عشك سني

بارت6

رقيه،اسمعيني انتي مالج دخل بحياتي فاهمه وين اكعد وين اروح بكيفي فاهمه وحسن ترا يدري اني كاعده يمهم
استغربت حسن لو صدك يدري يجي يسحلهه من شعفتهه
زهره،تضحكين علي شنو حسن لو يدري يموتج
رقيه،هههههههه حسن يحب شمس وهو وياها علئ علاقه ماتدرين خطيه
زهره،شنو هالحجي منين اجوا علئ علاقه ها يمته عرفهه وهو غير مزوج شون يخون زوجته ها
رقيه،معليج بيه فاهمه واذا هوه رجال لو يحجي وي عشره عادي ماشي
زهره،شبيج رقيه اني زهره صديقتج ليش هيج صايره مو انتي متغيره انتي بنفسج عاركتي شمس لين تمشي وي ولد انتي شبيج
رقيه،معليج بكيفي ماريد اصير انسانه نفسج واستحي من كلشيء ويعيروني اريد اكون بكيفي شسوي محد يحاجيني فاهمه
عافتني ومشت وخلتني بحيرتي كعدت ابجي ليش هيج تحجي اني احبهه والله
سرئ بصدمه،زوزه يروحي لتهتميلها فتره ووتعدل معليج بيهه هسه تعقل شمس لاعبه بعقلها بس تفهم تجي تترجاج تسامحينهه
زهره،صدك تجي تريد تحاجيني والله اني متعوده عليهه ليش ماتقبل نبقه سوه اصلا هيه تكره شمس لين تحجي وي ولد ولبسهه مدري شونه
سرئ،ختولي يلا كومي غسلي وعوفيهه تولي ماشي حبيبتي كتلج هيه تجي تحاجيج
زهره،اي كايمه
رحنا للمغاسل غسلت وجهي طلعت شفت نسيم قريب ع المغاسل شعنده هنا مغاسل للبنات هاي شعلي بيه عفناه ورحنا للمحاضره لنص ساعه يلا اجن شمس ورقيه ونسيم والولد طبوا بدون ميستأذنون والغريب الدكتور محجه وياهم شيء عادي بين استغربنا اني وسرئ كلشيء مفهمنا مر الوكت ورقيه كله وي شلتها الجديده وماتحاجيني واني انقهر من اشوفها وياهم وماتريدني بس شسويلهه صارت خبله مر الوقت رجعنا للقسم سجلنا دخولنا ورحنا سبحت سرئ واني وراهه ونوب صلينا وتغدينا قريت دروسي وقرآن شوي وادعيه دعيت ربي يهدي رقيه وترجع مثل ماجانت لين صارت مخبله كلش حتئ رجعت لذيج الغرفه ضجت وبجيت وضليت كل ماشوفهه هيج ابجي وصدك حسن طلع يعرف ومايحجي وي رقيه شيء ودائما اشوف شمس ياخذ حسن ويطلعون من جامعه ومرات الشله مالهم كلها تطلع بس نسيم ولا يمشي وياهم لازك وين ماروح الكاه كبالي احس مصمغينه كبالي اروح للمكتبه كبالي اروح للكافتيريا الكاه اروح للمخاضره الكاه كبالي اطلع لمراجعتي. للدكتور العيون الكاه كدامي اروح لبيتنا الكاه كبالي
مليت من هاي الحاله واستحي احاجيه احس انوا خاينه ثقه بابا معلي بيه وين ميروح قابل الشارع بس الي
رقيه ضلت علئ سوالفهه
قربت فتره الامتحانات واشوفها مامهتمه بس ادري تنجح مثل الشهريات تنجح بدون متمتحن درجاتي زينه بالشهريات ناجحه اليوم اول امتحان وخايفه احس روحي حأتخربط اله شوي هههه هاي عاتي بكل امتحان صار وكت دخولنا للقاعه واقره ادعيه والفاتحه لأم البنين ولأهل البيت اقره ورجع ليورا الئ ان وزعوا الأسئله نسيم وراي كاعد رغم هيه كعدتنا ع تسلسل الاحرف شجابه وراي مهتميت كعدت احل وبسؤال الخامس بندت اريد احل مكو وهنه سبع اسئله لازم احل 6 اباوع اعرف بعد حل بس سؤال يعني يصيرن مجاوبه بس5 تعبت احس نفسي ح ابجي اريد درجه زينه ارفع راس اهلي بيهه ليش نسيت الجواب وجنت اذكره ليش طاحت دمعتي وسبقنهه اللي وراهه اجت الدكتوره تسئلني شبيه
دكتوره،شبيج ماما زهره متوجعه شنو
زهره،اهئ دكتوره نسيت جواب السؤال
الدكتوره، اي حبيبتي عندج ثنين غيره
زهره،اهئ معرف جواب بس واحد اهئ
الدكتوره،لاتبجين حبيبتي فكري زين بلكي تذكرين الجواب
زهره،اهئ ماشي
