حب في زمن قل فيه الوفاء
بقلمي لينا♥️
البارت 4
🌹🌹🌹
نعم وافقت ازوج جان هذا رد حتى اثئر لنفسي تجاهل رائد الي وتشجيعه على زواجي خلاني اريد اخليه يحس بلي خسره .. ماعرف هو انتقام مادري عقاب لكن اني المتضرره الوحيده .. وماعرفت بفداحه قراري الا لمن تمت الموافقه ... ثاني يوم اجه الولد وطلب يحجي ويايه على انفراد ،، ياربي شرح اسوي !! شلون رح اگدر اكمل بس ماكو رجعه قراري هذا مو بس ردت اخلي ملاكي يحس بالندم ،، وايضاً وافقت بعناد ماما لان جانت ماقابله عليه ..
كعدنه واني جنت متوتره وماعرف شلون رح يخلص هذا اليوم ..
بدا هو بالكلام ..
احمد : عندي موضوع اريد اصارحج بيه ومااريد اخدعج بس مااريد احد يعرف اذا وافقتي خيرا على خير واذا موافقتي كلمن يروح بطريقه ويبقى الموضوع سر ..
سهى : احجي ، اوعدك يبقى سر .. احمد : اني غير قادر على الزواج لان مريض ومخليت دكتور يعتب عليه واهلي مصرين ازوج واني محجيت شنو مرضي ..
يعني هو عاجز على الجنس اني بدون تفكير
سهى : اني موافقه ..
احمد : متاكده يابنت الناس ؟؟مااريد اشيل خطيتج !!
سهى : اني موافقه ..
فكرت مادام مصرت لملاكي مااكون لغيره وماريد رجال غيره يلمسني انخلقت اله وبس .. اتحدد يوم العقد باسرع وقت
وبيوم العقد سوو حفله وگعده وجابوا الذهب اني جنت مجرد جسم خالي من الروح ، روحي وعقلي يم ملاكي ،، اليوم الصبح اتصلت بيه وكتله اليوم عقدي .. جاوبني مبروك لكن حسيت بيه مقهور من نبره صوته ويحاول يكون طبيعي ... باوعت على وجوه الموجودين واشوف ضحكاتهم وابتساماتهم وفرحهم واني الوحيده المفرحانه ،، وتسألت ويه روحي شيصير لو جان اليوم عقدي على ملاكي !! شيصير لو امنيه الوحيده الي تمنيتها بحياتي تتحقق ..
رادو ياخذون صور اني مقبلت لان حلفت بعد الي صارلي بسبب زوجي الاول بعد مااخذ اي صوره وكل هذي السنين الي مرت ماخذت اي صوره لكن شي بداخلي خلاني اخذ موبايلي قبل ميتم العقد واخذت صوره بمبايلي ورسلته راساً لملاكي كانت اول صوره اخذها وادزها .. يمكن جانت الگشه الي اتعلق بيها گلت يمكن اذا شاف صورتي يشعر بالغيره او يشعر انه رح يفقدني و يتحرك ويگولي لتصيرين لغيري بس بقت حسره بكلبي ... المهم عقدنه وصارت الحفله ،، احمد عمره 41 سنه شكله حلوو ومرتب وعدني يشتري بيت الي بعمان ويسجله باسمي ،، كانت ماما ابدا مفرحانه ولاكعدت ولاحضرت اي شي واني هم ردت اعاقبها وافقت ازوج بمكان بعيد لان كان حلمها ازوج قريبه عليها ،، ماما جانت مصره على ابن جيرانه حتى اكون قريبه وهم حتى تبعدني عن اخو رزان الي كلش اتاثر من عرف اني عقدت وراح اسافر ...
احمد گلي رح نسافر بهل اسبوع واني كانه ضربه اجت على راسي وصحيت على نفسي اني شنو سويت بروحي اشلون وافقت على الزواج ،، وبديت الوم بنفسي ومااكدر ارفض لان عقدت وبقيت أاجل بلسفر ومر شهر بهذا الشهر احس ملاكي بدا ينقهر من يسمع اني راح اسافر بس شنو الفايده اني بسببه رح اروح لمكان بعيد ولعالم ثاني ...
