القلب لا ينسى

القلب لا ينسى 10

رعد يكلم شيخه : ما تحسينهم تاخروا
شيخه ( تتكلم بسرعه ) : تراهم رايحين يجيبون الشنطه لو قعدوا اسبوع عذرتهم اكيد احد بيقعد يراقبهم على ما يشتتونهم بيطولون وش تبي انت بس اسكت
رعد بصدمه : بسم الله اكلتيني هدي لا اصفقتس
شيخه بطرف عين : جرب
ليان بتوتر منهم : صلوا على النبي وش بلاكم
جتهم لحظه صمت
شيخه ورعد : ههههههههههههه
ليان مصدومه : سبحان الله توكم بتتجادلون والحين تضحكون
شيخه بضحك : اي لانه صار ذا الموقف قبل واوه يالاحداث الي صارت
رعد يكمل : هههه وللاسف لاني انسان عندي ضمير جيت اعتذر لها لكن اخوها بغى يصفقني يحسبني برجع اتهاوش معها
شيخه سمعت كلمه اخوها ابتسمت
ليان بضياع: ما شاء الله ما فهمت شي
شيخه تلحفها : سالفه طويله انتي نامي الحين النوم واضح بوجهك
ليان تتثاوب: الا والله دخت
شيخه وهي تطفي الانوار : يلا نوم العوافي
وطلعوا هي ورعد وخلوا ليان تنام
رعد يناظرها : الحين وين نطس
شيخه تفكر: ودي اتصل عليهم اشوف شصار
رعد يهز راسه بالرفض : لا الافضل ما تتصلين تخيلي لو متخيين وتخربين عليهم بتصالك
شيخه : هذا الي خايفه منه يلا اجل امش نقعد ننتظرهم برا الجو حلو
رعد : حلو ايش ي ماما حررر
شيخه : شف تصير بثر ماراح يصير خير
رعد باستفزاز: اوه صدق ؟ وش بصير ؟
شيخه تمسك اعصابها : اللهم صبرك بس
رعد : اقول امشي نقعد بكوفي
شيخه وكانها تذكرت شي : وليان ؟ عادي نخليها كذا
رعد : وظفت واحد يحرسها اي شي يصير بيدق علينا ويتصرف
شيخه بدهشه : والله وطلع منك فايده
رعد يرفع حاجبه : وش شايفتني عله؟
شيخه وهي تتفادى النظر بعينه : ها لا
رعد يضحك : امشي امشي بس
وهم يمشون اتصلت موضي على شيخه
موضي : الو بنت
شيخه : هلا شصار
موضي : انا اتوقع مقدر اجي حاليا بطول بس رائد جايكم بالطريق
شيخه : ليه شصار
موضي : بعدين بقولكً الحين بنااام
شيخه : تنامين؟ بذي الاحداث ؟ ذي موضي الي اعرفها ولا وش
موضي بضحك: يبنت الحلال لازم عشان الليل اصحى واخذ راحتي بدونكم هه
شيخه : اي قولي كذا يالخبيثه تصدقين دقيقه
لفت على رعد ولقته واقف معها ويناظرها بستغراب
شيخه تكلم رعد : شوي بكلم واجيك
رعد بستغراب : ابد خذي راحتك انا رايح الكوفي
شيخه : خلاص تمام اذا خلصت جيت
وراح رعد
موضي : ها وش
شيخه ببتسامه: بجي انام عشان اصحى معك الليل ي عيني انتي
موضي : لا ي لصقه وخري
شيخه وهي تقفل بوجهها : ونا طلبت رايتس؟
موضي جت بترد بس شيخه سكرت
شيخه ميته ضحك: اخ يالله متعه الحركه ذي
وراحت لرعد
لقته يكلم رائد جلست بهدوء تنتظره يخلص
رعد : للحين يلحقونك ولا ضيعتهم
رائد بالجوال : انا رائد ولد ابوي ولا اقدر اضيعهم؟؟
رعد : اسمع يالمهايهطيً عشانك اكبر مني مابي اغلط تعال الكوفي ***
رائد : سم
وسكروا
شيخه سمعته وهي جايته : حبيت اسلوب التهديد هههه
رعد : ما يفيد الا كذا تعلمي
شيخه وهي تجلس : اي ابد المهم خلنا نتكلم عن الي م يتسمون
رعد بتركيز : ايوا؟
شيخه : اء..
