القلب لا ينسى

القلب لا ينسى 7

سعود ينادي النادل: اسكيوزمي
المجهول : اطلب لي ايس لاتيه
سعود بسخريه : ابشر
المجهول يرفع نص عينه : ياويلك تسوي حركاتك وتطلب شي من ذوقك المُر الي مدري وشلون تشربه
النادل : تفضلوا وش تبون
سعود : واحد اسبريسو والثاني ايس لاتيه
المجهول يصفق يده بسعاده : ولك الحمد ياربي
سعود منزل راسه اسف علي صاحبه : والله مدري شلون بتشربه كله حليب وسكر
شوي وجاء الطلب
المجهول وهو يشرب : ايوا شعندك
سعود ياخذ رشفه من قهوته : عندي سالفه تشيب الراس
المجهول يناظره بنصات وتركيز
سعود : تعرفت على واحد سالفته خطيره والي هي ناوي يستهدف العصابه ودامني اقدر اساعده ماراح اخليه ..
قاطعه بصدمه : لا تقولي عصابه الماركيز ؟؟؟؟؟
سعود ببتسامه : اصبت
المجهول بنزعاج: انت تعرفهم خطيرين ليه تدخل نفسك بشي مالك دخل 
سعود : وعشان كذا بساعده عندي معلومات وعلاقات اقدر فيها اتصرف واذا خليته يتصرف لحاله احتمال كبير يموت واخته تلحقه ونا دامني عرفت سالفته وعارف مع مين يلعب مستحيل اتجاهل
المجهول بعصبيه ضرب الطاوله : تستبهل علي انت !! مين قالك تقدر تتعامل معهم يمكن انت تموت وتجيب المشاكل لأهلك بعد !
سعود ببرود: وعشان م يصير كل ذا كلمتك وبجمع الباقين
المجهول مسك راسه بصداع : ماراح تتدخل فيهم !وبسوي نفسي م سمعت شي
سعود بنظره حاده : شايفني اصغر عيالك تامرني
المجهول بعصبيه قام ومسكه من ياقته : وش اقول لخواتك لا صار شي لك وش اقول لاهلك وش اقول لاصدقائنا الناس الي تحبك امك ! ابوكك !!! عبالك الامور سهله !! انت بتلعب مع عصابه ماركيز!!! لو غيرهم قلت معككك هذولا حتى المباحث م قدرت عليهم وخسروا ناس كثير اذا قلت ملايين بقول قليل ونت ادرى بالموضوع !! وجاي بكل برود تقولي تبي تتعامل معهم ؟؟
سعود : مو رجال ! اذا م ساعدته ونا ادري بكل ذا كيف تقولي اتجاهله واخليه يمشي على طريق هلاكه بعمى ؟
المجهول دفه : اذا عرفت انك متدخل لك علم ثاني مني واول من يدري الي خابرهم
سعود يرفع حاجبه : تهددني ؟
المجهول : صدقني بتشكرني بعدين
سعود قام وعدل ملابسه : ماراح تساعدني بكيفك بس تهددني صدقني حفرت قبرك بيدك وان عرفت انك معلم احد الي بينًا ينتهي (ومشى مخليه)
المجهول يفكر مع نفسه
وبعد دقيقه لحقه
المجهول : سعوددد سعودد
سعود وقف :
المجهول : صدق راسك يابس يشينك مقدر اخلي رفيق عمري يخاطر لحاله للاسف خسرت قدام عنادك
سعود بضحكه : كنت داري مردك تساعدني
المجهول : يشينك يرجال بتحفر قبورنا معك اي وش الخطه اكلم الباقين يجون الحين
سعود :تعجبني بديت تفكر ههههههههه
المجهول بثقه : احم احم لا داعي لا داعي
سعود :اقول امش خل نقعد
وقعدوا فوق صخره
سعود بهدوء: رائد
رائد : همم
سعود : بنخبي ذا السر عن الباقين
رائد : حتى ناصر ؟
سعود :بذات ذا لا يدري
رائد بضحكه: فعلا اتفق معك
سعود: اتخيل شكله وهو مدرعم عليهم بالسلاح
رائد : ههههههههههه م استغرب منه
سعود : هههههههههههه
رائد قام وينفض ملابسه من التراب: بدق علي سلطان وفهد ونجتمع بكرا الحين متاكد تحتاج تنام ونا بفهمهم السالفه
سعود : يلا اجل فمان الله
وراح
( فيكم فضول تعرفون رائد صح وليه سعود كلمه وايش علاقته بالعصابه ؟ بتعرفون مع الوقت :)
بعطيكم معلومه بسيطه عن رائد تصبركم :
رائد عمره ٣٠ محقق يحب الحلويات ( يصدم الكثير كبير ويحب الحلويات )
__________________________
نرجع لسعود
قام وركب سيارته ورجع للشقه وبدخوله : وين كنت كل ذا الوقت
لف شاف ناصر معقد عينه
سعود بسخريه : الله من متى زوجتي قاعده تنتظرني خايفه علي
ناصر بنزعاج : عن الاستهبال عاد وين كنت وليه كذا ملامحك
سعود بستغراب : كيف ملامحي
ناصر تنهد : م تطمن وش حطيت براسك ذي المره
سعود ضحك بقوه
ناصر : والله لو اني قايل نكته
سعود وقف ضحك : الحقيقه اي وش بحط براسي الله يهديك الله واكبر انت شكل السهر لعب فيك امش بس خل نرقد بكرا ورانا دوامات (وراح الغرفه )
ناصر بهمس وبتتسامه : الحين اكدت لي كلامي نشوف مع الوقت وش براسك يسعود
وراح انسدح ونام الجميع ...
