_ حكايات بعضها مؤلم وبعضها سعيد سيُسر القارئ في النهاية بالتأكيد. 🖤
_ مرت أيام وليالي وبعدني بنفس الحرب النفسية ما كدرت اتخلص من اللوم ولا الشعور بالذنب بالرغم من إني اعرف نفسي مالي دخل والصار صدفة بس يبقى الشعور يأكل بيه
مهرة...
عندي روتين يومي اكعد الصبح من وگت للدوام ابدل واخلي ميكب قليل اتريك وانتظر الخط يجيني مرات اقرا كتب شوية ومرات ما الحگ اطلع قبل لا اقرا شي
صباح الخير يمة مهرة ساعة بال ٧ ونص راح تتأخرين عل دوام
أنــي سمعت امي گالت هيج ودكيتها بركضة من الفراش للحمام اغسل وابدل سريع راحت عليه نومة لأن البارحة جنت سهرانة
تعالي كعدي هنا گدامي عندي سالفة وياج
يا ستار شكو ماما كعدي گدامي وسالفة مهمة؟
خل اصبلج جاي حتى تلحكين تاكلين شكم لگمة قــبل لا يجي الخط واسولف
باعي يمة تدرين اختج هل سنة راحـح تصير سادس ولازملها مدرسين تدريسهم مضبوط فاريد منج تسألين صديقتج فرح هي اختها العام جانت سادس واكيد تعرف
يمة عليج الله تحجين صدك وكعتي كلبي صارلي ساعة مر شريط مصايبي كله كدام عيني اخر شي تكلي مدرسين الاختج
ههههههه ها عوبة شمسوية مصايب حتى وكع كلبج ثاني شي اختج موضوعها مهم اني تدرين بيه اهم شي عندي مستقبلكم ودراستكم
اي حبيبتي بعيني اسالج ياها اليوم لا تشيلين هم اصلا هي شطورة ان شاء الله ما تعذب گلبج
الله يسمع منج يايمة
اي ماما شو اليوم كله تحجين بمهى سألي عليه أنــي كولي بنيتي خطية شدتسوي ما تسوي بكليتها
ههههههه حبيبة امج انتي ادري بيج ام لسان لو ردتي شي تجين تگابليني وما تگومين إلا والي طلبتي صــآر بعد عليش
هورن ابو مصطفى مــوو لو اسمع غلط
؟
اي هاي صارله شكد خطية يدك واحنا ملتهين نسولف يلا امي يلا اخذي غراضج وطلعيله خطية
بستها من راسها وطلعت
صعدت بالخط...مرحبا عمو
هلا عمو
عمو شو البنات البقية ماكو شنو ما مداومين؟
لا والله ما اجوا لا فرح ولا سرور ضلت بس شيماء نمرلها
كعدت الصبح راسي صاير عبالك حجر ما شبعانة نوم وتعبانة شلعت روحي من الفراش وكعدت ابدل
أنت تقرأ
مُهرة الشـــيخ خضر.. ⚜️
Romanceالحب أحيانآ عذاب، عذابٌ ممزوجٌ بالحيرة.. مهرة اصيلة مدللة تحاول ان تبعد نفسها قدر المستطاع عن حُب مستحيل وتجّرها خيوط هل الحُب كلما حاولت تنسحب منه ولأول مرة محد بإمكانه يساعدها وكلما تتعمق بهذا الحب كلما تكتشف أسرار كانت مختبئة تركها الزمن حتى تتع...
