رواية زواج إجباري + 18

البارت 7️⃣

( مر الاسبوع بسرعه و جاء الخميس يوم الملكه )

( ببيت صقر )

الكل متجهز منتظر فارس ينزل عشان يروحون باقي ساعه على موعد حضورهم .
فارس نزل بتردد و نطق : يبه صقر .
صقر ابتسم له : هاه يبه جاهز عشان نروح لا نتاخر .
فارس بتردد و بتلعثم و خوف : يبه ... انا .... مابي اتزوج .
الكل اختفت ابتسامته من الصدمه .
صقر ضحك من الصدمه و نطق : هاه ؟ .
فارس بلع ريقه : انا غيرت رأيي مابي اتزوج و ماني رايح للملكه .
فهد بعصبيه : تستهبل انت ؟ .
عصام : لعب اطفال اهو .
صقر بهدوء : بطل مزح يا فارس و روح البس كلنا ننتظر يلا تاخرنا على الناس فشله .
فارس : يبه انا ما امزح .
هدوء عم المكان من الصدمه .
فارس كمل و اهو يشتت نظراته : انا فكرت عدل خلال هالفتره لقيت اني ماني مستعد للزواج و مابي اوقف نصيب الولد لذلك احسن حل قبل لا يصير اي شيء بينا ننهي الموضوع بسلام .
عصام بصدمه : انت جنيت ؟ .
فهد : فارس شفيك انت واعي شنو تقول ؟ .
فارس نزل من الدرج : ما جنيت انا عقلت و وواعي كل الوعي على اللي اقوله .
صقر بهدوء و ضحكة : لحظه خل استوعب الموضوع .
صقر ضحك و راح قرب من فارس و للحين على وجه ابتسامه : الحين انت تطلب مني اكلم الناس اللي رايحين لهم و خلال ساعه بتم الملكه تبي نكنسل كل شيء .
صقر ضحك و رفع يده كانه يكلم : يعني ادق عليهم اقول الو والله ولدي فكر و حس نفسه عقل و قال ما يبي يتزوج فخلاص كنسلوا امور الملكه لان ما بنجي لان ولدي كان مجنون و مو واعي لمن قال انه يبي ولدكم و احنا آسفين مع السلامه .
( صرخ بصوت عالي ) انت مستوعب ؟ .
تبي تسوي شيء يوطي راسي .
فارس بصراخ : ببه مو غصب انا مابي خلاص كنسل ماني مجبور اتزوج واحد ما ابيه .
صقر : لا يا ولد صقر تبيه و غصب عنك بعد رضيت ولا انرضيت بتحضر الملكه و بتملك عليه و رجلك فوق راسك غصب(ن) عنك و عن ابوك بعد .
فارس : بس يبه .
صقر مسك يده بقوه : لا بس و لا تبن اطلع قدامي بدل .. 5 دقايق ما اشوفك جاهز ورب البيت اوديك بملابسك هذي .. قدامي .
فارس طالعهم كلهم بحقد و كره و عصبيه وطلع فوق بسرعه يبدل ملابسه .
نايف تكلم بعد ما راح فارس : هذا اللي كنت خايف منه صار .
عصام داخ من الصدمه و كان بيطيح و مسكه صقر و جلسه .
صقر و اهو يهوي عصام : فهد جيب لابوك ماي .
راح فهد يركض .
عصام بهمس : صقر تكفى مابي اتفشل .
صقر اخذ الماي من فهد بعد ما جابه و شرب عصام : انت اهدأ ما راح تتفشل بينفد كلامنا و غصب(ن) عنه مو كلامه اللي بيمشي .
نايف : انا بروح له فوق انت اهدأ يبه وما يصير خاطرك الا طيب .
تركهم وصعد فوق .

———————————————————————————

( بغرفة فارس )

يدور بالغرفه و اهو يكلم نفسه : ياربي انا وش اللي حطيت نفسي فيه ، الله ياخذني على هالافكار الغبيه .
دخل بسرعه نايف عليه واهو معصب .
فارس طالعه .
نايف قرب و صرخ : انت مجنون .
فارس : نايف افهمني ما اقدر اتزوج ما اقدر .
نايف مسكه من قميصه : ودامك يا نعال ما تقدر ليش تنطق الموافقه من البدايه ها ؟ ، ليش تسوي كل هالمصيبه وبعدها تندم كل هذا عشان هالزفت اللي تبيه .
فارس بعد نايف : ماهو زفت انا احبه و سويت كل هذا عشان اقهره .
نايف بصدمه : و الولد اللي خطبته وش ذنبه ( صرخ ) رد علي وش ذنبه .
فارس تنهد بقوه و راح جلس على السرير و مسح على وجه : نايف انا ماني قادر افكر .
نايف : منت محتاج تفكر قوم انطق و البس ملابسك بنروح للناس و اتقي شر ابوي صقر و انت عارف ابوي صقر اذا عصب وش بيسوي .
فارس بعناد : ماني رايح قلت لكم انا مابي اتزوج خلاص غصب الموضوع .
انفتح الباب و دخل صقر ، و صار هدوء بالمكان .
صقر قرب منهم و بهدوء قاتل : قسم بالله يا فارس و الذي نفسي بيده ان ما قمت الان وبدلت ملابسك و مشيت قدامي لا ادفنك وانت حي .
فارس بلع ريقه ووقف : يبه انا مو طفل تجبرني اتزوج شخص ما احبه .
صقر : فارس انا للان مطول بالي عليك .. روح من قدامي .
فارس طالع بنايف اللي اشر له بعيونه يروح .. تنهد وراح غرفة التبديل .
صقر طالع نايف : انتظر اخوك هني يخلص وتنزله معاك سامعني ؟ .
نايف هز راسه باي .
تركه صقر ونزل .
نايف تنهد و جلس على سرير فارس ينتظره يخلص .