ناصر بعصبيه : وخر عنهااا ولا والله م تشوف خير !!
رعد بروقان : طيب هدي شفها م قالت شي
شيخه تهدي ناصر : اي معليك م قال شي خلاص انت هدي ماله داعي تعصب
ناصر لف عليها وناظرها بصمت
شيخه ب استغراب : شفيك
ناصر : سامحتينا ؟
شيخه بضحك : ونا اقدر ازعل منكم
ناصر بفرحه : يلبيهههه ونا اقول مستحيل تزعل
سعود وهو جاي يركض : نااصررر استهديي بالله يرجللل
لفوا عليه وضحكوا
سعود ياخذ نفس : اههه احم شفيه ليه تضحكون
شيخه : مافيه شي سلامتك بس خذ نفس هههههه
سعود ب ابتسامه : اجل سامحتينا
شيخه : اي وانتبهوا تزعلوني مره ثانيه
ناصر بضحكه : وبعدها تنسين انك زعلتي ههه
شيخه : لا لا اذا زعلت بصفقكم علطول
سعود : اي كذا احسن ههههه
رعد كان يناظرهم طول الوقت
شيخه لفت عليه : راح انسى الي صار بس عشان نوف
رعد عطاها ابتسامه ومشى
ناصر : وضعه غريب ولا يتهيالي
سعود : يتهيالك يبن الخال امش بس
شيخه : اقول امشوا نلحق البنات ونسوي الجلسه لاني مطوله اليوم بالقعده الجو يهبل
ناصر : اي مير يصير خير ولا كان ورانا جامعه
شيخه وهي تصوت على البنات : بناتتتت تعالوااااا اخلصن تعاللن
وجوا كلهم
سعود يكلم ناصر : يلا ساعدني
ناصر بتافف: لاحول لازم ؟
موضي : لا احلف بالله وش نقعد بالرمل يعني
نوال : خلونا نفرشها حنا ابرك
ناصر يناظر نوال : افا لا خلاص يلا سعود نفرشها
نوره : الله الله فعايل الحب تخليك نشيط
رهف : هههههههه اقل شي راح يفرشها ونستفيد
ناصر : اي طقطقو م علي منكم
نوف : يلا بقوم اجيب الاكل
سعود : الا نوف رعد وين اختفى
نوف بحزن : قال بيقعد بعيد
شيخه لفت عليها : سلامات ليه ان شاء الله
نوف : تعرفين عشان الي صار
شيخه : روحي ناديه بس وقلنا كل الي صار نسيناه
نوف نطت عليها : يجعلني بسسس ركض اناديه
شيخه بضحكه : الله يشفيك روحي بس هههههههه
موضي : اقول انتي وياها تعبت ونا واقفه
شيخه تكتفت : نعم وش تبين نسويلك
موضي : ساعدوهم خل يخلصون بسرعه
ناصر بتعب : حسبي الله عليكم تحركن ساعدونا ولا شكلكم بنات ال سعود على غفله
نوال : بقوم ارتب المكان عشان يصير حلو مع التصوير
شيخه : ها هذي نوال تحركت يلا ي بنات
موضي : ودي ارد عليك يا ناصر لكن بصير محترمه واسكت
سعود وهو يدف موضي : اقول قدامي امشي نزلي الاغراض معي
نوره : هههههههههههههه اسغفرالله مابي اتشمت
رهف وهي تشدها من اذنها : يلا يحلوه انتي بعد قدامي
والكل قام يضبط المكان
(عند رعد ونوف )
نوف بصوت عالي : رعد رعدد
رعد ب استغرب : شعندس ليه مو معهم
نوف وهي تسحبه : تعال تعال يبونك
رعد : لا خليني هنا احسن
نوف وقفت ولفت عليه بحزن : تعال عشان خاطري مابي اقعد لحالي معهم وترا شيخه الي اصرت اناديك
رعد : عشان خاطرك
نوف وهي تقرص خده : جعلني م انحرم ياربب
رعد وهو يمسك يدها : امين ولا يحرمني منك ي ريحه اهلي
——————
ناصر : اخييراا خلصنااا
رهف : الله يعين نوال بس احساسي يقول بتاخذ واحد كسول ( وناظرت ناصر )
نوره : ههههههههههههههههههه
