رماد آدم

الكاتبة ليلى الرايس....

🖤#رماد_ادم🖤

دازت ساعة ورؤيا غايبة..

شيهاب واقف على هبة :فين رؤيا؟؟

هبة(بقلق):معرفتش طلعات ترتاح.

شيهاب(عقد حجبانو):صوني عليها.

هبة:صونيت وصيفطت وحدة من الموضفات مالقتهاش فالشومبرة.

شيهاب وسع عينيه بخوف من الافكار لي جاو فبالو قلب دورة طالع كيترعد بالخوف..

بقات هيبة بلاصتها متوترة وخايفة عليها وجميع الافكار طاحو فراسها..من نهار دخل كريم الاوطيل وحالات اختفاء الموضفات وبعض المرات حتى النزلاء ...فركات يديها متوترة..

طالع فالمصعد العرق نازل على نواضرو .وقف فطابق الثالث قاصد غرفة كريم ..زفر نفس سخون طرق على الباب .شوية حل عليه بصدرو عريان لابس شورط طلعو ونزلو بحدة.

كريم:اش بغيتي؟

شيهاب(معوج راسو كيطل لداخل):احم سيدي طلعات عندك رؤيا.

كريم(قاطعو ببرود)شكون  رؤيا؟

شيهاب شاف فيه مطول عاد نطق...

شيهاب:رؤيا لكل مرة شفتيها فيها طلب مني نطلعها ليك (زير على قبضة يدو) سيدي ديك البنت مربية بنت عائلة خدامة على دارهم بعرق كتافها.

كريم(مسند على الباب): اش بغيتي مصدعني كترادا معايا نسيتي راسك ( صغر عينيه) لاش جيتي عندي انا؟

حنى عينيه بحيرة ماالقى تاسبب .

شيهاب:كنعتاذر اسيدي.

حرك ليه كريم راسو مبتاسم بمكر.

عشية كاملة كيقلب عليها داخ قلبو غيخرج بالخوف عليها تهد وعيى بالتقلاب.حتى من تسجيلات الكاميرا مبانتش فيهم هادشي لي خلاه يخاف وشاك فكريم هو مولاها لكن معندو مايدير من غير يقلب على الله تبان ..

هبة وصل وقت خروجها واقفة قدام باب الاوطيل غادة جاية مزيرة على صاكها متوترة مخلوعة على رؤيا صاحبتها فالخدمة ومونساها .

سمعات سميتها دورات راسها  كيبان ليها شيهاب عينيه مغرغرين فاشل جاي بمشية ثقيلة.

هبة:شيهاب فين رؤيا(شداتو من يديه) لقيتيها ياك؟

حرك راسو مألم: غبر ليها الاثر (شهق) هو مولاها دار فيها شي حاجة .

وسعات عينيها كترعد:اويلي اش كتقول اشيهاب (كتبكي) لاا رؤيا لاا .(جراتو من يدو)نمشيو لبوليس نعلمو قبل مايدير فيها شي حاجة.

شيهاب(نتر يدو منها): منقدروش نبينو عليه شي حاجة ..

هبة(شدات راسها):اش نديرو؟