زحمة مشاعِر 🏳️‍🌈.

لوهله حسيت بيسار صدري جمره ملتهبه ساخنه ):

" مريض الغيره لو تشافى بطل يحب ".

ثاني يوم ،
صحت من النوم على امل انها تشوفه قامت تروشت ولبست مريولها وعدلت شعرها المموج وحطت عطرها الحلو اللي يجيب راسك غصب ونزلت راحت للمدرسه.

عند زهرون ،
امل : اوفف كالعاده زهرون قوم لا اقسم بالله اطقك طراق الحين.
زهرون : زين زين قمنا.

في المدرسه ،
رانيا : الحلو اليوم مروق.
ليان : شايفه كيف.
رانيا : وش سبب هالابتسامه الحلوه.
ليان : مدري عندي احساس يقول ان راح يجي اليوم.
رانيا : قايله هالابتسامه وراها حبيب القلب.
ليان بخجل : ايي مافي غيره.
اتجهو للفصول والابله دخلت وبدت تشرح وللحين ليان عيونها على الباب تنتظره يدخل ، مرت خمس دقايق من الحصه وكل الطلاب بالفصل الا زهرون ، وفجأه انفتح الباب وكان زهرون داخل ولا ارادياً عيونه جت بعيون ليان ابتسم ولسى يناظرون بعض وغنى : " الفاتنه اللي على قلبي تمون هي صباح الخير ولا الخير هي ناظرتني وسلهمت بذيك العيُون " وكانو البنات شوي ويموتون من الغيره وليان تناظره وذايبه بغرامه  قطعته الابله بإبتسامه يوم قالت : مشاءالله من وين جايه منطربه ؟.
زهرون وعيونه على ليان : والله مدري بس اتوقع جاي من مكان حلو.
الابله : دوم انشاءالله يلا بسرعه ادخل.
ودخل جلس وراء ليان جنب نوف وكالعاده تخطى الاء اللي حتى ماشافها ، زهرون بصوت منخفض وهو يحاول يخلي ليان اللي جالسه قدامه تسمعه ،
زهرون : ريحت عطرك واصله لآخر المدرسه ممكن تبطلين تتسبحين فيها ؟ ترا مو عدله اللي رايح واللي جاي يشم عطرك.
ليان والابتسامه شاقه وجها رجعت على ورى وقالت : رانيا كأن قمنا نغار ؟.
ابتسم وعرف انها سمعت وعرفت ان يقصدها ، وريماس اللي كانت جالسه ورى زهرون وسمعت وعصبت وقالت بداخلها : اليوم ان ماخليت ليان حقي ماكون ريماس ، كانت ناويه على ليان اليوم ورانيا حست بشي راح يصير ،

في الساحه ،
كان زهرون جالس هو ومي ونوف يسولفون ورنيم والاء بعيد عليهم شوي بس الغريب ان ليان مو موجوده بالساحه فقدها زهرون وحاول يدورها بعيونه شاف رانيا مع البنات تسولف بس ليان مو معاها خاف يروح يسألها عنها بس سكت وبعد كم دقيقه حس نفسه مخنوق ،
زهرون : مي انا بروح الحمام شوي وارجع.
مي : تم تلاقيني انا ونوف هنا.
توجه زهرون للحمام ،

عند ليان ،
كانت بالحمام لفت وراها لقت ريماس وخافت كان يناظرها بنظرة استفزاز رجعت بخطواتها لورى وكانت ريماس تقرب ،
ليان برجفه وخوف : شش شتبين ؟.
ريماس : شفيك حبيبتي ترجفين ماراح اسويلك شي ، وقربت ريماس وليان توخر لين ماوصلت الجدار وريماس لصقت فيها هنا ليان قالت : نععمم شتبيننن ؟؟؟.
ريماس : ابيك انتِ.
ليان برجفه : تحلمين.
ريماس : لا لا لا اذا مو بالطيب اجيبك بالغصب.
مسكت ليان من يدها وبلشت تبوسها بقوه وليان تحاول توخرها عنها وتصارخ وتنادي بإسم زهرون وبذي اللحظه دخل زهرون الحمام وشافهم انصدم بسرعه سحب ريماس وضربها بوكسات وراء بعضهم بدون مايوقف طاحت ريماس وكان وجها دم ،
زهرون بصوت عالي وعصبيه : يالخسيس يالواطيي ان لمست شعره من راسها مره ثانيه راح اذبحك واخليك تندم عالساعه اللي لمستها فيها ،
طلعت ريماس تركض بسرعه وزهرون لف على ليان وبسرعه ليان ضماته وهو ضمها بقوه ، الخوف اللي بعيون زهرون على ليان كان واضح وهي بحضنه كانت تبكي وحست بالامان يوم شافته بعد دقايق وخر عنها ومسكها من كتافها وعيونهم بعيون بعض ،
زهرون بنبرة خوف : فيك شي ؟.
ليان برجفه وتردد وهي تبكي : لا انا كويسه بفضلك لو انك مادخلت كان مدري وش...( قاطعها زهرون )
زهرون وهو يمسح دموع ليان : لا تخافين انا معاك وذا الخسيس انا اعلمه شلون يتحرش ببنات الناس من زينه ومن زين ريحته.
ليان ضحكت وقالت : ريحته خايسهه.
فز قلب زهرون وابتسم لان ضحكها وقال : اروح كلي فدوه لضحكتك.
استحت ليان وسحبت نفسها منه وطلعت تركض راحت للساحه لقت رانيا وحكت لها اللي صار ،
رانيا : طيب ماصار شي بينكم ؟.
ليان : لا استحيت طلعت اركض واااييي لو شفتي كيف كان خايف علي كان مفضوح انه يحبني.
رانيا : اخ بس لو انه اعترف لك.
ليان استحت : يارب يعترف.
رانيا : اي صح كنت حاسه ان هالريماس وراها بله بس زين يسوي فيها زهرون مسح على كبدي.
ليان : الوصخه قال ايش قال لو مو بالطيب بالغصب يخسي ويعقب يلمسني.
رانيا : اي والله وصخه ونص كمان بس الحين تطمني زهرون معاك.
ليان : اخخ يارانيا احببههه.

عند زهرون وهو ماشي بالممر وعيونه تلمع من الحب يقول بداخله : لوهله حسيت بيسار صدري جمره ملتهبه ساخنه يوم شفت ريماس تبوسك ، ماراح اسمح لأحد يلمسك غيري انتِ ملكي وحقي وملاكي ولو طال البعد ، كمل طريقه لعند ماوصل لمي ونوف ،
.
.
.
نهايت البارت ❤️❤️.
بارت ونخلص الروايه.