حب في زمن قل فيه الوفاء
البارت 2
بقلمي لينا♥️
سهى : ماستوعبت الي ديصير بابا يعني مات وبعد مااشوفه وجان غاضب عليه ؟؟ وكلها تلومني اني السبب ،، ليش ؟؟ هيجي صار بابا اني بنتك وتربيتك ماسوي هيجي شي وانزل راسك .. بابا فدوه لتعوفني .. حاولت استوعب شنو الي صار اني بريئه من اتهامات عمر شلون گدر عمر يخلي بابا يتهمني وجان غاضب عليه ويريد يگتلني شنو الي صار ياربي جنت منهاره ودموع الحيره والالم تتساقط من عيوني ..
اجه خالو شافني هيج ..
خالو بنتي حرام الي دسويه البجي ميرجع الي مات وهذا يومه والله مقدره ..
سهى : لا خالو بابا مات بسبب عمر ، عمر گتله ،، خالو رح اتخبل شلون بابا يصدگ عمر ، والله عمر كذاب يتهمني بالباطل والله ماعرف احد !! خالو ليش متصدگوني هو هيج گال حتى ميتحاسب على الي سواه بيه ، وماهمه هذا شرفي .. شلون بابا صدگه رح اتخبل ،،
خالو : بنتي كافي الي دسويه بنفسج ، وعمر گدر يخدع الكل عنده دليل والولد اعترف عنده علاقه وياج ..
سهى : شلوووووووون ؟؟ منووو هذا ؟؟؟
كذذذذب ،، هذا كذاااب ..
خالو : سهى ادري كذب اني مصدگج ويجي يوم واهلج يعرفون الحقيقه ماكو شي ينظم والظلم ميدوم ..
عمر : اني عمر ابن عم سهى اني حبيت سهى بنت عمي جانت حلوه كلش عجبتني وحاولت اتقرب منها اكثر من مره حتى تحس بمشاعري وحبي ولكن انصدمت بيها تنفر مني وجانت مو بس تكرهني لكن تشمئز مني وتعاملني بلا مبالاه اني مارضيتها على نفسي وتحول حبي الها الى رغبه بالانتقام حتى اكسر خشمها المتعالي عليه وحاولت المستحيل حتى ازوجها واذلها مثل ماذلتني وفعلاً صار الي اريده وعاملتها بقسوه جداً بقدر حبي الها ومعاناتي بسببها .. فديوم اتعاركنه وضربتها وهددتني تحجي لابوها وتشكيله مني ورادت تهرب بس وگعت وجان جرحها عميق وديتها للمستشفى وهناك ابوها عرف بسببي هي بالمستشفى هددني واني حتى اطلع من الموقف رحت لصديق الي يشتغل حداد ونطيته صور سهى ومبلغ مالي حتى يكول الكلام الي اريده .. وفعلاً راح ابو سهى يسال والولد ماانكر ،، عمي تعارك ويه الولد وراد يضربه بس صديقي انهزم منه ..
وصار الي خططتله عمي بعد الي صار اتاكد انه كلامي صحيح وجانت حالته كلش صعبه وهو يقفد ثقته ابنته الي مدلله وقطعه من گلبه لكن صار الي ماجان بالحسبان ماگدر عمي يتحمل وتوفى بالمستشفى ...
سهى : مر عشرين يوم على وفاه بابا واني القهر كتلني فراگ بابا ابد مو سهل واني اذكر كلماته الاخيره ونظراته اليه ، طول هاي الفتره جنت ابيت خالو كلها صارت ضدي وخاصه ماما وماعندي غير الدعاء جنت ادعي كل يوم الله ياخذ حقي منهم وينتقم من الي سوه بيه وتظهر الحقيقيه مرت الايام طويله عليه واني ماعندي غير بس رب العالمين اشكيله همي ... الا ان فد يوم اجه خالي محمد حضني وهو يبجي ومااعرف اشبيه.. رفع راسه وباوع عليه وكلي
خالو : سهى طلعت برائتج انتي بريئه ...
سهى : صدووووك خالو اشلون ؟؟
خالو : الولد الي شهد عليج هسه بالمستشفى طافره عليه الكوسره ودز على عمامج كلهم واعترف على عمر وكال الهم بتكم بريئه ولاشايفها ولااعرفها .. عمر هو نطاني افلوس
وگلي هيج احجي
سهى : بهذه اللحظه اني بجيت وحضنت خالوا ..
سهى : خالو الله يخليك اروحلك فدوه وديني لبابا اريد اگله بنتك بريئه ...
خالو خطيه صفن عليه ....وگلي
خالو : سهى بابا مات ...
سهى : اعرف خالو اريد اروح لقبره فدوه خالو وديني ازوره ..
خالو : صار وتدللين هسه اوديج ..
