*بسم الله*
.
.
.
.
.
.
.
.
.
.
.
.
قبل ساعات:
سمر تحكي :
فتحت لكتاب تع "الحب الضائع" تع لكاتب "طه حسين" كنت نقرا حتى طاحت عيني على وحد الجملة
" إِن مـِن الـخَير لـلعاشِقـين أن يفترقـَا بـين حِـين و حِـين ، ذَلـِگ أجْـدى عَلـى حُبهما وَ أحْـرى أنْ يُـجـدد مِـنه مـَا بلـيَّ وَ يـقَوي مِـنه مـَا ضعَـف "
تبسمت وغلقت لكتاب غمضت عينيا نخمم في حياتنا انا و سيف شفت في عينيه كيفاه حاب دراري بصح انا منقدرش هاذي مدة شفت طاطا صفية تسقسيني اسكو كاشما كاين ووالو مالغري زواجنا للضوک جاز عليه 7 شهور
نضت غسلت وجهي توضيت و صليت لعصر شفت ساعة وصلت ل 5 و سيف مزال ماجاش مالغري قالي ليوم يخدم نص نها باسكو عيا ما عليناش رفدت تيليفوني نحوز لوقت حتى شفت نميرو بصح پريفي!
خليتو صونا صونا بصح مرجعتش تكوبات لاپال وكملت نطلع فلانستا .. بصح عاود تقعدت في بلاصتي و ريبونديت قرنت حواجبي كي سمعت صوت راجل قالي "الو" جيت نكوبي حتى هدر
هو: متكوبييش انا فاعل خير
سمر: منقدرش نهدر معاک
هو: شوفي نجيبهالک من تالي تحبي امني تحبي لالا هاذ شي يرجع ليک بصح هاذي مدة ونتي راقدة على وذنيک راجلک طارو بيه
سمر: ک..ـيفاه
هو: كيماا سمعتي راه مع جارتي في دارها تحبي نبعتلک لادراس وشوفي بعينک
سمر: حسبتلک نآمنک .. ديجا نميرويا منين جبتو
هو: انا درت لي عليا ونتي دبري راسک .. نميرو ساهل عليا
ماجيت نريبوندي كان كوبا جيت نعاودلو حتى لقيت وصلني ميساج من نميروه ومكتوب لادراس
رجعت نرجف بكلي لعرق على جبهتي نلهث تحسب كنت نجري مشي نسمع في هدرة لي قلت جامي نسمعها
نضت بزربة لبست حيجاب وخيمار رفدت تيليفوني وهبطت نجري .. سمعت نور تعيطلي مي هذيک دقيقة مكونتش في مود تع ندور ونجاوبها المهم نخرج و نوصل ونكذب كلامو ..سيف ميديرهاش بيا .. ميخونييـش !
وصلت لطريق لكبيرة ونحوس على طاكسي حتى حبس طلعت مديتلو لادراس شفت حواجبو تقرنو
أنت تقرأ
قٌانوُن الُِحٍبَ ★الجزء الثاني ★
Romantikاحمممممم .. عدت والعودة اعظم .. كيما وعدتكم بالجزءالثاني وجيت بيه .. مراحش يكون مختلف بزاف على الجزء الاول ومشي طويل بزاف مي بووون .. راح نكملو كحكايات ونتعلمو عبر جدد نفهمو المجتمع وطبيعة الناس لي تحبلک لخير وشر .. صداقة الحب وكلش .. نتمنى يعجبكم...
