زحمة مشاعِر 🏳️‍🌈.

عيوني تعلقت بعيونــِك ❤️.

" الله يعين عيونك كيف حامله كل هالجمـَال 😞😞! .

زهرون : ممكن افهم انتِ وش سويتي ؟.
ليان بصوت منخفض اكثر من صوت زهرون وهي ترجف  : اششش قصر حسك سمعت صوت ابله خفت تشوفنا وتسوي لنا سالفه مالها داعي.
زهرون بإستغراب : والله حركتك اللي مال امها داعي ماسوينا شي انا كنت اغسل وجهي وانتِ مدري وش كنتي تسوين وين المشكله يعني.
ليان حست نفسها انحرجت وتبي تبعد على زهرون ويوم بعدت جسمها اسوارتها علقت بجاكيت زهرون.
زهرون بعصبيه ورافع حاجبه : هذا اللي كان ناقص فكيها بسرعه.
ليان توترت وخافت و قربت مره ثانيه وهي تحاول تفك اسوارتها من جاكيت زهرون وبذي اللحظه زهرون كان يطالع عيونها وملامح وجها حس نفسه يطالع ملامح ملائكيه مو ملامح بشر ، وهو يناظرها قرب وجهه وهنا ليان ارتبكت وحست راح يبوسها فكت بسرعه الاسواره و وخرت عنه ضحك لها وقال : شفيك خفتي ترا ماراح اكلك ؟.
ليان وهي ترجف وماتدري وش الشعور اللي فيها تحاول تفتح الباب عشان تطلع : ماخفت وليش اخاف.
زهرون : اي واضح.
وقرب منها وحط يده على يدها وفتح لها الباب وبدون ماتناظره طلعت تركض من الحمام طلع وراها بالممر وكانت ليان خطواتها سريعه وهو وراها شافها دخلت لنفس الفصل اللي هو يدرس فيه واستغرب وقال بداخله معقوله تدرس معاي بنفس الفصل ؟ ليه مانتبهت لها من قبل ! دخل الفصل وجلس جنب الاء وعيونه على ليان وهي تناظره كانت ليان شوي وتنهار وتذوب من نظرات عيونه قاطعت نظراتهم الاء وهي تقول لزهرون : حبيبي كل ذا بالحمام ؟.
زهرون انتبه لي الاء ولف وجه لها : لا كانت ابله تبيني ورحت لها.
قربت الاء من زهرون وحضناته وليان شافت الحركه نزلت عيونها وماتدري ليه حست بالغيره اما زهرون ما اهتم لي الاء.

عند بيت ليان ،
كانت جالسه بغرفتها بعد مارجعت من المدرسه وماسكه الجاكيت اللي كانت لابساته فوق مريولها وتشمه كان عطر زهرون فيه قوي ، تتذكر الموقف اللي صار وتدقق بملامح زهرون بعقلها وهي تقول بداخلها ليه احسني راح اوهق قلبي بحبه ليه احس راح يصير شي بينا قاطع صوتها اللي بداخلها اتصال من صديقتها رانيا ،
رانيا : وصلتي البيت.
ليان : اي تبين شي حبي.
رانيا : اي ماقدرت اسألك قدام البنات في المدرسه.
ليان : وشو.
رانيا : شصار بينك وبين البويه زهرون ؟.
ليان بلعت ريقها وقالت : كيف عرفتي ؟.
رانيا : هههههههههههه افا عليك صديقتي واعرفك عيونك مانشالت من عليه وهو نفس الشي لا تخبي قولي ؟.
ليان : كنت بالحمام وبعدين...( قالت لها اللي صار )
رانيا : الله عليكم تحمستتت احس راح تخاوونن.
ليان : كلي تبنن وش اللي نخاوي هو اصلاً مخاوي.
رانيا : قصدك الاء ؟ لا تهتمي لها وانا حسب خبرتي بالتصرفات اشك ان زهرون يحبها مثل ماتحبه مانتي بشايفه حركاته يوم تلصق فيه.
ليان : تهقين ؟ بس ماندري ممكن يكون يحبها شدرانا عاد.
رانيا : مدري اي صح ليان انتبهت لبويه ثانيه كانت تناظرك طول الحصص اتوقع اللي اسمها ريماس احس لو يصير شي بينك وبين زهرون راح تخرب بينكم.
ليان : على زق هذا اللي ناقص ريماس اللي ريحتها تلوع الكبد يع تخسي تخرب بينا.
رانيا : ههههههههههه هدي حبي وبعدين تعالي مداك تشمين ريحتها.
ليان : كنت بدخل الفصل وهي واقفه قدام الباب وشميت ههههههههه.
رانيا : يع خايسهه المهم الحين بقفل امي تبيني ويجعل يارب تحبون بعض وتخاوين زهرونن.
ليان : يليل انقلعي ولا يكثرر هههههههه.
قفلو الخط وليان كانت حدها مستانسه باللي صار ماتدري ليه تحس للحين قلبها يدق بسرعه ومشاعرها متلخبطه وجلست تخطط وش تسوي بخصوص عطر زهرون اللي تعلق بجاكيتها ( يعني كيف ترد الحركه لزهرون ).

عند زهرون ،
كان منسدح على السرير ويطالع السقف ومفهي غمض عيونه وحط يده على صدره وقال يارب وش اللي قاعد يصير انا شفيني من قابلتها ما ادري وشو صابني شفيني مو قادر اتخطى عيونها وروحي وقفت عند ذاك الموقف ، فتح عيونه على رساله من الواتس كانت من بويه اسمها نوف محتواها ( هلا زهرون انا نوف اللي قبل لا نطلع طلبت رقمك ) رد عليها : اها اي عرفتك بسجل رقمك عشان مايضيع.
نوف : اسمع زهرون ابي اقولك شي ! .
زهرون : ؟.
نوف : انا ماحب اتعرف على بويات كثير مدري بس من شفتك وانا حسيت بالامان برغم من وجود بويات كثير من حولي بس مدري عادي لو نصير اصدقاء ؟.
زهرون دخل اصابعه بين خصلات شعره وكتب لها : ماعندي مانع عادي وليه لا.
خلي اوصف نوف ( مع زهرون بنفس الفصل قصيره نحيفه مره شعرها بوي اسود يميل للازرق مخرمه في شفايفها وهاديه صوتها شوي خشن ومشيتها تشبه الاولاد )
قفلت زهرون جوالها ونامت.
.
.
.
نهايت البارت ❤️❤️.
طولت عليكم شرايكم بالاحداث ؟ وتتوقعون زهرون وليان بيصير بينهم شي ؟ وش قصت ريماس اللي تناظر ليان ؟ وهل الشعور اللي تحسه ليان حب ولا مجرد احساس ؟
متابعه ممتعه للجميع ، والاحداث كل يوم تزيد خليكم متابعين ❤️.