قصه جديده حبااايبي قصه بقلمي لكن اغلب السرد نزلتها كما كتبتها صاحبه القصه
ان شالله تعجبكم ولا تنسون الايك والاشتراك بقناتي او اضغطوا النجمه
عنوان القصه
حب في زمن قل فيه الوفاء 💛💛
البارت الاول
💟💟💟💟
اكتب قصتي ولااعلم هل ساقرها عندما تنشر او ستقراون وتترحمون لصاحبه القصه لاني في اسؤ حالاتي ولااعلم مايخبى اليه القدر لاني مصابه بفايروس كورونا.
اسمي سهى عمري 25 سنه جميله الشكل والقلب بيضاء طولي 166 شعري طويل كلش
واني البنت الوحيده ..
والدي اسمه سالم وهو عميد
والدتي اسمها منى هي جميله جداً وعصبيه كلش وصارمه بتعاملها ويانه ،، ماما تشتغل معاونه مدير ..
عندي اخوان 2 حسين وعلي ،، وعندي بنات خالتي توم هدي وتقى والداتي ربتهم من همه اطفال لان خالتي اتوفت اثناء الولاده ...
كنت اعيش احلى طفوله ومدللة ابوهه كان يموت عليه ومحد يكدر يحجي ويايه يتخبل اذا يشوف دمعتي يحضني منو ويه بنيتي ويبقى يسكت بيه وكان يسميني بنت كلبي عكس ماما كلش عصبيه ..
اني جنت مرحه واحب اتشاقه ومشاغبه وماليه البيت طاقه واحياناً مشاكل بس حنونه على اخواني ..
قصتي ابتدت واني عمري 15 سنه .. فد يوم كنت كاعده بلحديقه بلمرجوحه واغني حسيت واحد يدفع بلمرجوحه رفعت راسي اتفاجأ بابن عمي عمر وهو يباوع عليه ويضحك اني كنت من اشوفه مااطيقه اتخبل منه ركضت ادخل للبيت جرني من ايدي كلش اذاني وخفت كلش منه جان لازم ايدي وهو يسالني ..
عمر : ليش من اشوفيني تنهزمين
اني صحت بوجه واني احاول ابعد ايدي منه
سهى : لان اكرهك اموت منك ..
وهو تخبل وزادت قسوته وبدا يضغط على ايدي اكثر.. صحت واني اتألم
سهى : اترك ايدي وجعتني عوفني ..
ترك ايدي وركضت للبيت واني امسح ادموعي شافني بابا واني ابجي ،،
بابا : بنتي شبيج منو وياج ليش تبجين ؟؟
سهى : بابا عمر ،عمر
تخبل بابا انجن طلع للحديقه وصيح عليه ورزله ...
عمر كام يبرر لان انحرج من بابا ..
عمر : عمي اشاقه وياهه تره ..
بعد ذاك اليوم صرت بعد مااطلع كدامه ..
عمر صار يوميه يجي للبيت .. وحتى من اروح للمدرسه اتفاجئت بيه يمشي ورايه لحد مااوصل للمدرسه ومن ارجع نفس الشي ..
وكره اله اني مااطيقه ...
لحد مااجه اليوم الي انصدمت بيه من عرفت هو جاي وطلب ايدي من بابا .. بس الحمد لله بابا رفض وكله طفله وماانطيها.. ارتاحيت لكن عمر ماسكت راح لجدو حتى يدخل ..
وفعلاً جدو حجه ويه بابا ..
جدو : سالم ليش كاسر بخاطر ابن اخوك وماقابل تزوجه بنتك ؟؟ شبيه عمر حتى ترفضه يكفي هو منه وبينه وابن عمها لسهى ..
سالم : يابه اني مكلت بيه شي بس البنيه صغيره بعدها مو مال زواج هسه ،
ااني اعتقدت الموضوع لهنا انتهى لكن
جدو ماسكت ..
جدو : اسمع سالم شوف جم مره صار حاجي بموضوع عمر ، هيج ماتسمع كلمتي ..
سالم : يابه اني عمري مارفضتلك طلب بس هذا الموضوع عوفه مو وگته هسه ..
