_لسه بحِنلها.
= ارجعلها.
_ طب وخذلانها ليا.
= بتحبك إغفرلها.
_ مش قادر.
= طب وحالتك اللي بقت كل يوم بتسوء بسبب بُعدها عنك!.
_ اكيد في يوم هنسي.
= عصبيتك الدايمة على الكل طيفها اللي بتشوفوا في كل البنات.
_ طب اعمل ايه.
= حاسس بإيه من ناحيتها حاليًا؟
_ وحشاني.
= يبقى الحقها وكلمها ليه تسمح للبعد يطول بينكوا ليه غاوي وجع قلب.
_ هكلمها ❤.
"سابني وراح يكلمها دا يبقى صحبي او خلينا نتكلم بصراحة دا يبقى حبيبي اللي بحبه من طرف واحد بقالي 6 سنين، هو ميعرفش اي حاجة ولا حتى بخليه يحس بكدا، بس بيحب واحدة غيري دا بيعشقها مش بيحبها"
قفلت معاه وروحت اتكلم مع صاحبتي اللي بتهون عليا دايمًا بعد كل مكالمة بتبقي بيني وبينه.
* الجميل عامل ايه.
= أنا تعبانة اوي يا سلمي.
* كلمتيه ليه انا مش قولتلك متكلمهوش.
= مقدرتش والله، مقدرتش اشوفوا تعبان بالشكل دا، انا اه بتقتل في الثانية الف مرة بس مقدرش اشوفوا تعبان، كان لازم أقنعه عشان يرجعلها.
* قلبك دا ايه حرام عليكِ قولتلك ملكيش دعوة بيه وابعدي عنه ليه تهلكي قلبك بالشكل دا، ليه غاوية وجع قلب.
= غاويااه، انا مقدرش اشوف فيه خدش بسيط، انا عادي متعودة على الوجع مش ذنبوا يحبني، دا ذنبي انا، انا اللي حبيت من طرف واحد.
*هتفضلي تدوسي على قلبك كدا كتير؟.
= طول ما هو مبسوط انا هكون مبسوطة.
"قفلت مع صحبتي وانا حاسه بنغزة فقلبي، روحي بتطلع ومش قادرة اخد نفسي.
جي فبالي اقوم اصلي ركعتين وادعيلوا يرجعلها، انا مش هستحمل اشوف عيونه كلها وجع على فراقها.
سجدت لربنا وببكي.
= يااارب رجعهم لبعض، يارب ريح قلبوا.
خلصت صلاة ولاقيت صوت مسج جاتلي على الفون.
بفتحها لاقيتها منه.
_ رجعتلي انا بجد مبسوط اوي حاسس براحة لقلبي متتوصفش.
"قرأت المسج وعيوني كانت بتدمع من فرحتي ليه عشان شايفاه فرحان بالشكل دا.
رديت عليه بفرحة.
= بجد مبسوطالك اوي ربنا يديم فرحتك.
قفلت الفون ونمت وانا مبسوطة كنت حاسه بأنه قالي بحبك مش رجع لحبيبته.
***************************
" بعد شهرين"
*هتفضلي بتحبيه خلاص خطبها، شوفي بقا حالك وركزي مع نفسك فيه كتير يستاهل غيرو واحسن منه!.