ضليت ابجي الئ ان مر الوقت واني بعدني ممذكره حليت السؤال اللي اعرفه وطلعت عندي سؤال ممجاوبته وسؤال ترك هو من الاداره طلعت للكافتيريا واني ابجي خليت وتصلت علئ بابا
ابو زهره،ياا بويه شبيج تبجين
زهره،اهئ بابا مجاوبت سؤال بالامتحان نسيته والله مو بقصدي
ابوزهره،عادي حبيبتي لاتبجين هو سؤال تعوضين بالدرس الجاي لاتبجين يلا سكتي تذكرين من جنتي تبجين شجنت اكلج
زهره،هههههه اي اذكر
ابو زهره،منو حبيبه ابوها
زهره،انا
منور رويحه بوها
زهره،انا رويحته
ابو زهره،وبعد
زهره وحبيبته وعمره وروحه وكلبه احبك باباتي
ابو زهره،يابعد ابوج يابويه لاتبجين خوش خبيبه بدرس جاي عوضي
زهره،اي بابا وسلملي ع اليمك خوش صار هواي مشايفتهم
ابوزهره،نشاءالله
وبت عمج شونها
زهره،مادري بويه كل محاجيها ماتحاجيني وعفتها كلت من تعقل اخاجيها هسه كلش ساده عيونها واذاناتها ماتفهملي كلت لعمو لين حسن طلع يحب شمس ومايقبل نحاجيها لعبت شمس بيهم لعب
ابو زهره،حسبي الله بهألشمس عوفيها بويه ختولي شنسويلها الله كريم وعمج لو يدري غير يموت وبت عمج يكد احاجيها ماترد علي اخر شيء لكيتها خاضرتني
زهره،يمه شبيهه ولا تستخي صارت
ابو زهره، اي بويه خربت البت روحي راجعي دروسج ناريد الهيج وها اكلي زين وشربي عصير
زهره،خوش بابا
بو زهره،وسلميلي عل سراوي نوش بت وماعافتج وكفت وياج بوكت بت عمج لازم وياج
زهره،لاتهتم بابا لتضوج يلا باي وسرئ تسلم عليك باي
سديت خط وي بابا ورحنا للقسم دخلنا سوينا الروتين اليومي ورحنا نمنا شوي لين باجر استراحه امتحانات بين يوم ويوم كعدت ب5عصر ككلت شوي ورحت اقره صارت ب6،40 دقيقه صليت واديت فرضي تعشينا ورجعت ادرس نمت ب1بليل وكعت ب5وضليت اراجع من جديد بس كلما اتذكر السؤال واني مجاوبته بودي ابجي واكض روحي 😂😭😭
مر اليوم نفس كل يوم اديت فروضي واكلت وقريت نمت ب10 بليل وكعدت ب5صليت وسويت ريوك تريكت وسويت للبنات وضميته راجعت دروسي وب7:09سبحت ولبست ملابسي لكيت البنات هم مكملا طلعنا للجامعه ب8دخلنا للقاعه وبده الامتحان جانت الاسئله اسهل من المي كلش سهله جاوبتهن وطلعت اول وحده والفرحه مسايعتني احس نفسي فوك الغيم ههههه شوي طلعت سرئ ضايجه وعاكده حواجبهه
زهره،شبيج سراوي ليش ضايجه
سرئ،الاسئله صعبه ومحليت زين
زهره،كولي غيرها غير سهله شوفي الاسئله سهله
سرئ،هاي شنو
زهره،شنو
سرئ، هاي مو نفس اسئلتي
زهره،شجاي تكولين
سرئ،اي والله شوفي اسئلتي
باوعت للأسئله طلعن مو نفس بعض ليش هيج مختلفات معرف استغربنا رحنا للعميد
اني محجيت استحي حاجته سرئ
سرئ،دق دق دق
العميد، تفضل
سرئ،سلام عليكم
العميد،وعليكم السلام بيج شيء بابا زهره
كلت ليش حاجاني هيه سرئ حاجته مو اني بس مهتميت كلت يجوز لين بابا موصيه علي ويدري مريضه
هزيت راسي بلا مبيه شيء
سرئ،بس عدنا استفسار اذا متصير زحمه
العميد،شنو بابا
سرئ،الاسئله مال امتحان تختلف عن اسئله زهره
اباوعله توتر وكام ينكط 🙄عرك هههه
العنيد،اي بابا سوينا نسختين لكل شعبه اسئله بس يجوز صارت خربطه واخذت زهره وحده منهن عادي هنه كلهن نفس الماده تكدرن طلعن بره
سرئ،بس
العميد،بره كلت
اول مطلعنا صار نسيم بوجهنا ومبين عصبي دنكت راسي بسرعه ومريت من يمه اباوعله غمض عيونه شبيه هذه معلي رجعت للقسم قريت دروسي وكلت وسبحت اديت فرضي صار وقت صلاء قريت قرآن وادعيه ونمت شوي وهم هيج مرت الايام وتطلعلي اسئله مختلفه وكم مره نحاجي العميد يكول هيه هاي اسئله ونفس السبب عفنا الموضوع بس من حاجينه مره ثانيه لكينا كوه يحجي ووعينه وارمه مدري منو ضاربه مدري مسوي خادث

