رماد آدم

الكاتبة ليلى الرايس.....

🖤#رماد_ادم🖤

طلعات شمس نهار جديد  لايح موراه ليلة ضلامية ..

وصلها شيهاب لدرب منعها ترجع فوق الموطور .حالتها مصدومة ممبيناش رد فعلها .وقف بيها قدام الباب .

شيهاب( تهد ): تهلاي فراسك(تلفات ليه الهضرة) اش غديري مع مك ..

رماد:(عينيها ذابلين ): غنكذب (حلات الباب نازلة) شكرا عذبتك معايا.

شيهاب( بقات فيه):الا حتاجيتي مني شي حاجة ها نمرتي(كتب ليها نمرة فورقة) متنسايش نتي خت البنت لك(سكت بلا ميكمل).

رماد سدات الباب وزادت ..

دقات فالباب حلات عليها حفيضة تحت عينيها كحل باينة عليها الارهاق والقلق...

حفيضة(كطل موراها ):فين رؤيا فين بنتي.!؟

رسمات ابتسامة صفرة مخبية بيها  الحزن والتوتر..

رماد:(عنقاتها بجنب مدخلاها)دخلي اماما بنتك عندها الخدمة مزيرة(قلبها كيتحرق) هضرت معاها ..ميمكنش تجي هاد اليومين(شهقات حفيضة ) علاااش اش واقع (حاضية ملامح وجها)متكذبيش عليا قولي شنو واقع لبنتي..

رماد( دورات راسها ) وايلي اماما انا نكذب عليك!!!

الاوطيل فيه شخصية كبيرة فالبلاد معاه الأسرة ديالو ميمكنش انقصو الموضفين فهمتي ..رؤيا تتسلم عليك وهادشي لقالت ليا مازدت مانقصت .(مركزة معاها وكطلب من الله تيقها) ..

حفيضة:(كلسات على كرسي صغير حاطة يديها على قلبها.):ياربي تحفضهم ليا وتنقي طريقهم من الشوك....

رماد:(تتشوف فيها  عينيها منفوخين باينة عليها منعساتش عزات عليها)؛ماما منعستيش؟

حفيضة:اشمن نعاس اجيني وبناتي  برا .

دورات راسها فدار مستغربة.

رماد:ماما فين راجلك؟

حفيضة:علاش ابنتي تقلقيني منك .مانبغيش نسمع منك هاد الهضرة .باك تيبقى باك وخى يكون يهودي..

رماد(مبقاش عندها القوة تهضر):صافي سمحيلي اماما..فين هو بعدا؟

حفيضة: ماعرفت ليه من البارح وهو غايب... كلسي تفطري نتي بعدا وجهك صفر .

رماد(حركات راسها بنفي)لاا خاصني ننعس شوية تابعاني الخدمة..

حفيضة (تفكرات):فين بقيتي ليلة كاملة؟

رماد(تدور فعينيها تقلب على كذبة) رجعت حليت المحل فين خدامة نعست فيه..

حفيضة(غوبشات): وليتو تباتو برا .(دازت لكوزينة مقلقة  كدوي)تعاوديها نتفاهم معاك..

فمكان اخر ..بالضبط فبار وسط صونطر ڤيل ..

فطبلة عامرة قراعي شراب نوع الفاخر....

لعرج مفطح وجهو حمر من قوة
السكرة لي طلعات ودماغ منغم كيتمتم بلسان ثثقيل..

لعرج:لكلسة بعقلها  بكويسات بحال هادو(قهقه)اووف الحياة.

كالس قبالتو شاعل كارو كيسف منو.بعينيه زورق كيشوف فيه ويخطط ليه بمكر.

العصبة:باش غتخلص هاد المرة؟

لعرج:(طلع يدو لفوق)باش غنخلص ههه ماعندي تاقلوة .

العصبة(ببرود): فيديك شي حاجة؟

لعرج(هز القرعة نزل عليها تابح حلقو)هه راس مالي دار مشقوقة ومرى هلكها المرض وجوج بنات(بزق حداه) مافيهم فايدة .

العصبة(طلع حاجب):امم (قرب ليه قرعة)زيد ليك هادي...

لعرج(شرب منها): صونطي.

العصبة(ناض وقف طفى الكارو فطفاية ): صونطي(بضحكة جانبية...

#يتبع.

#لعصبة

العصبة: همس فودنو  تخلص بدمك ولا بلحمك ..؟

لعرج(سرط ريقو فاهم عليه):دمي لااا .

العصبة:(ابتاسمة خبيثة) إذا لخلاص باللحم..

بغى ينوض مقدرش يوقف دايخ رجع كلس كيدخل ويخرج فالهضرة..

لعرج:غنخللص صبر عليااا.

العصبة:(حك بيدو الموشومة لحيتو ) عارف راسك ديك الرطبة لي ضربتي شحال ساوية(كيقصد الغبرة) فين جات خربتك؟

لعرج(كيتمتم جايب الكاو) زوااااغة فدرب **** متعرفهاش.

العصبة:(قهقه)هههه كمل (قرب ليه القرعة) شرب مع راسك ..شنو قلتي سميت بناتك؟(تيجر ليه لسانو).

لعرج:ماعرفتت لواالديهم (حك شعرو مخربق)لكبيرة رؤيا والصغيرة يمكن رمال ولا العافية تت نسيت طبووونمها سمية .

المهم شي حاجة قريبة للعافية (تݣرع) ..

طبطب عليه وزاد محرك من تما وعلى وجهو ضحكة خبيثة كيفكر يهديهم لسيدو البناني ..طامع يرضي عليه ...مضبر  جوج بنات
مبيوعين من باهم.

#يتبع..

---