ومابقى على السفر الا ايام،، اجه عمي ابو عمر الي ...
عمي : شلونج بنتي سهى ؟؟
عمي : الحمد لله .. اني عبالي جاي يودعني لكن صدمني الي سمعته ...
عمي : بنتي اني جاي اخذج ويايه للمستشفى ..
سهى : ؟؟؟
عمي : عمر بالمستشفى وحالته خطره ويريد يشوفج حتى يطلب منج تسامحيه ....
بصراحه فرحت ووافقت اروح بس مااسامحه بس ردت اتشفى بيه وصلت للمستشفى وباوعت عليه من شافني بدا يبجي ..
عمر : سهى سامحيني ،، وبدا يستنشق بصعوبه ويلفظ انفاسه الاخيره ويباوعلي ،، بدون وعي اوشعور سامحته ومات كدامي كلش اتاثرت وبجيت على نفسي طلعت من المستشفى واحس اني مرتاحه ولاول مره احس بهيج احساس ،، رجعت للبيت واني احس تعبانه واريد بس انام كان الوقت لمغرب فتحت لكيت ملاكي مراسلني حجيت وياه وكتله على لموقف الي صار ويايه ...
ثاني يوم اخذني خالو محمد وسويتله توكيل بحتصتي من الورث يعني اخر 3 ايام جنت اراجع بيها وماگلت لملاكي عن يوم سفري .. رجعت للبيت ،، فتحت الفيس لگيته مراسلني هوايه داز مسجات واخر شي كاتب حبيبتي بنيتي اشتم ريحه فراك وسفر قريب ،، كلش انقهرت رح اروح واودع احبابي ... جاوبته وكذبت عليه گتله لابعد موهسه خفت عليه لينقهر ويتاثر ،، اجگد حاولت انساه بس ماگدرت والله اموت عليه واعشقه عشق مجنون ومااتخيل يجي يوم اعيش من دونه حتى لو مالتقي بيه وبس نتراسل هو كل حياتي ..
دزينله اغنيه قاسم السلطان مشتاك انا لفد واحد ،،
رائد : هذه من اسافرين اخليها نغمه لمبايلي ...
نزلت دمعتي ... ياربي اذا هو هيجي يحبني ليش خلاني اروح لغيره
الايام الي انشغلت بيها انقطعت عن الاتصال بيه وجنت اقره مسجاته دائما يرسلي صوره ويشاركني يومه بكلشي وين ميروح اويكعد يصورلي كلشي ويكلي انتي عايشه بروحي .. واني نفس احساسه عايش هو بروحي واحس بيه بكل احاسيسه واعرف شكو بكلبه بدون ميحجي وشنو يتمنى وشنو يريد حتى من اريد انام اتخيل نفسي انام على ايده وبحضنه وانام واتعودت يوميه هيجي انام
اجه اليوم الي راح اسافر بيه بس هو ميعرف بقيت بهذي الليله اتراسل وياه وضع طبيعي ماوضحت اله بس اني لااكل ولانوم والي يشوفني ميعرفني حتى عيوني بعد مااشوف بيه بقيت اتراسل وياه لحد الفجر مثل كل يوم اذن الفجر ودعته وصليت وطلبت من ربي يحفظه ويسلمه من كل شر .. ورحت لغرفه بابا اودع غرفته وبجيت وطلعت صورته شوف بابا انته مويمي شنو صار بيه بابا الله يخليك تعال اخذني يمك شوف ماما وين وصلتني وشلعبت بحالي اخذت قميص والشماغ مال بابا وعطره المفضل لان اني محتفظه بيهن واخذت صورته وسجدت ودعيت على ماما وابن جيرانه حسبي الله ونعم الوكيل....
اجاني خالو محمد وشاف حالي كعد وكابلني ويبجي وياي وخلاني بحضنه واني اكول اله شوف شنو صار بحالي وين وصلت وبست ايده سعى : لاتخليني اروح منا مااكدر .. خالو : موسهله اعوفج انتي حبيبتي وصديقتي وبنتي وروحي بس انتي تعبتي وامج متخاف الله روحي بنتي شوفي حياتج وعيشي وراح تنسين كلشي ...
