مُهرة الشـــيخ خضر.. ⚜️

Part 16

الإنتقام في عروقي يـسري
ربما انصت لصوته المسموع
وربما اطيع قلبي...

♥️

جابر: حبيبي سيادة الملازم الك**** المحترم..
عزيز كلبي  إن كنت كالكلب تنبش أخباري احب اكلك جابر هسه مو مثل جابر الي تعرفه سابقاً خذ الحيطة والحذر لأن راح تطلع خسران وكلش.

طويت الورقة وخليتها بجيبي
ما يخطر على بالي شنو نوع المسبة الي طلعت من حلكي ولا عيوني الي لمعت شرار واني لازم بيدي مكتوب من الشخص الي هدر دم اخوي بروح باردة

خضر: الو

قاسم : هلا

خضر : وينك

قاسم : بدون سلام ولا كلام

خضر : جاي اكلك وينك لا تخليني الوص بالحجي

قاسم : بالشغل

خضر : تعال بسرعة

قاسم : بالشغل بالشغل وين اجيك!

خضر : تجيني ماتهمني لا انت ولا شغلك أريدك هسه

قاسم : خوش خضر دزلي عنوانك جايك.

غلقت الفون ونار تسعر بيه شنو جزاة القاتل؟ شسوي بي وإن كان قاسم ماله يد بالموضوع اريده وسيله ربط بيني وبين عمه حق فهد أخذه يعني أخذه.

١: سيدي

خضر : نعم، اسمع

١: سيادة اللواء يحذر حضرتك من المهمة ويصر على لقاء وياك بأقرب فرصة

خضر : بلغه باي وقت التقي بي ماعندي أشكال بس المهمة تتم ماعندي رجعه بيها

١: سيدي جابر خطر وعنده نفوذ وطلع متساعد ويا عصابات ومترأس عصابات داخل وخارج العراق

خضر : ما يهمني

١: اذا أبلغ سيادة اللواء بلقائك؟

خضر : نعم وكله خضر هو راح يجيك

١: علم..

_____

رهف : خالة فدوة حاجيلي خضر وضعه مو طبيعي على ساعة وياي وعلى ساعة ضدي صاير غريب

والدة خضر :  يا عيني شبيدي عليج ابني وتعرفي عنيد وما يسوي الا الي براسه ومحد يعرف شنو يفكر

رهف : بس هل شي ما يمنع يجيني نطلع ونروح ونجي اعتقد هو خطيبي

والدة خضر : اي حبيبتي وحقج علينا وانتِ جنتنه الحلوة بس انطي وقت تعرفين ظروفه

رهف : اللّٰـه كريم بس حبابة خالة من يجي كليله رهف مريضة وتريد تحاجيك

والدة خضر : بعيني

من فترة وخضر اسلوبه متغير ١٨٠ درجة جان شغله الشاغل أني اكلت شربت نمت رحت طلعت سافرت كل همه رهف هسه وينه؟ صارله اسابيع متنقل بين المحافظات وما يرجع الا ايام معدودة ما يتصل الا اني اتصل ويحجي كلامين ويروح امره قلقني واعذره واكول يريد ياخذ حق اخو بس أنـي حقي منو ياخذه محسوبه خطيبته وما شايفه منه شي الايام تمشي واعيشها وحدي صار خضر شي هامش وبدأ يتلاشى بحياتي..
.....