Dil e Nashad

chapter 3

Aj hospital ko join keya hove dusra din tha aaima phele din se hi masruf ho gai thi or Zaviyar bi. Luckly in dono ko day shift hi mili thi.

Ab raat k 9 baj rahy thy . Aaima ki gaari kharab ho gai thi . Jis k waja sy Zaviyar ny aaima ko us ky ghar tak lift di thi . Wo dono ab aaima k ghar k bhair thy .

"Chalo thek hy allah hafiz . Or .. kaal suba ma aa jau ga lyny okk. Ready rhena ."

" Nhi nhi koi zarurat nhi hy . "

"Kiu .. kiu zarurat nhi hy ma friend hu tumhra ma ly jau ga na or wasy .."

"Ollu baat to sun lo mari puri . "

"Acha sunao ."

"Many kal ki leave li he ."

" Kiun..??."

Zaviyar bhot heran hova tha . Kiun ke Aaima ka kal 3rd day tha or us ne starting main hi leave le li thi.Is baat ki waja sy aaima be tension main thi magar wo kia kar sakti thi .

"Aaima kal 3rd day hy agar tum ny kal hi chotti kar li to tumhara kia impression pare ga . Or asi b kia important bat hy jis ki waja sy tumhy kal chotti karni hy ?? ."

Aaima or Zaviyar ki in 2 dino main kafi achi dosti ho gai thi.

"Ma be janti hu k impression acha nhi daly ga magar ma apne chachu ko mana nahi kar sakti thi . Wo darasal mari cnz ka nikka he friday ko to kal shopping pe bhej rahe hein chachu mujy . Ma mana hi nhi kar saki unko.or abi to bach gai hun kiun ke chachu ne to monday ko jane ke leye kaha tha ,wo to Arhan ko kuch kaam tha jis waja sy tab nhi gai , ab to phir bi 2 din ho gay hain ."

Aaima ab Zaviyar ki batao ki waja sy or tension main aai thi .

"Acha tum tension mat lo . Mere pass ak idea hy . Tum kal ka half day kar ly na or us main apna kaam pura kar ly na or jo thory cases rhe jay gy ma unko dhek lu ga . Kiun kasa laga mera idea?? ."

"Thanku ..thanku sooo much!! ."

Aaima ki to tension jasy Zaviyar ny do min main gaib kar di thi .

"Acha bye ."

Zaviyar ab dubra gari start karny laga tha jab aaima ny zid ki thi k wo aj ka khana us k ghar par khay . Zaviyar ny bhot mana keya tha magar aaima ny uski ak nhi suni or zabardasti usko andar ly aai thi .

Darwaza amna ny khola tha .

"Assalmu alikum amna anti ."

"Walaikum asalam beta . "

Amna ny salam ka jawab dy kar apni nazry Zaviyar par dali thien .

"Aaary ye mara dost hy . Zaviyar ya humari housekeeper k sat sat humari family ka hisa b hain amna anti . "

"Assalmu alikum amna anti... "

"Walaikum asalam . Aoo beta ao andar ao ."

"Aaima aj phir late ho gai ho kab ka khana bana hova he ab too..."

Zainab dinning table sy aaima ki awaz sun kar darwazy ki tarf ai thi or tab he aaima k saat khary Zaviyar ko dheka . Amna or zainab k leya ya bhot bhari bat thi . Aaima kabi apny friend ko ghar nhi lati thi balke ye kehna bi theek ho ga ke wo dost nhi banati thi. Uski ak hi  best friend thi uski khala ki beti or ab Zaviyar . Asa nhi tha ke usy dost bana acha nhi lagata tha ya wo banana nhi chati thi , magar kia karti mazi ki thalk bataon , sachai sy darti thi .
Zainab ny Zaviyar ko andar aany ka kaha tha . Or ab wo charo andar ja rahe thy .
Tab he Zaviyar ny us bhare sy ghar py ak nazar daali thi . Usy aaima ko dhek kar kabi nhi laga tha k wo itni amir family sy belong karti ho gi. Aaima ki sadgi ko dhek kar koi nhi jaan sakta tha .