رماد آدم

الكاتبة ليلى الرايس.....

🖤#رماد_ادم🖤

دخلوها لنفس لكولوار الإضاءة فيه كلها حمرا. .

كمشات عينيها من الألم لي كتحس بيه فركابيها .حلات عينيها تتشوف المكان اضائتو حمراء دغيا تشجنج جسدها وبردو اطراف رجليها ..دورات راسها فدوك جوج جارينها من دراعها وهي وسطهم مجرورة على ركابيها .....

وقفو بيها قدام باب بقضبان حديدية بحال الحبس ...

رخفو عليها من دراعها واحد فيهم رجع خارج والثاني بقى واقف فوق راسها تيشوف فيها حانية راسها..

الشاب: الا بغيتي تخرجي وتفكي راسك من هاد اللعب خاصك ديري لي غنقول ليك عليه (حنى لعندها كلس قفازي) شنو قلتي؟

رماد:(تتقفقف عينيها حمرين ) اي حاجة قلتي عليها نديرها(شدات فيدو كترجاه)عفاااك خرجني مبغيتش نبقى هنا....

نوضها مسندها عليه وتحرك داخل بيها لغرفة وسد موراه الباب ..

دورات راسها تشوف فين دخلها توسعو عينيها تتشوف الغرفة فيها سرير اسود فراشو فلون الأحمر خزانة حاىطية معلقين فيها شي حاجة معرفاتش شنو داكشي..

.. من ردة فعلها وديك نضرة لي دارت فيه عرفها خافت..

شير ليها  جيهت السرير ..:كلسي.

رماد(نفات براسها) شاف فيها مخنزر.

نهض فيها بعصبية:شنو قلنا؟بغيتي تفكي راسك تسمعي وديري داكشي لي نقول ليك عليه.

رماد مزادتش معاه الهضرة كلسات تتشوف فيه بنص عين ..

رماد:شكون نتا؟

حك راسو معصب ممتيقش البنت لعجباتو وسحراتو هي دبا ضحية وكالسة معاه فبلاصة وحدة..

(زفر  )منير:مكيهمش شكون انا (خرج فيها عينيه )لخصك تفكري فيه هو حياتك فخطر منضمنش ليك الا تزيكزاكيتي معايا منعقلش عليك..نجيك لصراحة تتعجبيني غتكوني حاسة بهادشي ....الا سمعتي كلامي غتعيشي (كلس حداها ) عندك جوج طرقان واحد فيه الموت والثاني فيه الحياة ..

شنو تختاري بينهم؟

رمقاتو بنضرة مستغربة لسؤالو اكيد غتختار الحياة..

رماد:مبغيتش نموت...

منير:مزيان (ناض وقف ) رتاحي شوية نرجع لعندك...

رماد:(تتشوف فيه بعويناتها خايفة) مايوقع لي والو ياك؟

منير(نفى براسو)رتاحي مايوقع ليك والو..

#يتبع

#منير

رجع لدار من بعد ليلة قضاها فالبار مع كيسان شراب والحشيش..

لعرج:حلوووو اترييكة الناقصة (تيضرب برجلو )الباطرونة حلييي (وقف عليه جارو)..

:.انعل الشيطان وبدل الساعة .

لعرج(تعصب):اش دخل طبون مك فيا منبدلش الساعة تسالي شي قلوة ..

نخلو وزاد فطريقو مزادش معاه الهضرة..بقى يخبط برجليه ويديه .مدة عاد تحل الباب .غير بانت ليه حفيضة نقز عليها كي المش بغى يبرققها تاشاف الدم كارم على نص وجها..

سد الباب دخلها كلسها تيقيس ليها فراسها.

لعرج:منين جاك هاد الويل(حيد ليها زيف )اف اف شنو وقع ليك؟

حفيضة(شادة على راسها):جاو البوليس ..

لعرج:اش بغاو؟

حفيضة(تالفة):قالي نتا مشدود عندهم و(ناضت تولول)اويلي وعدي بنتي (شنقات عليه )بنتي داوها نوض جيب لي بنتي..

لعرج(دفشها):يعطيكم غبارة تجمعكم تفوو .

غادي البوليس برجليه مكره تيسب سبانو خاسر ...

*****
فالاوطيل.....

منين خرج منير بقات تتفكر اش دير جات فراسها خطة طبقها نجحات هي هاديك منجحاتش على الاقل دارت محاولة ....

حطات ودنيها على الباب على الله تلقط شي حاجة تنفعها...

تتسمع هضرة منير مع  شي واحد اخور متتفرزش الهضرة مزيان..طاحت فودنيها كلمة وحدة خلات عروق عنقها تنبض ..عطاها أمل تزيد تقلب عليها اكيد هي هنا فالاوطيل خاصها تغامر براسها على قبل ختها ..

برا الغرفة .....

منير:(تيبخ دخان الكارو)مرض زهري مكوز ديلمو.

الملثم:(مركز فيه الشوفة) لمن جبتوها؟

منير:بلان لعصبة (تيطنز)باغيها لسيدو .

الملثم:(شمر على نيفو) تعديتو عليها البارح ختها واليوم هي(حرك راسو بنفي)بزااف ...

منير(لاح الكارو زاطم عليه):عندك شي حل عتقني بيه؟

الملثم: اش بانليك نسبقوها لولدو نتا وانا عارفين إلا مشات تاطاحت فيدين الشارف اش يطرا فيها (حاضي جوابو) تت ضبر راسك انابغيت نعاونك عاجباك لاش تفلتها ..

بقى عليه بالهضرة تاقنعو وتافقو يسبقوها لولدو .

منير متردد من  الخطوة لغيدير عارفين ولد البناني معندوش مع هاد بلانات المهم هو يعرف البناني ولدو سبق ليها ميوليش اضور بيها وخى تكون كيما كانت..

  عكس خوه كريم لي جات فيديه تبات ماتصبح..

حل عليها منير الباب وجرها مابغاش اشوف فيها   خاف يضعف ويقنتها تما نيت.

تابعاه تدور راسها فداك الكولوار حاضية منين دازت.

وقفها قدام باب لونو اسود (حضن وجها بيديه)..

منير:سمعي الخطة تبدلات مبقتيش غتنعسي مع شي واحد .(وسعات عينيها بفرحة) ركزي معايا غدخلي وتبقاي ساكتة مدويش الا جرا عليك متخرجيش شدي قنت وزمي..تانعاود نجي عندك غدا فالصباح (حاضي عينيها)تفاهمنا.

رماد(دورات هضرتو فراسها متسوقاتش )واخة صافي.

#يتبع
--