موضي : معليه نوال نشيطه تنشطه غصب هههههه
شيخه لفت على نوال الي ابد مو معهم : شفيس سرحانه يدبجه يغلطون على زوجك المستقبلي
نوال : هاه وش
ناصر يهز راسه ب اسي منهم
نوال رجعت سرحت
ناصر استغرب وقعد يفكر وش تفكر فيه
رهف ب ابتسامه : شوفوا مين جاء
كلهم لفوا
سعود : حياك رعد تعال اجلس جنبي
ناصر : تفضل تفضل اخوي تبي قهوه شاهي عصير وش بغيت
رعد بضحكه : سبحان مغير الاحوال
ناصر : اي ابشرك خلاص الحين احبك ( وارسله بوسه )
البنات : ههههههههههههههه
سعود : حبيبي اشكر ام البوسه (وغمزله)
ناصر بتمثيل : اخخخ خقيت مقدر مقدر
شيخه : رهف اخوك انهبل مره هههههههههههه
رهف : مافيه عقل ابشرك
شيخه : اقول رهف غني
رهف : فارقي بس
شيخه : افاااا
نوره بفضول : الا اقول رعد وين محمد وفيصل
رعد : بالفندق نايمين
نوره : اها
موضي شافت نوال سرحانه وقامت لها
موضي وهي تهز نوال : شفيس
نوال : هممم
موضي قعدت تناظرها
نوال بتنهيده طويله : ولاشي
موضي رفعت عينها : احلفي ؟ قومي قومي بس
نوال : وين تبينا نروح ؟
موضي : نتمشي واشوف وش شغالك يلا قومي
قامت ومدت يدها لنوال
نوال : تمام يلا
وراحوا يمشون
ناصر وهو يناظرهم : على وين
موضي : نتمشي هنا
ناصر : اها خلكم قريب اجل
ابتسموا ومشوا
شيخه تكلم ناصر : شفيها نوال قايل لها شي
ناصر ب استغراب : لا والله
شيخه : متاكد م قلت شي يمكن يزعلها
ناصر ناظرها بعصبيه
شيخه : هههههههه شفيك خلاص عرفت ماله شغل
ناصر : اخسى ازعلها
شيخه تطبطب على ظهره : مردها تتكلم
ناصر هز راسه وقعد يناظرهم
عند موضي ونوال
موضي : ايوا لك ساعه ساكته تكلمي شفيس
نوال بتفكير : تتوقعين ناصر يحبني صدق
موضي باستغراب: وليه تفكرين كذا
نوال : وحده تقول انه يلعب عليك
موضي : ومين ذي ما شاء الله
نوال : سمر
موضي بصدمه : عفوا ؟؟؟
نوال : وش
موضي : سوال حماره انتي ؟ واصلا متى كلمتيها
نوال : تذكرين يوم قعدت اصور
موضي : اي ؟
نوال هي شافت السنابات وكنت مصوره ناصر وقعدت تكلمني عنه وقلت لها الي صار بينا
موضي : وبعدين
نوال تكمل: قالت تراه كذاب لو صادق خطبك علطول واستغل انكم بتدرسون بعيد عشان يصير خطيبك بس شوفي م سوا ولاشي بس يبي يلعب فيك
موضي : بحاول ما اعصب وثانيا ما تدرين ان سمر تموت فيه ؟؟؟ بتدور اي فرصه عشان تتركون بعض يحماره وبعدين انتي تعرفين ناصر كيف تفكرين كذا ناصر يحبك صدق وهذا واضح لنا كلنا وناصر وين بريئ شوفي حركاته بس تقولين ذا خبيث ويفكر كذا ؟
نوال : مدري ياخي بس كلشي تقوله سمر احسه صدق يعني لو يحبني صدق ليه ما قال بخطبك او اي شي
موضي : طيب ليه ما تسالينه
نوال : اساله وش
موضي : يخطبك
نوال بصدمه : لالالا صاحيه انتي
موضي : ليه ان شاء الله
نوال بحزن : اخاف يتهرب ويصير صدق كلام سمر
موضي بعصبيه: الحقيقه ودي ادفنك هنا يزقه وربي انك كلبه حرام عليك صدق اسالي ناصر واقص يدي اذا تهرب
نوال : خايفه اساله
موضي بعصبيه : صدق انك حماره كيف تخلين سمر تاثر فيك دقيقه بجيب ناصر وكلميه!!