اني بذيج اللحظه احس انشليت بعد مااكدر امشي
سهى : ياربي ساعدني ،، احس بعد ماالي رجعه هنا واباوع لكل ركن اريد اشيل البيت بعيوني ودعت هدى وتقى وهنه يبجن اتخبلن ورايه ،،
اووووف يابيت ابويه ولوما خالو يسندني بيده ويمشيني اني مااكدر امشي ،،، طبعا الوالده الحنونه بهذه اللحظه ولاشفتها ولاودعتني .. امشي واباوع وينها وبيامكان اريد ابجي بحضنها بس ماكو طلعت ،، واتلكاني خالوا احمد الي هو راح يسافر ويانه وخلاني بحضنه ويبجي وياي وعلى حظي صعدني بلسياره واحس عبالك جنازه وراح تطلع وهمه يباوعولي خافوا يصير بيه شي طلعوو بسرعه واني احس وكانما انفاسي الاخيره لااله الاالله محمد رسول الله سكتت وبعد مااحجي ولاكلمه ،، اريد اتقبل الواقع مشينه واني بس دموع تنزل لاارادي وبعده مااعرف سبحان الله رحمته نمت تقريبا نص الطريق كعدت لكيت خالوا ربي يحفظه معدل نومتي بلسياره وخلاني انام نومه ارتاحيت بيها اول مكعدت وكف السياره وخلاني انزل وغسلت وارتاحيت وصعدنه بالسياره وجايبلي لفات واكل وعصاير ممخلي شي مجايبه الحمدلله على كل حال اكلت وارتاحيت ورجعت لملاكي افكر اشكد صرت بعيده عنه وخليت الهتفون باذاني واسمع اغنيه مشتاك انه لفد واحد ..
وصلت عمان وكلش تعبانه واحس كلبي يوجعني وكوه اتنفس دخلت لبيت خالوا واستقبلتني زوجته احسن استقبال بيت خالو موكبير خالوا عنده اطفال اثنين هدى وتيم تيم عمره خمس سنوات وهدى عمرها ثلاث سنوات عدهم بالبيت بس غرفتين بقيت اني بغرفه الاطفال على اساس اني ممطوله لان راح ازوج صار الليل ،، اجتي ام خطيبي وخواته يسلمون عليه وهمه فرحانين بيه واحمد هم اجه وياهم .. وبعدها راحوا .. اتصلت على رزان ..
رزان : الحمد لله على السلامه سهى ..
سهى : الله يسلمج ..
رزان : سهى اتصلي على رائد لان اتصل واني ماكدرت اضم عليه وكتله سافرت ...
طبعا اني وصيتها لرزان واكددت عليها متكول لان عرفت من يستفقدتي يتصل عليها ويسال عني .
سهى : وشگلج من گلتيله ؟؟؟
رزان : من كتله تركني وراح لان بعد ميتحمل كلش انقهر ...
سهى : حسيت بغصه ورحت وراسلته ،، وبدون شعور گتله ...هلووو حبيبي حياتي عمري انته .. لكيته حالته حاله .. وراساً عاتبني
رائد : سهى ليش مگلتيلي ..
سهى : عمري ماردت اقهرك ..
ولاحبيت اشوف دموعك صديقتي وصيتها متكول بس هي بيه صفه متعرف تكذب ولاتعرف ضم سر بقيت اتراسل وياه ومنقطعت عنه حياتي هو وعمري وروحي ..
فجأه كلبي كلش گام يوجعني..
خالو : سهى حبيبتي حضري روحج اوديج للدكتور ..
رحنه سوينه فحوصات وطلع عدي خفقان بالقلب .. هذا كله صار بيه مؤخراً لان قبلها مجنت احس بيه شي ... رجعنه للبيت جنت تعبانه .. اجه خطيبي مردت اطلع عليه ،، خالوا : ميصير عيب كومي سلمي عود گوليله تعبانه واستاذني ..
واني هم طلعت سلمت ماكو خمس دقايق استاذنت لان بصراحه مااطيقه ماعرف شلون رح نعيش سوه اليت واحد ...