جدو : شوكت لعد وگته الولد رايد البنيه والله ياسالم اذا مازوجت بنتك لابن عمها فلا اعرفك واغضب عليك طول عمري ..
وبسبب اصرار جدو الي بابا يحبه وميرفضله طلب استسلم بابا لضغوطات جدو ووافق على الزواج ..
جانت اكبر صدمه بحياتي اجگد اتوسلت ..
سهى : بابا فدوه ماريد ازوج ، شلون تزوجوني واني مااقبل .. اريد اكمل دراستي بالاول ..
وحاولت لكن مافادت توسلاتي بابا كان قافل لان ميريد يزعل ابوه وكان عمر ملاك بالنسبه لاهلي .. مر كلشي بسرعه والتجهيزات والتحطيرات وكلشي واني احس هذه نهايه عمري ، واني بقمه الطفوله ..
صار يوم العرس ولبست البدله البيضه الي جانت بالنسبه الي كفني .. وصارت الحفله وراها رحت للغرفه هذا اليوم الي تحلم كل بنيه بيه جان اسؤ يوم بحياتي .. كنت كاعده بلغرفه وماليني الخوف والكره والحقد هذا جان شعوري الي بگلبي لعمر ..
وكنت كلشي مااعرف بامور الزواج محد حاجاني ولا احد نصحني .. فات عمر للغرفه واني خوفي ازداد .. واول كلمه واني رفعت راسي باوعت عليه ...
عمر : انتي عود ليش كنتي ترفضيني ؟؟؟
باوع عليه وشفت الشر مالي عيونه ..
عمر : راح اندمج على كلشي ،،
اني اباوع وادموعي تنزل ومااعرف شنو اسوي ،،
وفعلاً نفذ عمر تهديده .. وراواني بهاي الليله تعذيب وضرب واهانه لحد مااغمى عليه ومحسيت الا واني بالمستشفى ،، الدكتوره كالت متعرضه لضرب واكو اثار .. لكنهم سدوها بمعرفتهم ورجعوني للبيت وعمي اتوسل بيه حتى مااكول لبابا اني انصدمت بالي ديصير ومااعرف شنو اسوي .. ماهمهم الي صار بيه والي سواه اينهم بيه بليله عرسي .. سكتت بسبب عمي ..
تمر الايام ومر شهرين على زواجي وعمر نفسه ماتغير بالعكس يوم اسؤ من يوم الى ان خلص مااكدر اسكت وقررت احجي لبابا ..
سهى : كافي عمر مكفاك الي سويته والاه الا احجي لبابا بكلشي سويته بيه ...
عمر : احجي كلمه وشوفي عود والله الا الا اطعن بشرفج واگلهم لكيته ويه واحد .. واشوف عود منو يصدگج ..
اني كلش خفت ومااعرف شنو اسوي كنت اروح لاهلي ومااتمنى ارجع .. بابا باوع عليه بابا : بنتي ليش امبين عليج التعب احجيلي اكو شي ؟؟؟
سهى : لا بابا بس مقهوره لان رح افارگكم ...
كنت اتمنى احجيله واگله خلصني من هل العذاب ،، بس اخاف اخاف من عمر والي يسويه بيه ويصدگوه ...
مرت ست اشهر وخلص لهنا وبعد مااكدر اتحمل ماظل عندي صبر حتى اتحمله لعمر .. قررت احجي وشنو يريد يصير خلي يصير ..
وبيوم ماتحملته لان ضربني وهددته
سهى : هسه اخابر بابا واخليه يجي واحجيله على كلشي وشتريد تسوي سوي مرح تخوفني ..
اشو هذا تخبل عليه بالزايد وبدا يضربني بدون وعي ركضت اريد انهزم من عده وكعت من الدرج على راسي ومااعرف بعد شنو صار ...
بالمستشفى ودوني واني فاقده الوعي بابا من شافني هيج تخبل ..
بابا : عمر ولك شبيها بنتي هااا ،، كلي شليها ؟؟؟
عمر : عمو سهى وگعت من الدرج ،،
بابا : ولك يادرج هذا شوف وجهها شصاير بيه ولك ضارب بنتي ؟؟ بنتي ورده نطيتكياها هيج
تصير ..