قطع كلامها دخول رائد : هذا انتم هنا
شيخه لفت عليه : وين بنصير يعني
رائد يسحب كرسي ويجلس: طلبتوا حلا؟
شيخه : صادق انت ؟
رائد بغباء: وش
رعد : ذا مجنون حلا
شيخه : كيف لك نفس ما شاء الله اصلا
رائد : لاحول بعلمك درس حقيقي لحياتك اذا حياتك خايسه حليها بالحلا ولا وش فايدته ؟ م تشوفين الاغنياء ياكلون ويشربون اشياء مرُه؟ حياتهم حلاتها زياده اما حنا نحلي حياتنا بالحلا فهمتي؟
شيخه ببرود : شفت كف يدي ؟
رائد يرفع حاجبه بستغراب : اي؟
شيخه ببتسامه : بلطمها بوجهك اخليها تطبع بخدك
رعد مات ضحك
رائد قام وراح لطاوله بالزوايه
رعد وهو يضحك : يارجال وراك رحت ورا هههههه
رائد ياشر لشيخه : اخاف تسويها
شيخه قامت وهي تضحك وراحت له
رائد وهو يشوفها تجي: لا لا وخري انا ليه منحاش منك يبنت الحلال وتجيني
شيخه : لا تخاف شدعوا اسويها ( وقعدت
ولحقهم رعد
رعد وهو ميت ضحك من صاحبه : ما هقيتك خواف
رائد : اقول اسكت اسكت ما شفت موضي كيف ضربتها وتبيني اجرب خويتها ؟ لا شكرا منب غبي
شيخه : اوه ضربتك ؟ اكيد مسوي شي لها
رائد يرفع يدي : بس شلتها
شيخه بصدمه : شلتها؟؟ هههههههههههههههههههههههه
اكيد بتضربك يبوي هههههههههههه
رائد قام : اقول خل نروح البيت خلاص معد لي نفس بحلا
رعد حب يستفزه: اوه قهر لاني طلبت
رائد رجع جلس : صدق وينه ما وصل
رعد مات ضحك
شيخه : يمزح معك ما طلب بس ولا يهمك اطلب لك الحين
رائد بعصبيه : انا اقوم ابركلي
رعد يمسكه وهو ميت ضحك : اصبر حلفت عليك والله ما تقوم
رائد بعصبيه: ليه مستمر تضحك ؟؟
رعد يمسك ضحكته : احم مين قال اني اضحك ؟
شيخه قامت وهي تضحك : بروح اطلب حلا اجلس
رائد قعد : اي زين كذا ادبب
مشت وقالت بهمس : بزر بزر
رعد سمعها ورجع يضحك
رائد دفه وطاح من الكرسي : تستاهل
رعد يقوم بالم وهو يضحك : يلا بمشيها لعيونك
رائد يصغر عينه : غصب عنك اصلا
جت شيخه ومعها قهوه
رائد: وش قهوه ابي حلا
شيخه : لا تتشكى لا اصفقك واسدحك بالطريق اخليك عبره للي ما يتعبر!