مر اسبوع الي يم بيت خالوا اجتي ام خطيبي ابيت اخويه وعزمتني على العشاء يمهم وحددت يوم العرس الخميس .. اني فزيت اليوم الاثنين وباقي ٣ ايام للخميس .. گمت واني ماشوف گدامي دخلت للمطبخ ومااحس الا رجلي ازحلكت ووكعت ردت اكوم امشي مااكدر والالم موتني .. اجه خالوا وزوجته حاولوا يخلوني اوگف لكن مكدرت ،،
العصر شالني خالوا واخذني للدكتور ..
الطبيب : عدها كسر بالعظم ولازم تجبس و تنتبه عليها .. طلعنه من الطبيب ورجلي مجبسه رغم الالم لكن جنت فرحانه لان اتاجل العرس والفرحه مسايعتني اتصلت على ملاكي كتله رجلي انكسرت ..
رائد : سلامتج خو متوجعج ..
سهى : لا متوجعني هسه ..
رائد : يعني العرس راح راح يتاجل ؟؟؟
سهى : اي تاجل ..
ملاكي كام يضحك عليه واني هم اضحك على نفسي ..
انتبه خالو عليه داضحك ..
خالو : اشو ضحكين ؟؟ المفروض تبجين انتي يمكن بيج خبال ..
سمعته وكمت اضحك اكثر ..
وره 15 يوم رحت للدكتور ويه خالو .. الطبيب كال لخالو لازم تتجبس من جديد .. اني راساً ضحكت ..
خالووا : راح اوديج لمستشفى المجانين واني اضحك لان فرحانه رجعت للبيت ولازم مااتحرك وبقيت بس بالغرفه خطيه صديقتي رزان متركتني لحظه وحبيبي ونور عيني وحياتي هم متركني كل اشويه يسال عني يبقى للفجر يحجي ويايه ومخلاني احس بضوجه ابد كان يحجيلي نكات تخبل واضحك ، مرات كاعد يمي خالوا اذكرهن واضحك يباوع عليه خالو ويسالني اشبيج اكله لاماكو شي يكلي انتي مجنونه رسمي ...
عمري محبيت بس هالرجل مااعرف شنو سحره اموت عليه واعشقه بجنون بقينه نتراسل ونحجي والايام تمشي كنت انام وكل اشويه افز واباوع للساعه اريد الصبح بس يطلع حتى اصبح عليه واكتبله صباح الخير ياعمري وحبيبي وحياتي ونور عيني ويردلي يكلي بنت روحي اموت عليج طبعا ايام رمضان وقت الفطور ارسله صيام مقبول وافطار شهي يوميه اتعودت عليه والله العظيم التزمت بصلاه الفجر بسببه وقبل الفطور اتحضر للصلاه وارسله صيام مقبول وافطار شهي صارت حياتي كلش حلووه كنت اتمنى اكون اله وبقربه وكلشي مااريد بعد واشتاقيت اله كلش .. تمر الايام احس اكو شي ضامينه عليه لان من وصلت عمان خالوا اخذ مبايلي يومين يله نطانيا وسمعت ابن جيرانه الي خطبني ناتلته الكهرباء وكاصين ايده والله انقهرت عليه كلش بس هو كان سبب بتعاستي لان بسببه اتحملت من ماما انواع التعذيب .. بقيت فتره اني مماشيه على رجلي وماطالعه بره وباقيه بس بالبيت ،، احس اختنكت وروحي راح تطلع اجه خالوا وكلي امج مشتاقتلج وراح تجي حتى اشوفج ،، معقوله ماما تشتاقلي كلش فرحت وانتظرت وصولها على احر من الجمر رفعت الجبس من رجلي بس بقت ملفوفه باند ولازم ماامشي عليها هوايه قرب وقت جيت ماما وكالوا اليوم توصل واحس الوقت بطيء كلش وصلت ماما ونسيت حتى اذا رجلي توجعني ركضت الها مثل الطفله وصلت الها تفاجئت بيها كاعده على كرسي متحرك انصدمت واني اضرب على وجهي ماما اشبيج ليش هيجي ..
يتبع 🌹🌹🌹
