رماد آدم

الكاتبة ليلى الرايس....

🖤رماد ٱدم 🖤

رماد:(كتشوف فيه بنص عين) تاخدها؟

منير(بابتسامة): اه (دور راسو )وزيدي معاها جوج اخرين.

رماد( جمعاتهم ليه فصاشية صغيرة):300درهم.

منير(جبد بزطامو ): نتمنى يعجبوها.

رماد(طلعاتو ونزلاتو):انشاء الله ..

حط ليها لفلوس مع بتسامة وخرج بلا مايزيد تاكلمة.

رماد تبعاتو بعينيها (تنهدات)هزات لفلوس بغات تحطهم فالمجر بانت ليها ورقة .حلاتها مكتوب فيها نمرة تليفون. لوات شنايفها بلا ماتهتم حطاتها فالصاك...

**************

فمكان اخر بالضبط اوطيل فين خدامة رؤيا..

التنضيم اليوم متغير على الايام العادية...
قوة الحركة والموضفين بلباسهم الموحد فالازرق والابيض...

رؤيا و موضفة اخرى واقفين فمكانهم المعتاد فالاستقبال...

رؤيا(بهمس بدون ماتتحرك):اش واقع هاد النضام كلو على ود راجل اعمال؟

موضفة بنفس الهمس(هبة):والله ماعرفت المهم الراجل ماشي عادي (طلعات عينيها جيهت الكاميرة) شي حد ثقيل فالبلاد..

رؤيا  بان ليها شيهاب جاي جيهتهم...

شيهاب(رئيس عليهم):ماتحركوش من بلاصتكم قريب يوصلو(شاف فرؤيا) ركزي متخليش العينين عليك ..

حركات ليه راسها بايجاب..

وقف اسطول من السيارات امام بوابة الاوطيل ..

نزلو رجال لابسين كوستيم كحل على ودنيهم سماعات .كيتحركو بسلاسة ودقة...

حل واحد فيهم باب سيارة من نوع لامبورجيني ..نزلات منو فتاة شقراء لباسها انيق .

شعرها مسرح على راحتو لابسة فستان على طايتها بلا كمام نضارات شمسية على عينيها..
وصاك صغير من ماركا معروفة  ...

تحل الباب من جهة الثانية نزل راجل خمسيني لابس كوسطار بلومارين مع سميجة بيضاء..

شد فيدها داخلين.شهاب تقدم ليهم كيستقبل فيهم مع مدير الاوطيل ..توجهو لجناح الملكي..

رؤيا(مستغربة): اويلي متقوليش داك زين كامل مزوج بداك شارف(نفات براسها)ممتيقاش.

هبة(شادة ضحكة):هه سكتي يسمعوك يغبروك نتي وتريكتك كاملة ..راه باينة على فلوسو..

رؤيا:والله وخى نعرف راسي نسعى ومنتزوجش شي واحد بحالو على لفلوس( باقة مصدومة) البنت باقة صغيرة تكون قد رماد اصاحبتي ..18 عام مع شارف!! ..