القلب لا ينسى

القلب لا ينسى 9

وركبوا معهم السياره وتوجهوا المشفى الي فيه ليان
يوم وصلوا نزلوا البنات اول وراحوا متوجهين لغرفتها
وهم يمشون
موضي تكلم شيخه : هديل بتجي ؟
شيخه : لا الافضل خلاص من الحين ما تجيها
موضي مو عاجبها الكلام : يمكن م تتكلم بوجودنا الافضل هديل تجي كيف تبينها تثق فينا
شيخه تطمنها: معليك هديل قالت لها اختي بتكلمك وبعدين حاليا ماله الا تثق فينا وتتوكل على ربها
موضي بحزن : وضعها يحزن والي صار لها مو سهل ان شاء الله تقدر تكمل تواصل حياتها طبيعي
شيخه بهمس: همم صعب
موضي سمعتها : بس لازم تحاول
شيخه : المهم يلا خلينا ندخل عليها
وطقوا الباب
ليان من داخل : مين ؟
شيخه : اخت هديل
ليان : تفضلي
ودخلوا
موضي ببتسامه تطمن ليان لان وجهها واضح متوتره
شيخه : كيفك ليان عساك بخير الحين
ليان بتوتر تتجنب عينها تطيح عليهم
شيخه حست فيها و وجهت نظرها لموضي بقلق
موضي تقدمت لها ومسكت يدها : اسمعي ليان حنا هنا جاين نساعدك ماراح نضرك ولو في احتمال تنضرين راح نحميك بروحنا
ليان بتوتر : كيف تحميني بروحك ونتي م تعرفيني
موضي ببتسامه : لانك امنتينا على موضوعك وفوق الخطر الا انك قررتي توثقي فينا ف كيف تبيني نتجاهل كل ذا ولا نحميك ؟ حاليا انتي بذمتنا لين يخلص الموضوع
ليان كانها تطمنت وبدت تحكي لهم كلشي ويسالونها وتجاوب
موضي تفكر: وين شنطتك ؟
ليان وتوها تتذكر وبصدمه : اغمى على بالكوفي يمكن هناك
شيخه وموضي بصدمه : ووششش؟؟
وعلى صوتهم العالي اندق الباب
رائد بستغراب بالصراخ يدق الباب : نقدر ندخل؟
موضي بصدمه وبستعجال: شيخه اقعدي ونا بروح الكوفي مع رائد عسى القاها ياربي وين الكوفي بالضبط؟
ليان : جنب المدرسه علطول
موضي تفتح الباب بقوه وتمسك رائد بوجهه مقلق وتركض
رعد بستغراب : وشفيه
شيخه بتنهيده : اتوقع لقينا الي ابوك كان يحميه بس
وسكتت
رعد بصدمه : بس وش؟؟
شيخه ناظرته بحزن
رعد بعصبيه : تكلميي وش بس وش بس؟؟؟
شيخه شافت ليان خافت من رعد
قامت من مكانها تبي تسحب رعد لبرا وتكلمه
بس وخر يدها عنها بعنف
شيخه ناظرته بحده : وش تسوي ؟ م تشوف انك خوفتها ؟ الي مرت فيه يكفي قلنا مانبيها تخاف قلنا راح نحميها !! وش قاعد تسوي ؟
رعد وتوه يستوعب طلع من الغرفه
شيخه لفت وجهها على ليان وقربت لها  : لا تخافين منه تراه طيب بس انه نفسك فقد ابوه بسبب العصابه
ليان يوم سمعت ان ابوه توفى عشان العصابه زي عايلتها ملامحتها لانت
تركتها شيخه ولحقت رعد عند الباب
شيخه وقفت قدامه : البنت اغمى عليها بالكوفي والشنطه هناك وهي الي ابوك كان يحميه
رعد يتذكر ابوه وكاتم دموعه
شيخه ناظرته بحزن عيونه حمرا من كثر م يكتم نفسه
بس انخرشت يوم صفق الجدار بقوه بيده
شيخه بعصبيه ضربت رجله وطاح ومسكته من كتفه وبحده : فهمتك الحين انت ضعيف
رعد بصدمه ناظرها
شيخه تدفه بقوه على الارض وتكمل كلامها ببرود  : بكلم رائد يطلعك من القضيه
شيخه انصدمت من دموعه الي انزلت
رعد : ل.ا لا
سحبته من يده وشافت غرفه فاضيه دخلتها  وقعدته بالسرير  وراحت سندت ظهرها على الجدار وتكتفت ونزلت راسها: من اول كان بكيت لا تكتم نفسك هذي مو قوه القوه تبكي عشان تجمع نفسك وتقدر تتصرف زين مو تهيج على كل كلمه تصير ما تتحمل
وسكتت
قام ودخل الحمام يكرمكم الله وغسل وجهه وطلع لها وناظرها
شيخه رفعت راسها وببتسامه رضى : ايوا هذي القوه الي نبيها الحين
رعد بحياء طلع بدون ما يقول شي اول مره يبكي قدام احد
شيخه تضحك بصوت عالي : لا تخاف شكلك كان كيوت ترا
رعد سفهها
شيخه : يلا ادخل خوفت البنت الله يصلحك
ودخلوا
وموضي دقت على شيخه
شيخه ردت عليها : عساك لقيتيها
موضي بتوتر : لااا م لقيتها تتوقعين مع العصابه الحين ؟
شيخه تناظر رعد : م لقيتيها ؟ صبر دقيقه في شي براسي ابي اتاكد منه
وسكرت منها واتصلت على هديل
شيخه بخوف : هديل الشنطه الي كانت مع ليان معك؟
هديل : ايوا ليه تبونها اجيبها لكم؟
شيخه بصراخ : لااااا خليك مكانك لا تتحركين بتجيك موضي طيب؟ ابيك تعطينها الشنطه
هديل : طيب
وسكرت منها
ورجعت اتصلت على موضي ومسكت راسها : روحي تلاقينها عند هديل
موضي بصدمه : هاه
شيخه بنرفزه : اخلصي روحي جيبها
موضي سكرت وراحت البيت مع رائد يجيبونها
وقعدت بالكرسي مرهقه
رعد: لا تخافين ماراح يصير شي
شيخه م سمعته مندمجه بالتفكير : ها وش قلت
رعد : سلامتك ولاشي
ليان بضحكه : كان يطمنك
شيخه ناظرته بنظره قفطتك : اووه حركات رعد الي ما يعطي وجهه يطمني لازم اسجلها بالتاريخ ي ترىُ وش رده فعل اختك لو قلتلها ههههههههه
رعد : صدق اني حمار يوم جيت اطمنك
شيخه تطبطب عليه : معليك شف ضحكتنا وغيرت الجو
صح ليان
ليان بضحكه : صحين بعد
نروح عند موضي ورائد
موضي سكرت منها ولفت عليه : بسرعه نروح بيتها اختها معها الشنطه
ومسكته تسحبه
هو شافها كذا شالها رفعها عن الارض وصارت يده معلق بالهواء وهو شايلها
موضي بصدمه باقي م استوعبت شصار ميلت راسها مستغربه فجاءه بالهواء