بالصباح عند صوت منبه موضي
شيخه وهي تصحى على منبهه موضي: يحياه الشقى هي تحطه ونا الي اصحى اخ
وقامت وهي تتمطط: يلا يزق قومي والله صدعني جوالك طفيه
موضي : ...
شيخه وهي تشوتها : ورعه قومي
موضي : همم هاه اي اهه
ورجعت نامت
شيخه : مافي الا حل واحد
وقامت شغلت النور وطفت المكيف وفكت الباب وفتحت الستاير وطلعت
موضي ولا همها لو يصير حريق م درت بتنشوي الأخت عشان تحس وتقوم
شيخه بصراخ : يلا يلا الكل يقوم كلن يتجهز وطقت الباب على نوال ورهف
شيخه : يلااا ي كيس نوم والثانيه يلااا نواللل وتطق الباب اكثر
نوالل بصوت دايخ : خلاصصص خلاص قمت
وتدف رهف : هي هي قومي يلا
رهف بنزعاج: وخري
نوال تكتفت: قومي لا اجيب مويه بارده
رهف : اففف قمت خلاص
نوال : شاطره يلا
وقامت توجهت للحمام ونتم بكرامه
ورهف طلعت : هي انتي
شيخه : وين الاسلوب اخت رهف
رهف : فيني صداع منب رايقه لتس ترا
شيخه : الزبده دامك قمتي روحي صحي العيال ونا بروح اتجهز واذا لحقت سويت فطور سريع
رهف رفعت راسها عند نقطه فطور : صدددققق
شيخه : ايي يحبتس للاكل يوصخه
رهف : يقولك احلى شي بالحياه الاكل
شيخه : ما شاء الله على اكلك ذا م شفتك تسمنين الله يرزقنا بس الا صدق كيف كذا م تسمنين ..(وسكتت يوم لاحظت تعابير رهف البارده )
شيخه بهدوء وحزن على حالها : وش سرك
رهف تناظر الارض ببرود عيون فارغه برود يقتل
شيخه هزتها : هي بنت
رهف استوعبت : ها وش 
شيخه قررت تتجاهل الي صار لانها تعودت وتعرف كلن له سره بس الغريب محد انتبه غير شيخه طول صداقتهم ورهف م تحس على نفسها عندها
شيخه : قومي العيال اقولك لك ساعه متنحه
رهف : اها يلا بروح
رهف بنفسها وهي رايحه : ليه م تسال
(رهف عارفه انها بدون لا تحس تنكشف عند شيخه بس الغريب ان شيخه م سالتها )
____________
عند موضي
موضي بكل روقان : اه يحلوو اه مسلينيييي بنار الحب بالهجر كاويننيي
شيخه بعصبيه : بكويك بكف ينسيك اسمك اخلصي البسي لك ساعه تتمكيجين
موضي بدلع عشان تقهرها: شيخههه !! لو سمحتي يعني لا تخربين روقاني !
