قٌانوُن الُِحٍبَ ★الجزء الثاني ★

°7°

*بسم الله*
.
.
.
.
.
.
.
.
.
.
.

في مصر:

كملت دوش لبست وخرجت .. حوست بعينيها عليه مكاشو .. ريحت على لبونک حتى شافتو دخل في يدو لعشا حطهم على طابلة

ادم: ارواحي تتعشاي انا راني خارج عندي خدمة صغيرة ونرجع بلاک نطول

بتول: و نريح وحدي

ادم: واش راح يصرالک زعما ؟

بتول: تتمسخر يخي

ادم: منيش تع تمسخير خفي كولي و ارقدي

رمالها لهدرة وعاود خرج .. تنهدت كارهة وقتاه تخلاص سمانة ويولو باسكو كرهت .. رفدت تاكل اصلا كانت جيعانة .. لمت واش وسخت وراحت تكسلت على لبونک تخمم ..

بتول: زعما وين يكون راح ؟ يتلاقى مع كاش وحدة هاذي هي لخدمة؟ اوووه لالالالا مشي عقلية تع يخليني هنا وحدي اووف

عادت ناضت ورفدت تيليفونها تعيط ليارا .. شويا وريبونداتلها

يارا: اهلا اهلا تفكرتينا يا لالة

بتول: اففف متبداينيش

يارا: غير لخير وشبيک

بتول: ايماجيني تحسب مربي كاش حيوان جابلي لعشا وقالي عندي خدمة نخرج وبلاک نطول 😑 على واش راهو يحوس

يارا: نسقسيک !

بتول: سقسي

يارا: نتي و ادم كيفاه راهي relation تاعكم

بتول: يارا والله تعرفيني منخبيش عليک مي هو في شرق وانا في الغرب حاسة روحي ندمت و ندمت بزاااف هو مزالو في ماضي وانا راني ندور في حلقة مفرغة حابة نعرف كيفاه يخمم من جيهتي مي مقدرتش كل مانقول نسى مرتو وبلاک حا يبدى مي والو

يارا: كنت علبالي راح تعياي معاه معليش جربي نتي بلاک هو مزالو غالق هلى روحو نتي حاولي تصلحيعلاقتكم سينو مضيعيش حياتک ونتي هكا

بتول: ايه واش ندير

يارا: اسمعيني واش ديري ..

.....صباح

عند سيف ..

دخل لليرو ريح .. رفد تيليفون تع لبيرو يعيط لسيكريتار حتى رفد جا يهدر حتى سمع صوت مراة