انا خلاص تعبت مبقاش عندي اي مشاعر وطاقه لاني احب تاني أصلًا هو اخد كل الطاقه الايجابيه الل كانت فيا ومشي هو كسرني وخذلني ومبقاش عندي ثقه ف مخلوق بسببه
اول واحد حبيته لمده 5 سنين من طرف واحد ومكنش يعرف اسمي حتى
والتاني الل افتكرته العوض ليا عن كل التعب الل شوفته ف حياتي كان بيتسلي دايما اختياراتي غلط ف غلط
= اكيد ف يوم هتلاقي الشخص المناسب الل شبهك وشبه قلبك
_ حتى لو جي هئذيه معايا انا بقيت مطفيه وكئيبه ومبثقش ف حد هيبقى صعب عليه يطمني وهيتعب معايا كتير ولو استحمل مره واتنين مش هيقدر يستحملني طول العُمر
= قلبك يستاهل يتحاربله انتي مفيش انضف واحلى منك
_ لا هبقي شخصيه مُرهقه ليه بسبب خوفي وهفضل مش مطمنه وقلبي هيفضل قلقان وهلكان ومُنتظر اليوم الل هيمشي فيه لان دا العادي نصيبي كدا خوفي من انه ممكن يمشي من تاني يوم الصبح عادي جدًا ومش هعرف اديله الأمان
ولا هقدر اثق فيه لثواني بقوا كلهم صنف واحد بالنسبالي وكلهم مخادعين وشبه بعض
= بس صوابعك مش زي بعضها اكيد فيه حد مختلف
_ هههههههه والمختلف دا هيسيب كل البنات ويجيلي انا دي مجرد احلام وروايات بنقرأها ومش حقيقه
= خليكي واثقه ف ربنا لأنه كريم وف لحظه واحده بس ممكن يوصلك لأبعد الحدود ف السعاده والشغف متبقيش سلبيه
_ ونعمه بالله بس دا صعب عليا ازاي هيقدر يطلعني من الدايره الل الدنيا حطتني فيها غصب عني ازاي هيقدر يستحملني
= اهدي وقومي صلى القيام كالعاده واطلبي من ربك انه يقويكي ويرزقك بالل فيه الخير ليكي
_ حاضر "تصبحي على خير"
= وانتي من اهل الخير
*********************
قفلت مع صحبتي واتنهدت بتعب قومت اتوضيت وصليت ركعتين قيام كالعاده قلبي بيرتاح وبيطمن وبحس براحه مش طبيعيه لما بصلي القيام كل ليله
بصيت للسما وفضلت ابكي
" يارب قلبي بقا مهلوك من الوجع ومبقاش يصلح لأي حاجه يارب طمني وريحني وارزقني بالخير الل مكتوبلي وارضيني بيه"
كنت بدعي ومش عارفه اطلب ايه من ربنا لساني عاجز عن الكلام ومش عارفه انطق استكفيت بكلمه "يارب" لانه اكيد حاسس بيا وبوجعي وقد ايه انا بعاني
قومت نمت وحسيت ان قلبي مرتاح اوي وكأنه متألمش ف يوم" سبحانك ربي ما أعظمك"
صحيت من نومي وكنت قايمه مرتاحه وبضحك من قلبي صليت واديت فرضي
وماشيه على جامعتي وماما اتكلمت فجأه قبل ما اخرج
= ابقى اجهزي بالليل فيه عريس جايلك
_ بس انا مبحبش جواز الصالونات دا يماما