رائد : سمي
شيخه : اي كذا ادب
رائد : مابي قهوه
شيخه : ما جبت لك اصلا
رائد عيونه طارت : بعد!! وتبوني اقعد؟؟ لا والله مقعد اروح بكرامتي ابرك
شيخه : يبن الحلال طلبت لك كيكه كامله اقعد اقعد
رائد ببتسامه : يلا قعدت ههه
شيخه تهز رأسها بأسى على حاله كانه طفل
رعد ياخذ القهوه من شيخه ويشربها: الا اقول ورا ما جبتي له قهوه
شيخه : اذكر موضي قالت لي انه ما يحب الاشياء المرُه
رائد يناظرهم وهم يشربون
شيخه انتبهت له : وش تبي اطلب لك ؟
رائد : الله يعز النعمه لا شكرا
رعد : طعمها غريب
شيخه لفت عليه : لاحظت ؟
رائد هنا تاكد من شكوكه وقرر يتصرف ارسل رساله لرعد واول كلمه له انه م يثير الانتباه ويركز بالمحتوى حتى شيخه يحاول ما تنتبه
رائد مسوي غبي : اوه رعد جتك رساله
رعد بستغراب : ونت وراك تناظر جوالي لف عينك لا أفقعها
رائد : ههههههه يمه منك يلا انا بطلع ادق على سعود اطمنه واجيكم
طلع دق على اخوياه ورجع دخل لقى رعد وشيخه مغمى عليهم
رائد ببتسامه خبيثة : طلعتوا هنا يالملاعين؟
المجهول بضحكه : ما توقعت تعرفنا علطول حلو حلو هذا يدل على وش ؟
رائد بسخريه : هل يستاهل اعرف؟
المجهول: يدل على ان قرار قتلك صائب
وطلع مسدسه مصوبه عليه
( ياللاسف لقد اتيت لموتك )
رائد ببتسامه : ههههه اظن العكس عزيزي ( وغمز له)
الان رعددددد
رعد بحركه سريعه وخفيفه طلع المسدس واطلق عليهم
المجهول يلتفت بتشتت
وداهمته شيخه بضربه على بطنه وسحبت مسدسه
وطرحته بالارض ومسكته موجهه المسدس براسه : يالك من احمق
رعد : بنت انتبهي بس خل السوالف بعدين
رائد يتقدم للمجهول وينزل له بالارض بنظرات استهزاء له : ما رايك هل اعجبتك مفاجاتي ؟
المجهول جاء يرد
شيخه صفقته براس المسدس : هل تريد الموت ؟؟ من سمح لك بالكلام ؟
رعد يرجع شعره لورا ويضحك : ههههههه انها مضحكه
شيخه بستهزاء : تبي تصير مكانه عشان تضحك اكثر؟
رعد لف على رائد وهو مستمر يضحك : تعال خذه من المجنونه
رائد يسحب المجهول من شيخه : ماهو اسمك؟
المجهول ساكت
رعد رجع يضحك بجنون : شكله خايف من شيخه صدق ي عيباه ههههههههههههههههه
شيخه ضحكت : حسنا يمكنك ان تتحدث
المجهول بتوتر يناظرهم
شيخه عصبت : عليك ان تنطق بأسمك ان لم تريد ان تموت ايها الاحمق !!!