في مكان اخر، &&&&&&
بابا شلون يعني يضل بهوسه هيج ميصير البنت مراح يقبلون يزوجونهه اله
الأب،يعني بأيدي ابني طلع من حلك ااموت وروحه صارت بيهه شتريد اسوي مثلا عوفه هو شيسوي يسوي خليه روحه بيها هيه اله ومتروح لغيره
بابا شتحجي انت اني صاحبت اخوانهه وولد عمهه علموده بس عرفت ميقبلون ينكون بنتهم لغير مذهب متخلفين

الاب،لتحجي عليهم تدري يحبهم لحبها اذا سمعك خاجي عليهم تذكر اخر مره شسوه اخذ مرتك منك شهر الئ ان كتله اجيبلك اخبار عنهه وعن اخوانهه يلا عافك وجاب مرتك الك
ادري بابا ومعاجبني وضعه هيج يصير باخوي وانت وماما وياه لازم نوكفه عند حده لايضل مهووس بيهه نفترض اجت يمه وزوجهه شراح يسوي بيهه ها راح يعذبهه من غيرته هسه هيه بعيده عنه ب100متر ومخلي الكل بعيد عنها حتئ بنت عمها بعدها من يمها لين تمشي وياها وتحبها
الاب،كلت معليك باخوك وكمل شغلك ماشي يلا السبع انت شسويت بينا لين منطوك رفيف ها مو انت شهر شارد لتركيا قنعنا ابوها يزوجكياها بالويل منو قنعه ها كلي منو
اي صح قنعه ن

بارت طويل 1240 كلمه راح كل سبت بارت انزل تنزيل اسبوعي والبارت حيكون كل اسبوع 1000كلمه او اكثر