عصام : فارس الى متى هالاستهتار .. متى تعقل مثل اخوانك و تستقر وتفتح بيتك وتتزوج .
فارس : قريب يبه عصام وعد قريب .
عصام بابتسامه : عيل دام قريب بدور لك انا زوج يناسبك وحلو .
فارس وقف وبعصبيه و صرخ : لاااااا .
الكل طالع فيه بصدمه .
فارس : رجاءاً لا احد يتدخل بحياتي الخاصه .. انا قلت قريب ما قلت موافق اني اتزوج متى ما قلت ابي قولوا بدور لك .. بعدين انا اذا ابي اتزوج بتزوج من اختياري انا شخص احبه ويحبني مابي زواجكم التقليدي و خاصه ذوقكم ذوق الشياب .
تركهم وطلع فوق .
عصام انصدم من كلام ولده و دمعت عينه .
صقر عصب وقام بيلحق فارس مسكه عصام وجلسه وهز راسه بمعنى لا لا تروح .
فهد وناصر تبادلوا نظرات الصدمه .
عصام ما قدر يمسك دموعه و قام بسرعه وتوجه لغرفه .
صقر وقف و بعصبيه نطق : فهد روح حق الزفت اخوك قسم عظم ان ما جاء يعتذر من ابوك عصام لا اوريه النون وما يعلمون تفهم ؟ .
فهد هز راسه : ان شاء الله يبه ما يصير خاطر الا طيب .. بس تكفى خلني اتطمن على ابوي عصام بعدها اروح له .
صقر هدأ اشوي و تكلم بعد ما تنهد : لا روح لاخوك انا بشوف ابوك .
فهد هز راسه وقام من مكانه مع ناصر وتوجهوا لفوق .
صقر تنهد بهم وراح لغرفته مع عصام .
———————————————————————————
فارس قاعد على سريره ويتنهد انفتح باب غرفته بسرعه وبعصبيه نقز من مكانه يحسبه ابوه صقر .
فهد واهو يخزه وبنبره عصبيه : اشوفك خفت لمن دخلت عليك .
فارس تنهد وعدل جلسته : افكرك ابوي صقر .
فهد سكر الباب و جاء جلس قدامه : يعني تدري انك غلطان و ان ابوي صقر ما بيعديها لك .
فارس هز راسه بتردد .
فهد تنفس بعمق يحاول يتمالك اعصابه وهمس بهدوء : ليش تصرفت هالتصرف ؟ .. كل هذا عشانه ؟ .
فارس : شسوي فهد من كلامهم فجاة جاء ببالي اني بتزوج واحد غيره .. انا احبه اهو .. و ( نزل راسه و همس بهدوء ) مادري اشلون طلع مني الكلام لا شعورياً .
فهد : ضايقت ابوي عصام منك وخليته يزعل .
فارس : مو قصدي .
فهد : فارس انت كبير كفايه تعرف شنو الفرق بين الصح و الغلط و بين شنو اللي قصدك فيه و اللي مو قصدك فيه .
وقف فهد جنب الباب بيطلع و لف على فارس .
فهد : بنصحك نصيحه كاخوك الكبير .. الحب اللي يخسرك اهلك ما يستحق انه يبقى بقلبك .. عن اذنك .
تركه وطلع من غرفته .. و فارس انسدح على سريره يفكر بكلام فهد وباللي صار تحت .
———————————————————————————
عصام جالس على السرير و ضام رجوله لصدره وصوت شهقاته تعبي الغرفه .
صقر قعد يمه ويمسح على راسه وبحنان : حبيبي عصام .
عصام لا رد فقط صوت شهقاته تطلع .
صقر بحنان اكثر : قلبي انت بس كفايه لا تنزل دموعك والله تعور قلبي في هالدموع .
عصام من وسط شهقاته : قلبي يعورني .
صقر مسكه وسحبه لحضنه : ما عاش من يعور قلبك يا قلبي انت اسم الله عليك من العوار .
عصام تعلق فيه و كمل البكي بحضنه .
صقر يمسح على راسه ويبوسه لين هدأ شوي .
عصام بعد ما هدأ بعد عن حضن صقر ومسح دموعه .
صقر ابتسم : يمه فديت البيبي انا .
عصام ابتسم بخفيف .
صقر : ايي حبيبي اضحك فديت هالضحكه .
عصام بشرود و بصوت مبحوح اثر البكي : صقر .
صقر : همم حبيبي .
عصام : فارس يكرهني صح ؟ .
صقر انصدم من كلامه : لا ما يكرهك منو قال هالكلام .
عصام نزل راسه يطالع اصابع يده : تصرفاته .. طريقه كلامه معاي .. كل شيء كل شيء تغير مو نفس قبل .
صقر باستغراب : نفس قبل ! .
عصام هز راسه بمعنى اي : مو نفس لمن كان صغير .. كل شيء تغير من اول ما دخل المدرسه وعرف القرار الغبي اللي كنت بسويه .
صقر مد يده ويمسح على راس عصام : حبيبي ليش تتذكر الماضي الحين ؟ .
عصام بانفعال وقف وصرخ و دموعه تطيح بروحه : لان فارس كارهني من ذاك اليوم لمن عرف اني اول ما عرفت اني حامل فيه كنت بجهضه .
صقر وقف : عصام اهدأ .
عصام : ما راح اهدأ هذي الحقيقه .. فارس يكرهني لمن عرف اني ما كنت ارغب فيه .. اني ما خططت لجيته مثل اخوانه لذلك فكرت اني اجهضه .
صقر : عصا .
عصام قاطعه و تكلم بحرقه : يا ريت يرجع فيني الزمن صقر .. جان والله غرست بنفسي مليون سكين ومت ولا فكرت اني اجهض قطعه من قلبي و اخليه يكرهني لمن يكبر .
صقر قرب وسحبه بحضنه واهو يحس بالم كبير واهو يسمع شهقات زوجه تعلى كل اشوي .
أنت تقرأ
رواية زواج إجباري + 18
Genç Kurguيبيني انا ؟ شمعنى ؟ . انت متى بتصير شخص عاقل الى متى هالتهور اللي انت فيه . ماني طايق اشوف وجهه ابيه يختفي من حياتي . ليتني ما تزوجته . خلاص طلقه وتزوجني انا . يبه انا مو طفل تجبرني اتزوج شخص ما احبه . اختار واحد من الاثنين يا تعامله كزوج لك و تعط...
