قٌانوُن الُِحٍبَ ★الجزء الثاني ★

° 5 °

*بسم الله*
.
.
.
.
.
.
.
.
.
.
.
.

∆الحلقة الخامسة∆

سمر تحكي...

كنت نغسل في لماعن حتى نحس بشكون مورايا لقيتو سيف عنقني وهدر

سيف: توحشتک

سمر: وانا تاني بصح بعد كاش واحد يشوفنا

سيف: راكي مرتيي

زاد زيرني عندو وقعد ساكت بسيف باش خلاني نكمل هاذ لماعن درت ليه قلبي يرجف وحدو ولكلمات بداو يروحو خزر فيا وتبسم

سيف: وشبيها عمري

سمر: حتى حاجة بصح حابة نحكيو

سيف: احكي

سمر: اسبقني لبيت ضوک شوي نجي

باس جبيني وراح طالع .. كملت مسحت لپوطاجي غلقت تاقة تع لكوزينة .. طلعت تابعاتو نخير فلكلمات نسيي كيفاه نجبدلو لموضوع خايفة بزاف

دخلت لبيت لقيتو مع تيليفون غير شافني طفاه وخبط بيدو في بونک ارواحي جنبي .. روحت قعدت جنبو حط يدو على رقبتي وعنقني جابدني ليه حطيت راسي عليه نحاول نربط لجمل لي عندي

سيف: وشبيک هاذ ليامات مكيش عاجبتني

طلعت راسي ليه قعد يخزر فيا يحاول يفهم
سمر: صح معدناش بزاف متزوجين ومنعرف علاه رجعت مقلقة وليت كل شهر غير نشوف اسكو رفدت علبالک شحال نحب ظراري مي كل خطرة يجي negative قلت بلاک مزال

طاحو دموعي مسحتهم وبعدت منو نضت رايحة لخزانة جبدت ليزناليز لي درتهم سمانة لي فاتت .. وليت ليه وريحت وين كنت مديتلو لورق حكمهم من يدي وفتحهم يقرا فيهم شفت كيفاه تشوكا وحسيتو يقرا ويعاود مشي مآمن

سمر: علبالي تشوكيت مي هاذي هي روحت درت ليزناليز ومحبيتش نقولک حبيت نحي شک مالغري في عايلتنا مكانش لي مجيبش مي انا يمكن ربي كتبلي .. محبيتش نبينلک قلت حتى نحس روحي تحسنت ونقولک

هبطت راسي فاحمة فلبكا كي شفت سكوتو ومنطق بحاجة لتم زدت .. حتى حسيتو مزيرني في حضنو ويهدر

سيف: علااش تبكي ضوكا

سمر: مدييرش بلي جاتک نورمال علبالي حاب نكونو اسرة ونجيبو دراري ..

سيف: وشكون قال لالا بصح منک

بعدت وهو مسحلي دموعي
سمر: سيف تعيش مش باش متكسرليش خاطري دير روحک متقبل لموضوع انا مراحش نحكمک تعاود حياتک وجيب ولاد باسكو مشي من حقي نقرر والله نتمنالک كل خير ..