زمن والانتظار
٢
مساء الخير
للكاتبه بنت الرافدين
عشتار
.....
ابوي ظل يصيح ورياض واكف بينهم
يخاف يهد علئ لطيفه
بس هي ولامهتمه
واكفه علئ التنور تخبز بكل
ثقه و
وامي رجعت للهول كعدت
ميته قهر
تخبلت هاي البنيه
ماعرف شبيها
احنه نسجلكم مدارس ونتعب عليكم
حتئ تتعلمو ن وتتنورون.
بس انتم وين
تصيرن مشنترات وتوكفن بوجهنا
هي مستمره تحجي
واحنه مصفصفين ولازمين ركن انه واخواتي
الزقار
وخايفين
رياض اخذ ابوي وراح للجامع يصلون
صلاه المغرب
والطييفه كملت الخبز ورجعت للبيت
تسوي عشاء
صلوا رجعوا للبيت
كعدوا يمنا
وامي علئ كعدتها ماعرف صلت أو لا
كاعده بس دردم على المكانيس إلى احتركن وتعيد بنفس السالفه
اجت الطاف جايبه
صنيه العشاء
وصاحت عليه اورح اجيب جدر الخبز
والماي
رحت جبته وأنه اكول شون حلوه شخصيتها
شبيه مااصير مثلها
كملنا عشاء
وشالت المواعين
وراحت للغرفه نامت
ماسفت ويه امي
حتى امي هم مالها خلك. سفت شويه وراحت نامت
تعبت من كد ماحجت
.......
ومرت الايام
ايام العطله بدت تخلص
والطييفه هادئه وساكته
بعد مااتاكدت ابوي مستحيل يواقف
ابد ماتحجي مرات
اكول صارت خرسه مثل رياض
تكعد وحدها وراه البيت
هذا اكثر مكان تحبه
بي زرع مو احنه زارعي َهيج
طلوع ربه
حشيش
وشجر
من تكمل شقلها تروح بي
واحنه نفس، شقلنا نطلع من الفجر
نشتقل بلتمر
وأيام شهر التاسع
بعد نبدي نجبس التمر
ونشره بلشمس
وبعدين نعبي بنتاك أو بجياس
حسب هما شنو يرودن
رياض وامي إلى يجبسون
احنه بس نعبي
التمر
مرات الكميات جبيره يطلعون عمال
ويانه ما نلحك. وحدنا يجبو ن عمال
بيت مالج عدهم
بيت بلبصره يكعدون بي
أهنا بس ابنهم وليد وعائلته
يجون بس وكت العطله
عدهم ابن اسمه
بشير
شاب عمره هيج ٢٠ سنه
يدرس بلكليه ماعرف الجامعه
بلبصرا
طبعا شاب مواصفات بصراويه تخبل
طول ....ثخم.
اسمر مملوح.
والعيون واسع
والشعر اسود سرح
وداىنا مشط ومرتب
يطيح الطيور من السماء
واله الكشخه مالته والعطر
يمه اشرد
والساعه والمناظرا
فد شي ماشايفين منه بس بلتلفزيون
احنه وين ولد ابو الخصيب
كله لبسهم تراكات أو دشاديش،
أو لابس مال فلح
بس هذا قير مو بس هو
كلهم أهله هي مرتبين واخر رقي
احنه من نشتقل
شويه وطفرنا
نلعب
بس نشوف ابوي
يشربله جكاره أو يسولف ويه رجال
ظلينا نلعب حليه انه واخواتي
وهن يركضن ورايه
بس وين يلزمني
شطولني انه وسريعه متعلمه علئ المشي َالركض
وصلت للبيت ام وليد
واشوف بشير كاعد مرجَرحه
ويهز بي علئ كيف
وبيده كتاب
انه اباوعله اكول هنيالك.
هسه انه مكانك. إله اطيرها
للسماء وهذا
يهزها علئ كيف
شكد فايخ بالله.
احنه هم عدنا مرجوحه مسويها
رياض
بجذج النخل شاد حبل
ومخلين عليه
امخده
بس شنو من تلعب بيها
نحس الحم مال جسمنا
تبطط من الحبل كدما قوي
