رواية زواج إجباري + 18

البارت 5️⃣

فارس بهدوء غريب جداً : انا موافق اتزوج .
صوت المعلقه اللي طاحت من يد صقر اهي الصوت الوحيد اللي صار موجود بالمكان .
صقر : هااا ؟ .
فارس بلع ريقه : انا موافق اتزوج اللي انت تبيه و ابي خطوبتي تصير هالخميس اذا ممكن .. عن اذنكم .
تركهم و راح غرفته .
نايف طالعهم : اهو قال انه موافق على الزواج و يبي الخطوبه هالخميس ولا انا سمعي فيه شيء ؟ .
فهد : لا فارس شكله فيه شيء هذا مو فارس .
عصام و صقر للحين بصدمه و لا واحد فيهم نطق بشيء من الصدمه .

——————————————————————————-

بعد الغداء صقر للحين سرحان يفكر بكلام فارس هل صح او غلط .
قاطعه زوجه عصام لمن جلس جنبه و حط قدامه كوب القهوه .
انتبه عصام ان زوجه للحين سرحان و مو حوله ، مد يده و حطها على يد صقر و همس : حبيبي .
صقر انتبه له و ابتسم بخفيف بوجه .
عصام مسح على يده و كمل همس : شفيك ؟ ، سرحان بشنو ؟ .
صقر تنهد و تكلم : افكر باللي صار من اشوي ، مادري فارس صادق بكلامه و لا قاله لانه خايف مني ولا عنده سبب ثاني .
عصام : انا نفسك احس فارس ما سواها من نفسه فيه شيء خلاه يسويها .
صقر : هل تتوقع تركه حبيبه ؟ .
عصام : لا ما اتوقع ، فارس متعلق فيه بشكل كبير و شفت شنو سوى لمن رفضته انت ، اشلون بيتخلى عنه بسهوله .
حل صمت بينهم لفترة قاطعه جيت عيالهم فهد و نايف و جلسوا كل واحد جنب اب ، نايف جنب عصام و فهد جنب صقر .
نايف : يبه الحين شنو بيصير ؟ .
صقر : بشنو ؟ .
فهد : بقرار فارس اللي من اشوي ، بتخطبون له صج ؟ .
صقر : انا ماني عارف شسوي ، قرار فارس صدمني خلاني عاجز ، شورو علي ، شنو اسوي ؟ .
نايف : انا من رايي دامه وافق و انت من قبل تبي هالشيء و دام سلمكم الموضوع خلاص خطبوا له من ذوقكم .
فهد : انا مع نايف على الاقل حصلتوا الموافقه منه و دامه مستعجل و يبيه باسرع وقت خلاص توكلوا على الله .
صقر طالع عياله و زوجه : وبالله فجأه يجي يقول هونت ، ساعتها شنو نسوي نتفشل مع الناس ؟ .
عصام : لا انا اعرف فروسي ما يسوي هالتصرفات اهو انسان عاقل و يعرف يتصرف مو طفل عشان يسويها .
نايف : يلا يبه لا تتردد .
فهد : خل نخلص الموضوع و نفتك من فارس و سوالفه .
صقر : خلاص اللي تشوفونه .
الكل ابتسم بفرحه .
صقر : عصوم هذا عاد تخصصك شوف له زوج يناسبه .
فهد : و ليش نروح بعيد موجود الولد .
عصام : منو قصدك ؟ .
فهد : خالد ولد خال نصور .
نايف : اللي رحنا حفل عيد ميلاده ؟ .
فهد يهز راسه بثقه : بالضبط .
صقر : والله مو شين ، شرايك عصوم ؟ .
عصام يفكر : امم قلت لي ولد خال ناصر ها ؟ .
فهد باستغراب : اي .

——————————————————————————-

عصام : اقول نصوري .
ناصر : هلا عمي ، آمر ؟ .
عصام : ما يأمر عليك ظالم ، تقدر تعطيني رقم خالك طلال .
ناصر باستغراب : اي عادي ، بس ليش ؟ .
عصام سحب اذنه بخفيف : بطل لقافه يا الملقوف عطني اياه و انت ساكت .
ناصر بألم : اهه اههه عمي خلاص اسف اسف ، توبه والله توبه ما بسأل .
عصار تركه : اي تأدب ويلا عطني الرقم .
ناصر و اهو يفرك اذنه و مد شفته بزعل : احح عورتني ، هاك .
عصام اخذ الجوال حق ناصر و بدأ ينقل الرقم بهدوء .