"ခွေးရူး ခွေးရူး"
"ဟင်"
စျေးကအပြန်မှာ ကိုယ့်ခွေးလေးကိုကြိုးနဲ့ဆွဲ၍ အေးအေး
ဆေးဆေးလမ်းလျောက်လာတုန်း အော်သံတွေစီခနဲထွက်လာ
သဖြင့် ရိပေါ် ထိတ်ထိတ်ပျာပျာဖြစ်သွားမိ၏။
ဘယ်မှာလဲခွေး ဟိုဒီလှည့်ပတ်ရှာကာ ထွက်ပဲပြေးလိုက်ရမလား၊ဒါမှမဟုတ် ကိုယ့်ခွေးလေးကို ကိုယ်ပိုက်ပြီး ရင်ဆိုင်
လိုက်ရမလား။လှည့်ပတ်ကြည့်လိုက်ပေမဲ့လည်း ခွေးရူးဆိုတာ
ကို ဘယ်မှမတွေ့။
"ဟိုကောင်လေး ရပ်မနေနဲ့ပြေးလေ ဟာ..ဟိုဘက်မှာ..ဟိုမှာ
လာပြီ"
"f**k"
ရိပေါ် မြင်လိုက်ပါပြီ။အုန်းခွံရောင်နီကျင့်ကျင့်အမွှေးရှိပြီး
ဒေါက်တော်တော်မြင့်မားလှသည့် ခွေးကြီး။နားရွက်ကြီးတွေ
ကလည်း အုပ်ကျပြီး မျက်လုံးတွေကိုတောင်ဖုံးနေသလိုပင်။
သွားရည်တမြားမြားကျနေသည့် လျှာတစ်လစ်ကပါးစပ်ကနေတည့်တည့်မကျဘဲ ဘေးအံသွားတွေဘက်ကနေထွက်ကျ
နေသည်မို့ မြင်လိုက်တာနဲ့ခွေးရူးမှန်းသိသာတယ်။
ဘယ်လောက်ပဲ လျင်ပါတယ်၊ထက်ပါတယ်ဆိုဆို မျက်စိရှေ့
ရုတ်တရက်ရောက်လာတဲ့ ခွေးရူးကြီးကြောင့် ရိပေါ်မျက်လုံး
တွေ ပြာသွားတယ်။
ရိပေါ် ကြိုးလေးနဲ့ဆွဲလာသည်က အိမ်အလှမွေးပိုမာရိန်းနီးယားခွေးစုတ်ဖွားဖြစ်သည်။ခုချိန်မှာသာ ဒီခွေးကြီးကိုက်
မည်ဆိုလျှင် လူကိုဖြစ်ဖြစ်၊ခွေးကိုဖြစ်ဖြစ်တစ်ချက်စာပဲ
ရှိလိမ့်မည်။
ခွေးကြီးကပါးစပ်ကြီးဖွင့်၍ ပြေးလာတာ တဟဲဟဲအသံထွက်
နေတယ်။ရိပေါ်လည်း ဘာလုပ်ရမှန်းမသိတော့တာနဲ့ကိုယ့်ခွေး
လေး ကိုယ်ကောက်ချီပစ်လိုက်တယ်။
မတတ်နိုင်တော့ပါ။ပြေးလည်းမလွတ်လောက်တော့တာ
ကြောင့်အသက်ကို ဝဝရှုပြီး တဟဲဟဲပြေးလာသည့်ခွေးကြီး
ကို ဒီအတိုင်း ရပ်စောင့်နေလိုက်တော့သည်။
"ခွေးဟ..ထွက်ရိုက်လိုက်ကြစမ်းပါ"
"ဟိုကောင်လေး..ပြေးလေ..ပြေး"
အော်သံတွေတိကနဲ တိတ်သွားပြီးတော့ စုပြုံအော်လာကြပြန်
တယ်။ထိုအချိန် ဘေးလမ်းကြားလေးကနေ စက်ဘီးတစ်စီး
ဘွားခနဲ ထွက်လာ၏။
YOU ARE READING
You,Me And He
FanfictionZhanyi(myanmar fic) သဘောကျခဲ့ဖူးတဲ့ ဝတ္ထုလေးတစ်ခုအား မှီငြမ်းထားပါသည်။