المجهول بتوتر اكثر : ان..سون
رعد : ماذا؟
رائد ببتسامه : انسون
شيخه قامت تضحك: اسمك حقا انه عكسك
رعد بستغراب : ليه وشفيه اسمه
رائد : معنى اسمه محظوظ لكن مثل ما تشوف حظه زي وجهه
شيخه : ياله من اسم مضحك حظك هو اسوء حظ لانك قابلتني( وعطته ابتسامه تقعشر الابدان )
رائد بقشعريره : يمه انا خفت
رعد يتاملها : حبيت الابتسامه
رائد يهز راسه بأسف
رن هاتف شيخه وكانت موضي
شيخه تهاتف موضي : هلا شفيس داقه
موضي : النوم رفض يلمس عيني
شيخه تبي تقهرها :فاتك الاحداث الي صارت
موضي بفضول:شصار
شيخه بحماس بدت تسرد لها بالتفاصيل : كل ذا صار ونتي يحياتي تحاولين تغصبين نفسك تنامين
موضي بقهر : ولا حرف بسس (وسكرت)
شيخه : قفلتتتت هههههههههههههههههه
رعد ورائد مصدومين
رعد يوجهه كلامه لرائد : ذولا طبيعين ؟ ذي منجدها تحسدها على موقف يمكن تموت فيه والثانيه مبسوطه؟
رائد بنفس الصدمه : ذولا معتوهين
شيخه سمعتهم وبغضب لفت عليهم: هاا شقلت ؟ تبيني اعلمك كيف اصير معتوهه (وقربت صوبهم ببطىء وعيونها تتطاير شر وبيدها المسدس )
رائد يحاول يركض ينحاش ورعد يمسكه يحاول يوازن نفسه من الخوف
رعد بتوتر : صلى على النبي انا مالي دخل ذا رائد
رائد بصراخ : اقلها فكني انحاششش تتهمني وتمسكنييي تبي العنكككك فكنيييي
شيخه بغضب الدنيا كلها : هاااا ؟ تبي وش؟ تنحاش! ههاهاههه
رائد يحاول يشتت شيخه : انتبهي المجرم بينحاش
ونجحت خطته لفت شيخه عليه وكان يزحف للباب وانتقل الغضب عليه
انسون (المجرم) بخوف وتوتر : لقد كنت اريد بعض الهواء فقط
شيخه ببتسامه تقعشر : حسنا قريبا سوف تريد الموت فقط عزيزي
ها ما رايك؟ هل تريد بعض الهواء ؟
انسون(المجرم ) : لا ..
قام رعد يحلق على المجرم : هدي هدي خليه علي
شيخه قلبت عينها بملل وتحط المسدس بخصرها : لا تخافون ماراح اقتله
رائد يتنهد بطمانينة
شيخه تضحك وتكمل كلامها : لازم اعذبهواستجوبه اول صح ؟ وغمزت لهم
رعد  بقلق : احتاج عطله
رائد : تونا ما بدينا حتى لكن حتى انا ابي استقيل مو عطله
شيخه لفت عينها على المجرم تبي تضربه عشان يفقد الوعي لكن : اووه اغمى عليه وراه شفيه ما ضربته باقي؟
رعد : يعزتي له خاف منك لدرجه اغمى علي
شيخه بضحكه : جبان
رائد يبي يرجع هيبته : اي صادقه وش ذا المفروض يصير رجال ولا يخاف
شيخه تناظره وتكتم ضحكتها
رائد مستغرب منها : شفيس
شيخه قامت تضحك وتمسك بطنها : لا بس تذكرت كيف تبي تنحاش ورعد مسكك ههههههه اخ بطني عورني ياربي الله يسعدك ضحكتني منزمان ما ضحكت كذا
رعد مبسوط على ضحكها
ورائد عصب : اقول اسكتي ما كنت ابي امد يدي عليتس ولا ابيس تضربني ولا ادافع عن نفسي طبيعي بوخر عنتس بس مو خوفف !! لا احتراام
شيخه تكمل ضحك : احترام؟؟ هههههه  طيب يا احترام
رائد طلع وهو معصب : انا اوريتس
رعد يتقدم ويشيل المجرم ويناظر شيخه مبتسم : يلا امشي قبل يخلينا ذا الورع وترا يسويها
شيخه : ماش ماش يبيلي اخفف عليه طلع زعول
رعد يضحك : كملي عليه لا توقفين بالله خليه هو رفع ضغط كثيرين الحين دوره
شيخه : ابد تم نوسع صدرونا عليه
وطلعت ولحقها رعد الي يحس الايام الجايه بتصير ممتعه وقام يضحك على خويه المسكين ومتحمس وش بصير

انتظرونا البارب الجاي بصير شي جميل 👌..
واعذروني لكن مع دراستي يالله القى وقت 😩 بحاول ما اطول
واكتبوا لي رايكم عن البارت احب اشوف ارائكم والي يعجبني رايها بحطها بالبارت الجاي واشكرها على مشاركتها لان نادر الي يشاركون للاسف
اكتبوا اي شي عجبكم بالبارت 👍