شيخه بتكشيره : يحلات من دعسك
موضي : : اقول الا صدق وين نوره ماله حس
شيخه حطت يدها على راسي : نسيت اصحيها
موضي : عشان كذا ماله حس البنت
شيخه وهي طالعه : بروح اقوم نوره واجي ان لقيتك قدام المرايه بكسر كل ذولا حشى زواج مو جامعه
موضي : اننن اننن روحي روحي بس
شيخه سكرت الباب بقوه
موضي بصوت عالي : وجععع
شيخه : يوجعكك
نوال : وش الرد النايم ذا خلاص محد يستخدمه الا اجدادنا
شيخه : يعني ترتاحون اذا عصبت بصباح الله خير
نوال ببتسامه : شدعوا م كانت ذي نيتي
شيخه : الي يشوف ابتسامتك يقول كلامي صح
نوال : قهر كشفتيني
شيخه : خلني اصحى نوره ابركلي
وراحت لغرفتها
نوال وهي تحط يدها على خدها: ماش صايره حساسه
رهف وهي جايه : منهي
نوال : شيوخ
رهف بستغراب : اما شيخه حساسه ذي لو اموت قدامها قعدت تطقطق علي
نوال : قاسيه
رهف : شكلكم عصبتوها مشكلتها العصبيه ذي البنت
نوال وهي تقعد: م تنلام احس صدق نرفزنها
شيخه من بعيد : زيننن عارفه
رهف بصوت عالي : متى الفطورر
شيخه وهي جايه جهتهم : تعبت انا وحده تنقلع تصحي نوره وبروح البس واذا خلصت ولا لقيت احد متجهز مافيه فطور
نوال : لا عاد انا خلاص خلصت مالي دخل بالباقين
شيخه وهي رايحه : قلت الي عندي وبكيفكم
رهف قامت بعصبيه متجهه لنوره
رهف بشبه صراخ : نوررههههه
نوره وهي متغطيه : وحطبه !
رهف تسحبها : كلي تبن عاد ابي فطور انا قومي اخلصي
نوره : مابي وخري
وبعد طقاق قامت نوره
رهف: م بغيتي
نوره تاشر على الباب : انقلعي قبل افصل عليك
رهف : يمه خفت اقول لك خمس دقايق م خلصتي بحرق عليك الانمي
نوره طيرت عيونها : عشان اذبحك
رهف : صدقيني بسويها اذا م خلصتي بسرعه يلا سيو
وطلعت
نوال وهي تصفق : اخذت نقطه ضعفها اهنيك
رهف : احم احم ادري
بعد ربع ساعه
شيخه : ها الكل جاهز ؟
موضي : م تشوفينا قدام عينك
شيخه : ترا بنعال
موضي : خلاص رحمتك بسكت
شيخه : لمصلحتك تسكتين
نوره : اي خلاص خلصنا وين العيال لهم ساعه
شيخه وهي خاشه المطبخ : مدري روحي ناديهم بخلص الفطور بسرعه
شيخه بتفكير : همم وش اسوي
فتحت الثلاجه تشوف اذا فيه شي
وبدت تسوي ساندوشات
بعد خمس دقايق
شيخه : يلبيه وش الريحه ذي ي انا صدق انك خورافيه طباخه طباخه خلاص
سعود بدرعمه : وش سويتي
شيخه بفخر : شاهي وساندوشات
سعود : لا تقولي بالتونه
شيخه رفعت حواجبها: اشوفك ماكل اقص يدك
سعود : شدعوا امزح اصلا مافيه احلا من كذا محظوظين عندنا طباخه رهيبه
شيخه برضى : اي ذا الكلام الصح يلا خذ الاكل وتقلع الصاله
وطلعت من المطبخ : هي انتي وياها روحوا ساعدوا سعود جيبوا الاكل
نوره بنزعاج : ياخي ليه م جبتيه معك وبس
شيخه : يسلام انا الي اطبخ وبعد اجيب اقول انقلعي يلا جيبي الاكل ولا ها ماراح تاكلين
موضي: ذلتنا على ذا الاكل
شيخه : يب اكيد بطلعه من خشومكم
وقامت نوره والباقين
بالسفره
ناصر : على اني اكلها مليون مره الا انها تبقى لذيذه وحلوه والله ي شيخه اهنيك صدق
شيخه : احم احم
موضي تمد بيالتها لناصر: اقول صبلي لا اكسره براسك
ناصر : اعوذ بالله عنف عنف هاتي
نوره تاكل وتتفرج
شيخه : نوره سكري الجوال وكلي زين ترا بيخلص
نوال وهي تاكل : يلبيه اخخخ الجبن وهو ذايب ولا الذره مع التونه ولا الحراره الخفيفه معطيتها نكهه ومع الشاهي اخخ مقدر مقدر لذيذذذ لذيذذ
شيخه : هذي الي تستاهل اقوم اطبخلها
سعود : اقول كلوا بسرعه ورانا اشغال
ناصر بتذكر : نسيت اعلمكم ترا الجامعه حطت لنا مسكن داخل
شيخه بستغراب: غريبه مو كانت مليانه
ناصر : مدري عنهم بس قالوا ضبطنا لكم
موضي : توك تتكلم ياخي العنك؟؟
ناصر : والله عاد نسيت احمدي ربك تذكرت ولا الحين رجعنا
رهف بسخريه: كثر الله خيرك
نوال : يلا بنات عادي اهمشي قالنا
شيخه : بالذات انتي اص
ناصر : مين تسكتين ؟
شيخه: يليل القرف قسم حامدت سبدي مسوي رومانسي اسكت وكُل لا ادعسك هنا
سعود : لاحظت شي
الكل : وش
سعود : نتهاوش واجد ههههه
موضي : يقولك من حبك سبك
شيخه : فعلا اتفق من حبك جلدك
نوال : يب اتفق جدا معهم
نوره بدموع : وجع وجع وجع منجدك تموت ناقصه حزن مع ذا الصبح
شيخه : هي انتي شفيس خير
نوره : حسبي الله عليهم عذبوه وقتلوا بنته قدامه !!!
