أبو رعب

البارت 9

( أبو رعب )
.. بقلم نورس

.....................

بعد صراع من الالم اللي ببطني
كمت عنت نفسي وشلت جنطتي ورجعت امشي للبيت وكوة اخطو خطواتي من الوجع ..

عظامي كلها تون عليه ..

وصلت قريب من بيتنة ولهنااااااك واشوف عبود جايني من بعيد ..
من شافني فتح عيونة بصدمة

عبود: ولك هاي شصاير بيك !

باوعتلة واحاول اخفي وجعي

مصطفى: تعاركنة

عبود: اي ومبين طيحوا حظك

رديت باستهزاء

مصطفى: هه اني طيحت حظهم اصلا .. 5 كلهم جطلتهم بالكاع الله وكيلك ما خليت واحد بيهم يرجع لأهله صاحي

بنظرة شك

عبود: وليش وجهك مدمة ؟

مصطفى: غير غدروني الكواويد .. بس انه محسوبك لزمتهم شريتهم ع الحبل وخليتهم فرجة لخلك الله

باوعت لنفسي واحاول اغير الموضوع كتلة

.. شوف ملابسي كلها مدمرة اذا شافتني أمي تكلبها عليه فاتحة .. انطيني ملابس من عندك والباجر ارجعهن

عبود: خوش دتعال حتى تبدل بالبيت

رحنة ثنينة لبيتهم انطاني ملابسه لبستهم وملابسي الوصخات خليتها بالجنطة غسلت وطلعت بوجهي للبيت

وصلت طبيت للمطبخ لكيت لبوة كاعدة تاكل
.. عطت بيها من ورة دارت عليه بنظرات باردة

لبوة: ترة حفظت سوالفك متكدر بعد تكمزني

مصطفى: عوذة مو بنية صدك لبوة .. كون هاي حور جان هسه هي بالطوارئ

من شافت وجهي حجت بشهكة

لبوة: هاي شبي وجهك مورم ؟ مكتول؟؟

مصطفى: لا .. بس عركة بسيطة

حجيتها واني اطلع مي من الثلاجة ووكفت اشرب
.. فات يوسف للمطبخ شافني

يوسف: انت وينك ؟ كلبت المدرسة عليك  وانت ماكو
، وحتى بالحلة ما شفتك

مصطفى: يم صديقي

يوسف: يا صديق هذا ؟

مصطفى: شنو هو تحقيق

يوسف: مرتضى جان وياي وعبود شرد من المدرسة بنص الدوام .. يا صديق بعد هذا الجنت يمة

مصطفى: واحد متعرفة

يوسف: هاااااا

كل هذا واني مدنك راسي واحاول ما اباوعلة حتى ليشوف وجهي
.. لان بس يشوفني راح يعرف بالصار

اخذت بطل ثلج وطلعت بسرعة من المطبخ متوجه لغرفتي ..
شمرت نفسي ع الجرباية وخليت البطل على مكان الورم عسى ولعل يخف