نوال تمسك يدها : لالالا ياويلك
موضي بعصبيه : م علي منك بناديه وتناقشي معه ولا ترا م يصيرلك خير
نوال : اففف منك تخليني اندم اني علمتك
موضي عطتها نظره تخوف ومشت
نوال بصراخ : خلاص انا بناادييههه
موضي وقفت : اي كذا برافو يلا قدامي روحي كلميه
نوال : اف منك
ومشوا لعندهم
ناصر ناظرها
نوال بتوتر : ناصر ممكن شوي اكلمك
سعود ب استغرب لوضعهم : شفيكم
نوال : ها لا بس ابي اساله
سعود : تسالينه وش
ناصر : ونت شدخلك خلني اقوم بس ولا اشوفك تتلقف
سعود : افا بدينا اسرار
رهف بضحكه :خل عنك اللقافه بس
سعود : اصلا عادي
نوف : رحمتك خلاص بعلمك سر يصير بينا
سعود : جوي جوي
نوره: الله يخلف على عقلك صدق
شيخه ميته ضحك عليهم
ورعد ناظرها وابتسم
شيخه أنتبهت له : مضيع شي بوجهي ؟
رعد : اي احس حواجبك غريبه واحد مايله
نوف : سلكي يحب يسولف
شيخه : منب راحمه الا نوف الله يعينك على اخوك
نوف : وه جعلني فدوه له
رعد : من وين تلقون اخت زيها ؟
سعود : لنا الله
رهف لفت عليه : يشيخ ونا مو ماليه عينك
سعود : اضحك وتقولين الله يشفيك
رهف : معليش تستاهل م تعرف تضحك
سعود : شفتي لنا الله بس
رهف: احمد ربك علي لا ادعسك
سعود : شف شف مين يبي يدعسني حدك جيبي اسكتي بس
جت بترد بس نوف كانت اسرع
نوف : بس بس يحبكم للهواش
رهف : جوي
سعود ببتسامه جانبيه تهبل : واجوائي
(وضاعت علوم نوف يحياتي خفيفه خقت)
سعود ب انزعاج : يا رعد جوالك له ساعه يدق شفه
رعد لف للجوال ب أستغراب وابتسم يوم شاف الاسم
شيخه انتبه له
رعد ب ابتسامه رد وضحك : اي مجتمعين كلنا في (ولف على سعود : شسم المكان يسعود
سعود : برسلك اللوكيشن
رعد يرجع للجوال : اي خلاص برسل الموقع وتعالوا
وسكت شوي
رجع يضحك :يرجال شسوي فيكم عجزت معك خلاص انتظركم يلا فمان الله
وسكر
شيخه بفضول : مين ؟
رعد يناظرها ببتسامه : العيال فيصل ومحمد
شيخه : اهاا
رعد لف لنوف : نوف بنت
نوف انقطع سرحانها
نوف : ها وش
رعد يحك نهايه راسه: احم اخت فيصل بتجي
نوف بتكشير : لا لا تقولها وشتبي ذي جايه مو كانت بالسعوديه
رعد ومو مهتم : مدري عنها بس فيصل قال انه جاي معها بالطريق
نوف : يليل اوف صدق
رعد : عاد هالله هالله هي م تعرف الا انتي لا تسحبين عليها عشاني
نوف : عشانك بس ولا وجهه العنز م تستاهل مدري شايفه نفسها على وش
رعد بضحكه : لا حشي بعد
نوف وهي تقوم وباستهزاء: لو ابي م قصرت لا تخاف خلني اروح اكلم البنات بس
رعد هز راسه يعني اوك
نوف وهي رايحه لموضي : الا اقول وين نوال ما اشوفها
موضي وهي معصبه : خليها عنتس ذي البقره
نوف ب استغراب : وشفيكم متهاوشين
موضي بتنهيده: لا بس سالفتها طويله بعدين اعلمك
نوف : المهم العيال بيجون فيصل ومحمد وفيصل عنده اخت كريه ف لازم يعني نتحملها شوي عشانهم
موضي بستغراب : ليه كريه شفيها
نوف : الا قولي وش م فيها استغفرالله خلاص مابي احش
المهم بتجي بعد شوي مع اخوها
موضي : همم اوك
نوف :الا اقول ليه رهف ساكته اغلب الوقت ونوره هههه شوفيها متحمسه بالحلقه يحليلها ناسيه نفسها شكل الحلقه تحمس
موضي بضحكه : اي هي كذا دايم لا تحمست مع مسلسل ما يوقفها شي ورهف همم مدري كيف اشرحلك شخصيها لانها صدق غريبه هاديه بس مزعجه وفله وتحسينها ناضجه واعقلنا معليتس مع الايام راح تفهمينا كلنا
نوف بضحكه : يشيخه انتي اوضح منك مافيه
موضي : اوه فضيحه لهدرجه واضحه قدامك
نوف : اي شايفه مره كانك كتاب مفتوح
موضي : ي فضحتي فضحاه
نوف : معليتس معليتس عندي انتي ف امان محد راح يعرفك (وغمزت)
موضي : لا تصدقين حسيت ب امان مع الغمزه واو تطمنت
نوف : ههههههههههههههههههههههه
شيخه بدرعمه: ضحكوني معكم طفشانههه
موضي : والله مافيني خلاص فاتك
شيخه : مالت عليتس
نوف : بنات مين تحب الشعر
موضي : افا عليتس انا اعطيك شعر مافي اطلق منه
شيخه بضحكه : ما شاءالله من متى توني ادري آنك شاعره
نوف : خليها نسمع يمكن صادقه
شيخه : خذيها مني م عندها سالفه
موضي : خلاص اهجدي بقول شعري
نوف : اسلمي
موضي وهي تخش بجو الحزن :
أنت تقرأ
القلب لا ينسى
Mystery / Thrillerحسابي القديم ناسيه الباسورد حقه وبنقل الروايه من اولها واكمل هنا معلومه مهم : البنات مع العيال رايحين بعثه يدرسون برا البنات توهم داخلين الجامعه العيال السنه الثالثه والقصه فيها من الكوميدي والرومنسي والغموض راح تعجب الكثير متاكده 🤍😉