نوال : امانه يحياتي مين ذا الله يعينه صدق
نوره لفت الجوال لها ؛ هذا
نوال بتعبير بارد : هاه
نوره تقرب الجوال لها اكثر : هذا المزيون شوفيه
نوال قامت وهي ناويه شرر
نوره : يمه شفيس
نوال : كرتوننننن؟؟؟؟
نوره : لو سمحتي انمي
نوال : والله مو منك الا مني الي عطيتك وجه
نوره : خير سلامات يحزن صدق
شيخه : فعلا حسيت انه يحزن
نوره : شفتي
رهف: انا غسلت يدي
سعود : الله لا يبلانا بس
ناصر وهو يقوم : يلا عاد الكل يجمع اغراضه ونرتب المكان عشان نطلع يلا مانبي نتاخر اول يوم
شيخه وهي تشوف باقي الاكل : شكلي تحمست وش نسوي بالباقي
سعود بتفكير: نعطيه رعد وشلته
شيخه : خلاص اجل عطههم انت
سعود: مافيه مشكله
والكل قام الي نظف والي يرتب اغراضه والي والي ..
بعد دقايق الكل بالسياره
موضي تكلم نوف بالجوال : اسمعي لا وصلتي انتظرينا
نوف بالجوال : يلا ترا قربنا كم باقي لكم
موضي توجهه السوال لناصر : هي انت كم باقي نوصل
ناصر : ربع ساعه
موضي ترجع الجوال لاذنها: سمعتي خلاص قرايب
نوف : انا وصلت يلا انتظركم عند البوابه
موضي : يلا اجل
نوف : فمان الله
وسكروا
نوال بجنبها : اهخ ابي استفرغ وش خلاني اكثر اكل وشرب شاهي
موضي : خلك لي ساعه اقولك وقفي اكل
نوال : ياخي لذيذذذذ لذيذ مقدرت وخلقه انا جايعه
نوره : هذا الي جبتيه لنفسك خلاص تحملي
رهف : امسكي نفسك اقول لا تقرفييني
نوال بدراما : خيرررر وجع هذا الي تقولينه لصديقتك
ناصر : عساه فيها ولا فيتس
نوال : اميننن
شيخه : ترا مو دعاء
رهف : المشكله اني اخته
موضي : يعوضك الله ونا اختس
سعود : يكثر هرجكم صدق
البنات : مالك دخل!
ناصر :هههههههه خلك تستاهل
رهف : ونت بعد
ناصر : الله يسلمك
سعود : اقول يلا وصلنا
والكل نزل وانصدموا من شكلها المبهر
مشوا مذهولين من المكان كانت بالوسط نافوره كبيرا وعلى اليسار الاشجار لونها وردي على ذهبي وتسمى اشجار الازياء وباليمين اشجار حمرا  وكملوا ماشين وانصدموا بكل مكان تلقى كوفي ولا مطعم ولا محل وقدامهم زي القصر كبير جدا وهذا هو السكن وكان لونه لؤلؤة ومع الاشجار طالع مبهر  يعكس كل الالوان عليه
وهم ماشين كانت الانظار عليهم
واحد من المتواجدين منصدم : من ذولا
الطالب ٢ : البنات عليهم جمال صااروخيي
الطالب ٣ بغرور : بخلي وحده منهم لعبتي
الطالب ١: شايف شكلك بالله شف العيال الي معهم اطلق منكم مليون مره
الطالب ٣ بغرور: وينهم
الطالب ٢؛ شفهم ورا البنات
الطالب ٣: اي مو قد جمال....
انصدم من اناقه وجمال العيال والي يصدم شكل اجسامهم كانوا ضخام
الطالب ١ بوجهه كلامه لطالب ٣: شفت يالمعصقيل لا جسم ولا وجهه
الطالب : م علي من كلامك اهمشي اني احلى منك ( قالها بغرور)