجر تكسي
اجر واجه وكله يالله
طلعنه وعمتي ظلت تحجي
و حمكت شنو بدينا يوميه كلتي اهلي
وين اكو وحده تروح
لاهلها كبل لايكمل الشهر
حتى مو زين
بس هو مارد عليها
ولك لايروح يصير بيك شي
عافها وطلع
وهي بعدها تحجي
ورجعت عليه هاي الخرسه
وين وموليه ياسليمه
بس انتي متعلمه على الدياحه وين تعرفين تكعدين
واخذتي هذا الخركه
بس كلتيله كالج صار
هسه كون شايف منح شي
هم خوش
بس ماعرف على شنو
موت نفسه هيج
هم خرسه وهم مريضه
عفتها تحجي وطلعت للطارمه
واكفه بلباب
طبعا من زوحت لبسوني عبايه
راس
يكولون عيب طلعين هيج
لبست خذاء عالي
تالي ذكرت علول
نزعته لبست فلات
هو بدون حذاء ماشاء الله
بعد مو البس هيج
والعبايه
وانه ماعرف البسها وكل ساع
طاحت من راسي
ورجعتها
هيج البسها بدون ححاب بس هي
رجع علول هو يكلي يالله
طلعت وياه بعدما سلمت على عمي
وهاي مرته ملتهيه تلقلي
وصلنا للباب
وصاحت علينا حماتي فاطمه
كالت انتظروني ا اروح وياكم
اباوعلها مبدله ومكمله
كلها علول يالله امشي
عمتي سكتت
تالي كالت
انت راح تروح عبريه
لا يما رايح تكسي
جا اله مااجر تكسي وخسران
ليش تروح فارقه خليني اروح وياكم
انتظروا بس البس عباتي
راحت للحجرا تبدل
ماطولت اجت
بسرعا
التفت على عمي جاانت
المن ظال بلبيت بحدك
امشي ويانه
جا والبيت ومحمد
شون ؟؟؟؟
شعليه محمد شنو انت ترضعه
يجي من الشقل ويظل بلبيت
خوش خلي اروح البس دشداشتي
صاح عليه تعاي يوباه زمن انطيني دشداشتي وجراويتي
اي عمي
رحت للحجرا مراه ثانيه
وخليت جنطتني
بلطارمه
رحت وراه هو دخل للحمام يسبح
انطيته ملابسه الداخليه
ودشداشته
ورجعت مسحت نعاله
وحضرت باقي شقلاته
سبح واجه وهم ظل كبال المرايا
يظل ويعدل بعكالا زيرش من عطر علول