مر اسبوع على رقودي بالمستشفى واني مازلت فاقده الوعي .. فجأه حسيت على صوت بابا يقرا قران يمي .. جنت اسمع صوته بس مااكدر لا افتح عيني ولا احجي بس حركت ايدي بابا حس عليه.. وگام يصيح ..
بابا: الحمدلله ربي اوووف يابنت كلبي ..
عرفت اني فاقده الوعي صارلي اسبوع وكانت الضربه ابراسي كلش قويه ..
اتحسنت شويه بعد فتره .. بابا ماعافني لحظه
جنت بحاله ميعلم بيها غير الله وبداخلي انكسار كبير بسبب الي سواه عمر بيه .. جان بابا كاعد يمي ..
سهى : بابا طلگني منه ، ماارجع بعد لعمر ..
بابا : يجرالج يابنتي بس صيري زينه ..
سهى : بابا لو تدري شسوه بيه عمر من اول يوم العرس ،، حجيت لبابا على كل سوالفه اتخبل بابا من سمع وگام من مكانه ..وبدا يضرب بيه بكل قوته .. بابا مريض بالقلب
خفت عليه ليصير بيه شي بس هو ماسكت لعمر
بابا : ولك نطيتك شمعه البيت هيجي اسوي بيه .. وبك ليش مو هاي بنت عمك الي توسلت توسل بيه يله وافقت انطيكياها ، مو صوجك صوجي اني الي امنت ابنتي يمك عبالي رجال وتحافظ عليها ،
عمر : اي بنتك تستاهل الضرب اني مضربته بدون سبب .. بنتك عمي لكيت عدهه علاقه ويه واحد وصورتها يمه ..
بابا : اسكت لك لتجيب طاري بنتي على لسانك وحسابك بعده ماخلص ..
عمر : اذا متصدكني روح وتاكد بنفسك وانت تعرف بنتك شنو ؟؟ وبعدين تعال عود حاسبني بابا مصدك كله اني اتاكد بنفسي بابا اصله محمدي راح حتى يتاكد وحتى يطلع كذبه عمر ....
جنت منتظره بابا يجي وحتى اخلص من عمر واكاذيبه واتهاماته القذره مثله ..
اجه بابا جان وجهه اصفر وكوه يتنفس ..
سهى : بابا بيك شي ..
عمر جان واگف ..
عمر : ها عمو تاكدت مو ،، وعرفت بنتك على حقيقتها وكل الي سويته بيها تستحقه حتى اغسل عارها ..
بابا : لا عمر اني اغسل عاري بايدي ..
ومااتحمل بابا الصدمه وكع وخرب .. اخذناه للمستشفى .. واني ابجي خايفه عليه كلش بابا گلبه ضعيف بس لا يصير بيه شي والله مااتحمل اذا صار بيه شي .. الكل جان ماطايقني وكلها تلومني لان بسببي بابا بالمستشفى وكلهم صدگوا بكذبات عمر ..
سهى : بابا بقى 3 ايام بالمستشفى دخل الطبيب عليه ومن طلع گال البقيه بحياتكم ..
اني سمعت هيج جانت صدمت عمري ودمار حياتي بقيت حتى بجي مااكدر ابجي ولااحجي بابا مات وهو مصدك كلام عمر ، واتهاماته
سهى : بابا حبيبي وين عفتني والله بابا اني بريئه لتصدكه لعمر بابا ..
الكل كانو مصدكين بحجي عمر وصارت الفاتحه وخلصت وهمه بعدهم يحجون عليه انتي لسبب وانتي لازم تموتين ...
سهى : كذب والله كذب ،، محد صدكني وكلهم اتهموني .. واني مامصدكه الي صار شلون وليش هيجي صار ... عانيت من قسوه اقرب الناس الي ..
الوحيد الي مصدك خالوا محمد اخذني لبيتهم وحماني من عدهم بس اني كنت لااحجي ولااكل ولاكلشي اسوي كنت بس ارفع عيوني للسماء واكول ربي عدلك ...
يتتتبع♥️♥️♥️
رايكم ببدايه القصه