طلعنه والطريق كله ابجي وبس اريد اوصل احس الطريق كلش طويل اول منزلت كلش خايفه اول مره ادخل مقبره بس ميخالف بس اريد اوصل لقبر بابا وصلت راساً صحت بابا بنتك بريئه كوم بابا اخذ حقي لاتعوفني فدوه اروحلك اني مو بنت گلبك كوم عفيه بابا،، ونمت على قبره واتوسل بيه كنت احس راح يطلع ومن كل عقلي دانتضره .. اجه خالوا كلي خلي نطلع لان صار وقت المغرب اتوسلت بيه كتله خليني يم بابا كلي ميصير اخذني بالگوه وطلعنه .. والنار بگلبي ماطفت صح طلعت برائتي بس بابا ماموجود وميدري .. وصلنه لبيت خالوا لگيت اعمامي كلهم جاييين وينتضروني جنت كلش حاقده عليهم ...
سهى : الحمدلله طلعت بريئه بس لازم اخذ بثار بابا لان عمر هو الي كتله ..
گالو حقج والترديه يصير .. بس خالد قاطعهم ..
خالو : عمر اني اله وبس اشوفه دمه مهدور.. راحوا عمامي وهمه يحاولون يطيبون بخاطري ويگلون حقج ناخذه ..
ياحق هذا واني خسرت اعز شي بحياتي بابا حبيبي وسندي ونور عيني كلش احس نفسي مكسوره وحيده ،، رجعت لبيت اهلي واول ماوصلت اتلگتني ماما ...
ماما : ها ارتاحيتي موتي ابوج ..
اني بس اباوع اله وابجي واكول تعال بابا منو راح يحميني ويدافع عني مثل ماجنت تسوي دخلت لغرفتي واني حياتي دمار .. بقى خالو محمد يمي خطيه متركتي لحظه
وضعي كلش تعبان وماالي واهس بكلشي كان همي الوحيد اخذ بثار بابا اجه خالو محمد كعد يمي
خالو : اشلونج اليوم ؟؟
سهى : موزينه ونار بكلبي ومتنطفى ومااكدر انام ولااكل وكلشي موبعيني ..
خالو : لا هيج ميصير راح اطيج طريقه تخلصين من هذا كله ..
سهى باوعت عليه وبگلبي اگول ماكو شي يبرد گلبي ..
سهى : شلون ؟؟؟
خالو : اتوجهي الى الله وصلي واقري قران لبابا واترحميله .. رب العالمين هو الي ياخذ حقج وحق ابوج وميسكت على الظلم ..
سهى : حسيت كلامه صح راساً كمت واتوجهت لله بس احس دموعي نار ودا تجوي وجهي وبقيت اقره قران واسجدلله واطلب حقي وحق والدي بس ماكوا شي ،، بقيت 3اشهر واني ماأيست لحد مايوم الصبح كعدت من النوم على صوت مبايلي باوعت لكيته خالو
سهى : هلووو خالو ...
والله اسمع صوته يبجي ...
سهى : خالوا اشبيك خومابيك شي ؟؟
جان ميكدر يحجي مااعرف دموع الفرح لو فرحان .. لكن انصدمت من سمعته
خالو : عمر ضربته سياره وهسه بلمستشفى وحالته خطره ...
بجيت وبگلبي گلت : ربي الحمدلله اريده ميطلع منها ان شاءالله ..
بقيت اتبع اخباره عرفت انو يبقى عايش بس شلل رباعي الحمدلله رب العالمين اخذ حقي ...
مرت الايام والشهور مابيها اي طعم مجرد ايام وتعدي ..
بالسنويه مال بابا رحت للمقبره زرت بابا وبجيت .. بابا الله يرحمك برحمته بانور عيني ..
بطريق الرجعه خالوا كلي
خالو : حبيبتي سهى ليش مترجعين للدراسه ارجعي للمدرسه وكملي دراسه واني وياج رجعت للمدرسه وكملت اعداديه وكنت عايشه معاناه ويه ماما الي ماتنتهي .. ماما جباره وقاسيه وبعد وفاه بابا اشندت قساوتها جانت دائماً دگلي : انتي السبب بموت ابوج وجه الفكر ..
جنت عايشه تعذيب كانوا اخوالي 4 كلهم يحبوني ويبقون يحجون عليها.. عندي واحد من خوالي عايش بعمان . وخوالي كلهم امورهم الماديه كلش زينه ،، وحتى بابا حبيبي كانت اموره الماديه كلش زينه ،، عدنه بيت ومشتمل بغداد وعده معرض سيارات بالفلوجه وعده عماره هيكل بحي الجامعه ومحلات تجاريه بغداد المشتمل سجله باسمي لان حس هو ضلمني بزواجي من عمر ،،
