"အရူးလေး"
ဟင်?...ဘာပြောလိုက်တယ်
လုံးဝကိုမမျှော်လင့်ထားတဲ့စကားကြောင့် ကိုကို့ရင်ခွင်ထဲကထွက်ရင်း ကြောင်တောင်တောင်ကြည့်မိတော့ ကိုကိုက သူ့ကိုထူရင်း အနီးကဒန်းတစ်ခုမှာထိုင်စေသည်။
ရယ်ကျဲကျဲကြည့်ရင်း သူ့မျက်နှာပေါ်ကမျက်ရည်တွေကိုနူးနူးညံ့ညံ့သုတ်ပေးနေတဲ့ကိုကိုကို သူလုံးဝနားမလည်တာသူမမှားဘူးမလား။
"ဘာ...ဘာပြောလိုက်..."
"ဟယ်ချန်းနီးက တကယ်အရူးလေးပဲ"
ထပ်ပြောပြန်ပြီ။
"ကျွန်တော်နားမလည်..."
"ခဏ ခဏလေးနေဦး"
ကိုကိုက သူ့ဆီကအကြည့်လွှဲကာ သူ့ဖုန်းကိုထုတ်သည်။တစ်ခုခုကိုရှာနေတဲ့ထိုသူက ခဏနေတော့ ဟယ်ချန်းမျက်နှာရှေ့မှာ သူ့ဖုန်းscreenကိုပြသည်။ကြည့်လိုက်တော့ သူခုနကမှဖတ်လာတဲ့သတင်းsite။
"ဒီတစ်ခုကိုဖတ်လာတာလား"
သူနားမလည်ဟန်နဲ့ခေါင်းညိတ်ပြတော့ ကိုကိုက နောက်siteတစ်ခုကိုပြောင်းပြသည်။
"ခုနကဟာက originalမဟုတ်ဘူး အင့် ဒါအရင်ဖတ်"
ဟင်?!...originalဟုတ်ဟုတ်မဟုတ်ဟုတ် သတင်းကအတူတူပဲမဟုတ်လား။ကိုကိုက တကယ်ဘာတွေလုပ်နေတာလဲ။
"ဒီနားလေးကိုသေချာဖတ်"
သူသိထားပြီးသားသတင်းတွေကို နားမလည်စွာပြန်ဖတ်နေရတုန်း ကိုကိုက Highlightပြထားတဲ့နေရာတစ်ခုကို ထောက်ပြလာသည်။ကြည့်လိုက်တော့ ကိုကို့နာမည်နောက်မှာရေးထားတာက... 'လီဟယ်ချန်း'။
သူ့နာမည်ကဘာထူးခြားလို့ သူ့ကိုပြ... ဟင်..... wtfffff လီဟယ်ချန်း!?!
အလန့်တကြား မျက်လုံးပြူးမျက်ဆံပြူးသူကြည့်မိတော့ ကိုကိုကရယ်သည်။
"ဒါ...ဒါက"
"အရူးလေးရယ် ကိုကိုကချစ်သူတောင်မရှိတာကို ဒီတစ်ပတ်အတွင်း ဘယ်သူနဲ့သွားစေ့စပ်ရမှာလဲ"
ကိုကို...ကိုကို....ကိုကို။
ဒီအသံက သူ့နားထဲ လိပ်ပြာတွေပျံနေသလိုကို ပဲ့တင်ထပ်သွားခဲ့သည်။ကိုကိုက သူ့ကိုယ်သူ ဒီလိုသုံးနှုန်းတာ ဒါပထမဆုံးပင်။
